ۇلتتىق مۋزەيدە رەجيسسەرلەر مەن وپەراتورلار اراسىندا وتكەن «نازار سالىڭىزدار! ۇلتتىق مۋزەي!» («Attention! National museum!») بايقاۋىنىڭ جەڭىمپازدارىن ماراپاتتاۋ كەشى ءوتتى.
جيىن باسىندا ءسوز العان ۇلتتىق مۋزەيدىڭ ديرەكتورى دارحان مىڭباي: «ۇلتتىڭ قۇندى جادىگەرلەرى قازىرگى جاڭا تەحنولوگيا كومەگىمەن حالىق نازارىنا ءجيى ۇسىنىلىپ وتىرعاندا عانا ءبىز مادەنيەتىمىزدىڭ باعاسىن ارتتىرىپ, وعان دەگەن قوعامنىڭ قىزىعۋشىلىعىن تۋدىرا الامىز. ۇلتتىق مۋزەي بۇعان دەيىن دە ءبىرنەشە بايقاۋلار مەن جوبالاردى جۇزەگە اسىرعان بولاتىن. ونىڭ بارلىعىنىڭ نەگىزىندە ۇلت مادەنيەتى مەن تاريحىنا دەگەن قۇرمەت جاتىر», – دەپ بايقاۋعا اتسالىسقان بارلىق قاتىسۋشىلارعا العىس ءبىلدىردى.
قازاقستان ازاماتتىق اليانسىنىڭ پرەزيدەنتى نۇرلان ەرىمبەتوۆ: «ءبىز ستۋدەنت كەزىمىزدە, وقۋشى شاعىمىزدا مۋزەيگە كوپ باراتىنبىز. قانداي كورمە كورگەنىمىزدى, قانداي قۇندى جادىگەرلەر جايلى اقپارات العانىمىز جونىندە ءبىر-بىرىمىزگە ماقتانىشپەن ايتاتىنبىز. ال قازىرگى ۇلتتىق مۋزەي ەلىمىزدىڭ ۇلكەن ءبىر رۋحاني ورداسىنا اينالىپ وتىر. مۇندا كەلۋشىلەر كورمەلەردى عانا كورىپ قايتپايدى, وسىنداي ءىس-شارالارعا دا وتە كوپ قاتىسادى. بۇل جەر – قارتتاردىڭ دا, جاستاردىڭ دا باسىن قوسىپ, جان-جاقتى جۇمىس ىستەيتىن زاماناۋي مەكەمە», – دەي كەلە, مۋزەي جۇمىسىنا ساتتىلىك تىلەدى.
سونىمەن قاتار, «سەرپىن-2050» الەۋمەتتىك جوباسىنىڭ توراعاسى مۇرات ابەنوۆ: «قازىرگى ءبىزدىڭ رۋحاني-مادەني ومىرىمىزدە, جاستار تاربيەسى سالاسىندا ۇلتتىق مۋزەيدىڭ الاتىن ورنى ەرەكشە. مۇندا كوپتەگەن جاڭا باعىتتاعى شارالاردىڭ وتكىزىلىپ تۇراتىنىنان حاباردارمىن. بىرنەشە ءىس-شارالارعا دا قاتىسىپ ۇلگەردىم. قاي كەز بولسىن, زال جاستارعا لىق تولى بولادى. سوعان شىن قۋانىشتىمىن. مەنىڭشە, بۇل مۋزەيدىڭ زامان تالابىنا ساي جۇمىس ىستەپ وتىرعانىنىڭ ءبىر بەلگىسى», – دەدى.
وتكەن جىلدىڭ قازان ايىنان باستاپ ءجۇرگىزىلگەن بايقاۋعا ەلىمىزگە تانىمال كينورەجيسسەرلەر, مۋزەي ءىسىنىڭ بىلگىرلەرى, كينوتانۋشى جانە مادەنيەتتانۋشى ماماندار قاتىسىپ, تورەلىك جاسادى. بايقاۋدىڭ قورىتىندىسى بويىنشا, 1-ورىن – «ەڭ ۇزدىك رەجيسسەرلىك جۇمىس» - باتىرجان يبراگيموۆ, جاقسىلىق قىرىقباەۆ, اسىلحان نۇرماعامبەتوۆ (500 000 تەڭگە); 2-ورىن – «ۇزدىك رەجيسسەرلىك جۇمىس» – بەكجان الماس (250 000 تەڭگە); 3-ورىن – «ۇزدىك رەجيسسەرلىك جۇمىس» – «ALATAU production» (100 000 تەڭگە), ال جەكەلەگەن نوميناتسيالار بويىنشا «ۇزدىك وپەراتورلىق جۇمىس» – ءىلياس اسانوۆ جانە باقتيار سارسەنبيەۆ (50 000 تەڭگە); «كرەاتيۆتى جۇمىس» – اينۇر ساعىندىق, ءماجي جاعي, الپىس نۇربولات (50 000 تەڭگە); «ۇزدىك يدەيا» جۇلدەسى نازبەك ەسماعۇلوۆ (50 000 تەڭگە) ەنشىسىنە ءتيدى.
دارحان مىڭباي: «ۇزدىكتەردى انىقتاۋ تورەشىلەر ءۇشىن دە وڭايعا سوققان جوق. دەسە دە, بايقاۋعا قاتىسۋشى ءاربىر ۇمىتكەر ءوز ەڭبەكتەرىندە ۇلتتىق جادىگەرلەردى بارىنشا جان-جاقتى ناسيحاتتاۋعا تىرىسقانى كورىنىپ تۇردى. ۇلتتىق مۋزەي رەجيسسەرلەر اراسىنداعى بايقاۋدى تۇڭعىش رەت ۇيىمداستىرىپ وتىر. مۇنداي جوبالار الداعى ۋاقىتتا دا جالعاسىن تاباتىن بولادى», – دەي كەلە جۇلدەگەرلەردى قۇتتىقتاپ, شىعارماشىلىق تابىستار تىلەدى. اتالعان شاراعا شاحاريزات سەيداحمەت, اعايىندى جۇگىنىسوۆتەر قاتىسىپ, اسەم اننەن شاشۋ