استانا. 25 قاڭتار. فرانتسيانىڭ پوليتسيا قىزمەتكەرلەرى جانە ارنايى قىزمەت وكىلدەرى جىل باسىنان بەرى تەرروريزمگە قاتىسى بار 15 كۇدىكتىنى تۇتقىنعا الدى. ونىڭ بەسەۋى سوت ىسىنە تاپسىرىلدى. بۇل تۋرالى تاسس اقپارات اگەنتتىگىنە سىلتەمە جاساعان egemen.kz ءتىلشىسى حابارلادى.
«فرانتسيادا 2016 جىلدىڭ باسىنان بەرى قولعا تۇسكەن 15 كۇدىكتىنىڭ بەسەۋى سوت ىسىنە تاپسىرىلدى. لاڭكەستەر توبىنىڭ العاشقى بولىگى قاۋىپتى ايماقتارعا وتكەنى انىقتالعان كۇننەن باستاپ, پوليتسيا قىزمەتكەرلەرىنىڭ نازارىنا 1022 ادام ىلىككەن بولاتىن. وسىعان بايلانىستى 311 ادام ۋاقىتشا قاماۋعا الىنىپ, جارتىسىنا جۋىعى سوت ىسىنە تاپسىرىلعان بولسا, 43 كۇدىكتى ارنايى قۇرىلعان سوت قاداعالاۋىندا», – دەيدى فرانتسيانىڭ ىشكى ىستەر ءمينيسترى بەرنار كازنەۆ.
بەرنار كازنەۆ شەكارا قىزمەتكەرلەرىنە جۇمىستارىن اسقان قىراعىلىقپەن اتقارۋدى تاپسىردى. سەبەبى, قاۋىپتى ايماقتان كەلگەن لاڭكەستەر قازا بولعان نەمەسە قولعا تۇسكەن تۇرعىنداردىڭ كۋالىگىن قولدانادى دەگەن پىكىرىن ايتتى. سونداي-اق, وسىعان بايلانىستى ارنايى توپ قۇرىپ, بۇل قىزمەتكە ەۋروپانىڭ پوليتسيا قىزمەتكەرلەرى تارتىلۋى قاجەت دەگەن ۇسىنىسىن بىلدىردى. ولار زاڭسىز جولمەن جاسالعان كۋالىكتەردى انىقتاۋ ىسىمەن شۇعىلدانادى.
ايتا كەتەيىك, 2015 جىلى 13 قاراشادا پاريج قالاسىنىڭ بىرنەشە ورىندارىندا تەراكت بولىپ, جۇزدەن استام ادام قازا تاپقان.
ايان ءابدۋالي.
دەرەك, سۋرەت: تاسس.