قازاقستان مەن پەرۋ اراسىنداعى قۇقىقتىق ىنتىماقتاستىق نىعايا ءتۇستى. مەملەكەت باسشىسى ەكى ەل اراسىنداعى قۇقىقتىق سالاداعى ءوزارا ءىس-قيمىلدى دامىتۋعا باعىتتالعان ءۇش بىردەي زاڭعا قول قويدى, دەپ حابارلايدى Egemen.kz.
اتاپ ايتقاندا, قىلمىستىق ىستەر بويىنشا ءوزارا قۇقىقتىق كومەك كورسەتۋ, سوتتالعان ادامداردى بەرۋ جانە ۇستاپ بەرۋ تۋرالى شارتتاردى راتيفيكاتسيالاۋ جونىندەگى زاڭدار بەكىتىلدى.
بۇل قۇجاتتار ەكى ەل اراسىنداعى قۇقىق قورعاۋ ورگاندارىنىڭ ىنتىماقتاستىعىن كۇشەيتۋگە, قىلمىسپەن كۇرەستە تيىمدىلىكتى ارتتىرۋعا جانە حالىقارالىق قۇقىقتىق كومەكتى جەتىلدىرۋگە مۇمكىندىك بەرەدى. سونىمەن قاتار, اتالعان كەلىسىمدەر ادىلەتتىلىكتى قامتاماسىز ەتۋ مەن ازاماتتاردىڭ قۇقىقتارىن قورعاۋ ىسىندە ماڭىزدى ءرول اتقارادى.