كوكشەتاۋ. 23 قاڭتار. كوكشەتاۋ قالاسىندا جەكە ۇيدە ورىن العان ءورتتىڭ سالدارىنان زەينەت جاسىنداعى ايەل قازا تاپتى. بۇل تۋرالى اقمولا وبلىستىق توتەنشە جاعدايلار دەپارتامەنتىنىڭ دەرەگىنە سۇيەنگەن egemen.kz ءتىلشىسى حابارلادى.
ۆەدومستۆونىڭ مالىمەتىنە قاراعاندا, وبلىس ورتالىعىنداعى جەر ۇيدە ورىن العان بۇل ءورت بەيسەەنبى كۇنى تاڭەرتەڭ تىركەلگەن.
«ءورتتى ءسوندىرۋ بارىسىندا ۇيدەن 1948 جىلى تۋعان ايەلدىڭ ءمايىتى تابىلدى. ءورت 08:20 ساعاتتا جويىلدى. ونىڭ قامتىعان اۋماعى 80 گارشى مەتردى قۇرايدى. الدىن الا بولجام بويىنشا, ءورتتىڭ سەبەبى ابايسىزدىقتان بولعان», - دەپ مالىمدەدى توتەنشە جاعدايلار دەپارتامەنتىندەگىلەر.
وبلىستىق ىشكى ىستەر باسقارماسىنىڭ مالىمەتىنە سىلتەمە جاساعان «قازاقستان جاڭالىقتارى» اگەنتتىگى ۇيدەن تابىلعان ايەلدىڭ سىرتقى كەلبەتىنەن زورلىقپەن ءولتىرىلۋ بەلگىلەرىنىڭ بايقالماعانىن جەتكىزدى.
«مارقۇمنىڭ دەنەسى قازىر ءمايىتحانادا, وعان ساراپتاما بەلگىلەندى ءولىمنىڭ سەبەبى, ازىرگە تۇتىنگە تۇنشىعۋ دەلىنىپ وتىر», - دەپ اتاپ ءوتتى پوليتسياداعىلار.
باقبەرگەن امالبەك.
دەرەك, فوتو: اقمولا وبلىسىق توتەنشە جاعدايلار دەپارتامەنتى.