قوستاناي. 10 اقپان. قوستاناي قالالىق اۋرۋحاناسىندا اقپان ايىنىڭ باسىنان باستاپ ينسۋلت ورتالىعى جۇمىس ىستەي باستادى. بۇل وبلىستاعى وسىنداي ءۇشىنشى ورتالىق بولىپ ەسەپتەلەدى. بۇل تۋرالى ng.kz سايتىنا سىلتەمە جاساعان egemen.kz ءتىلشىسى حابارلادى.
وبلىستا ءۇش وسىنداي ورتالىق بولسا دا, ادامداردىڭ وسى اۋىر ناۋقاسقا شالدىعۋى ازايعان دا, وزگەرگەن دە جوق. وسىعان وراي جۋرناليستەر ساۋالىنا وبلىستىق دەنساۋلىق ساقتاۋ باسقارماسىنىڭ باسشىسى ورال بەكمۇحامبەتوۆ قالالىق اۋرۋحانا جانىنان ينسۋلت ورتالىعىنىڭ اشىلۋى وسى اۋرۋعا شالدىققان ناۋقاستاردى قالالىق اۋرۋحاناعا باعىتتاۋ عانا ەكەنىن ءتۇسىندىردى.
وبلىستىق دەنساۋلىق ساقتاۋ باسقارماسىنىڭ باسشىسى ورال بەكماعامبەتوۆ: «ينسۋلت ورتالىعىندا ەڭ باستىسى زاماناۋي جابدىقتار بولۋى ءتيىس. كەزىندە العاشقى ينسۋلت ورتالىعى نەگە وبلىستىق اۋرۋحانادان اشىلدى دەيسىز؟ ويتكەنى وندا انگيوگراف, كومپيۋتەرلىك جانە ماگنيتتىك-رەزونانستىق توموگرافتار بولدى. قوستاناي قالاسىندا ينسۋلتپەن اۋىرعانداردىڭ 60 پايىزىن سوندا جىبەرەتىنبىز. ال وبلىستىق اۋرۋحانا اۋدانداردان كەلگەن اۋىر ناۋقاستاردى ەمدەۋگە باعىتتالعان. سوندىقتان قوستاناي قالالىق اۋرۋحاناسى ءوز پاتسيەنتتەرىن جوعارى تەحنولوگيالىق تەكسەرۋگە كومپيۋتەرلىك توموگرافى بار جەكەمەنشىك مەديتسينا مەكەمەلەرىمەن كەلىسىم جاساۋ ءۇشىن وبلىستىق اۋرۋحانا بيۋدجەتىنەن 105 ميلليون تەڭگەنى الىپ وتىرمىز», – دەدى.
باسقارما باسشىسىنىڭ ايتۋىنشا, بيىل جىل اياعىنا دەيىن قوستاناي قالالىق اۋرۋحاناسىنداعى ينسۋلت ورتالىعىنىڭ وزىنە دە كومپيۋتەرلىك توموگرافيا الىنادى.
ن.جارىمبەتوۆا.
دەرەك, سۋرەت: ng.kz.