استانا. 24 قاڭتار. قىتاي استاناسى – بەيجىڭ قالاسىنىڭ بيلىگى شاھار حالقىنىڭ سانىن 2020 جىلى 23 ميلليوننان اسىرماۋدى جوسپارلاپ وتىر. وعان مەگاپوليس تۇرعىندارىن قامتاماسىز ەتەتىن رەسۋرستاردىڭ تاپشىلىعى سەبەپ بولىپ وتىر. بۇل تۋرالى تاسس اگەنتتىگىنە سىلتەمە جاساعان egemen.kz ءتىلشىسى حابارلادى.
«سينحۋا» اگەنتتىگىنىڭ حابارلاۋىنشا, قىتايدىڭ زاڭ شىعارۋشى ورگانى – حالىق وكىلدەرىنىڭ جينالىسى مەن قالانىڭ حالىقتىق ساياسي كونسۋلتاتيۆتى كەڭەسىنىڭ جيىنىندا بەيجىڭنىڭ الەۋمەتتىك, كولىك قاتىناسى جانە ەكونوميكالىق رەسۋرستارىنا باعا بەرىلىپ, وسىنداي ماسەلە كوتەرىلگەن. بۇگىندە ەل استاناسىنداعى ەڭ وزەكتى ماسەلەلەردىڭ ءبىرى سۋمەن قامتاماسىز ەتۋ ەكەنىن اتاپ وتكەن ءجون.
قالا مەرى ۆان ءانشۋننىڭ ايتۋىنشا, الداعى بەس جىلدا حالىقتى مەگاپوليستىڭ ورتالىعىنان شەت اۋداندارعا ورنالاستىرۋ جۇمىستارى جۇرگىزىلەدى. سوعان وراي, ورتالىقتاعى تۇراقتى تۇرعىندار سانىن 2014 جىلعى كورسەتكىشتەن 15 پايىزعا ازايتۋ كوزدەلىپ وتىر.
ايتا كەتەيىك, 2015 جىلعى ساناق قورىتىندىسى بويىنشا, بەيجىڭدە 21,7 ميلليون ادام تۇراتىنى انىقتالدى. جەرگىلىكتى بيلىك 2016 جىلدىڭ سوڭىنا دەيىن بۇل كورسەتكىشتى 22 ميلليوننان اسىرماۋدى جوسپارلاپ, سوعان قاتىستى باعدارلامالاردى قولعا الۋدا.
ەلامان قوڭىر.
دەرەك: تاسس.
سۋرەت: kalipsoua.com.