استانا. 24 قاڭتار. كەشە تۇندە رەسەيدىڭ سانكت-پەتەربۋرگ قالاسىندا فۋتبولدان جاستار اراسىنداعى (U-21) حالىقارالىق «دوستاستىق» كۋبوگىنىڭ XXIV ءتۋرنيرى مارەسىنە جەتتى. ونىڭ فينالىندا مولدوۆا قۇراماسىن 4:2 ەسەبىمەن ۇتقان رەسەي كومانداسى كۋبوك يەگەرى اتاندى. بۇل تۋرالى ras.kz-كە سىلتەمە جاساعان egemen.kz حابارلادى.
بيىلعى ماۋسىمدا تۋرنيرگە قاتىسۋشى قۇرامالار سانى قاي جىلدارعا قاراعاندا دا, ەداۋىر از بولدى. بۇل جولى كۋبوكتى نەبارى 8 جاساق ساراپقا سالدى.
كەشە ەڭ سوڭىنان وينالعان فينالدىق ماتچتا مولدوۆاندار ءبىرىنشى بولىپ ەسەپ اشتى (دان سپەتارۋ, 9-مينۋت). ارادا 2 مينۋت وتكەندە, رەسەيلىك الەكسەي سۋتمورين ەسەپتى تەڭەستىردى. ەكىنشى تايمدا الاڭ يەلەرى تاعى ءۇش گول سوقتى. ولاردى يليا پەتروۆ (67), ماكسيم كارپوۆ (73) جانە كاميل مۋللين (80) ءتۇسىردى. سوڭىنان مولدوۆان الەكساندرۋ بويچۋك (82) تاعى ءبىر گولدىڭ قارىمتاسىن قايتاردى.
ال مۇنىڭ الدىندا عانا قىرعىزستان جانە ەستونيا كوماندالارى 3-ورىن ءۇشىن تالاستى. كەزدەسۋدىڭ نەگىزگى ۋاقىتىندا ەسەپ اشىلمادى. سودان كەيىن قارسىلاستار پەنالتيگە جۇگىندى. وندا ەستوندار مەرگەندىك پەن سالقىنقاندىلىق تانىتتى. ەسەپ – 4:1.
وسى كۇنى كوماندالار 5 جانە 7-ورىنداردىڭ دا تاعدىرلارىن شەشتى. سونىڭ ىشىندە 5-ورىن ءۇشىن بەلارۋس پەن لاتۆيا اراسىنداعى ۇشىراسۋدا دا فۋتبولشىلار نەگىزگى ۋاقىتتا قاقپا قۇلپىن اشا الماي, ويىننان كەيىنگى پەنالتي ارقىلى كۇشتەرىن انىقتادى. ول بۇلاردىڭ الدىڭعىلارىنا جەڭىس اكەلدى – 5:4.
بۇل كۇنگى سايىستى باستاعان قازاقستان جانە تاجىكستان قۇرامالارى 7-ورىن ءۇشىن تالاستى. ول 3:2 ەسەبىمەن قازاقستاندىقتاردىڭ پايداسىنا شەشىلدى. ماتچ بىردەن ءبىزدىڭ باعلانداردىڭ شابۋىلىمەن باستالدى. ولار العاشقى گولدى دا تىم ەرتە سالدى – 2-مينۋتتا ءانۋار اعايسيننىڭ اياعىنان ۇشقان دوپ توردان ءبىر-اق شىقتى. ال 14-مينۋتتا ابات ايىمبەتوۆ ەكىنشى گولدى دا ءتۇسىرىپ ۇلگەردى. سودان سوڭ تاجىك نوزيم بابودجونوۆ (17) ءبىر گول سالىپ كەتتى. قالعان ەكى گول كەزدەسۋ سوڭىنا قاراي سالىندى. مۇنىڭ العاشقىسىن 83-مينۋتتا ايىمبەتوۆ ءوز ەسەبىنە جازسا, كەلەسىسىنە 85-مينۋتتا تاجىك جاحونگير ەرگاشوۆ قول جەتكىزدى. وعان دەيىن, 76-مينۋتتا الاڭدا توبەلەس باستاپ كەتكەن قازاقستاندىق يۆان انتيپوۆ پەن تاجىكستاندىق تابرەزي داۆلاتمير الاڭنان قۋىلدى. ولاردىڭ ۇستاسۋلارى ەكى جاقتان دا قولداۋ الىپ, جاپپاي توبەلەسكە ۇلاسىپ كەتە جازدادى.
كوماندالار ءتۋرنيردىڭ ىرىكتەۋ كەزەڭىن ەكى توپقا ءبولىنىپ ويناۋ ارقىلى باستادى. ا توبىنا تۇسكەن قازاقستان قۇراماسى قارسىلاستارىمەن (بەلارۋس, قىرعىزستان) 2 رەت تەڭ ويناپ, 1 رەت ۇتىلدى (مولدوۆا). ءسويتىپ, 4 كوماندانىڭ ەڭ سوڭىندا قالىپ قويدى.
تۋرنير 17 قاڭتاردا باستالدى. كەلەسى تۋرلار 19, 21 قاڭتار كۇندەرى وينالدى.
ىرىكتەۋ توبىنداعى ويىندار مىناداي ناتيجەلەر اكەلدى:
1-تۋر. 17 قاڭتار
رەسەي – تاجىكستان 2:1, لاتۆيا – ەستونيا 1:2, قازاقستان – مولدوۆا 0:1, بەلارۋس – قىرعىزستان 0:1.
2-تۋر. 19 قاڭتار
رەسەي – لاتۆيا 2:1, تاجىكستان – ەستونيا 1:4, قازاقستان – بەلارۋس 0:0, مولدوۆا – قىرعىزستان 2:0.
3-تۋر. 21 قاڭتار
ەستونيا – رەسەي 1:2, لاتۆيا – تاجىكستان 3:2, قىرعىزستان – قازاقستان 2:2, بەلارۋس – مولدوۆا 2:1.
ا توبى
№
كوماندالار
و
ۇ
ت
ج
دوپ
ۇپ
1
مولدوۆا
3
2
0
1
4:2
6
2
قىرعىزستان
3
1
1
1
3:4
4
3
بەلارۋس
3
1
1
1
2:2
4
4
قازاقستان
3
0
2
1
2:3
2
ۆ توبى
№
كوماندالار
و
ۇ
ت
ج
دوپ
ۇپ
1
رەسەي
3
3
0
0
6:3
9
2
ەستونيا
3
2
0
1
7:4
6
3
لاتۆيا
3
1
0
2
5:6
3
4
تاجىكستان
3
0
0
3
4:9
0
ەندى «دوستاستىق» كۋبوگىنىڭ تاريحى جونىندە بىرەر ءسوز.
تۋرنير 1993 جىلدىڭ قاڭتارىنان باستالادى. باستاپقىدا ول تمد جانە بالتىق ەلدەرى چەمپيوندارىنىڭ كۋبوگى رەتىندە ومىرگە كەلدى. ول وسىلايشا 1993-2011 جىلدار ارالىعىندا وسى كلۋبتىق كوماندالاردىڭ قاتىسۋلارى ارقىلى وتكىزىلدى.
وسى جىلداردا «سپارتاك» (ماسكەۋ, رەسەي) – 6 رەت (1993, 1994, 1995, 1999, 2001, 2001), «دينامو» (كيەۆ, ۋكراينا) – 4 رەت (1996, 1997, 1998, 2002), «شەريف» (تيراسپول, مولدوۆا) 2 رەت (2003, 2009) كۋبوكتى جەڭىپ الدى. تاعى 7 كوماندا تۋرنيردە ءبىر رەتتەن جەڭىسكە جەتتى. ولاردىڭ قاتارىنداعى «دينامو» (تبيليسي, گرۋزيا) – 2004, «لوكوموتيۆ» (ماسكەۋ, رەسەي) – 2005, «نەفتچي» (باكۋ, ازەربايجان) – 2006, «پاحتاكور» (تاشكەنت, وزبەكستان) – 2007, «حازار-لەنكوران» (لەنكوران, ازەربايجان) – 2008, «رۋبين» (قازان, رەسەي) – 2010 جانە «ينتەر» (باكۋ, ازەربايجان) 2011 جىلدارى جەڭىمپاز اتاندى.
قازاقستاندىقتار ساپىنان ەڭ جوعارى تابىسقا جەتكەن «اقتوبە» 2009 جانە 2010 جىلدارى فينالدا ويناپ, «شەريف» پەن «رۋبينگە» ويىننان كەيىنگى پەنالتيدە ەسە جىبەرىپ الدى.
تۋرنير 2012 جىلدان باستاپ جاستارى 21-گە دەيىنگى جاستار قۇرامالارىنىڭ تۋرنيرىنە اينالدى. وعان ەندى قاتىسۋعا تىلەك بىلدىرگەن تەرمە جاماعاتتاردىڭ بارىنە رۇقسات بەرىلدى.
سودان بەرى رەسەي (2012, 2013, 2016) قۇراماسى 3 رەت, ۋكراينا (2014) مەن وار (2015) ءبىر رەتتەن جەڭىمپازدار تۇعىرىنا كوتەرىلدى.
تالعات رايىمبەك.
دەرەك, سۋرەت: ras.kz.