استانا. 23 قاڭتار. اۋعانستاننىڭ شىعىسىندا نۋريستان پروۆينتسياسىندا جولاۋشىلار كولىگى وزەنگە قۇلاپ, 6 ادام قازا تاپتى. سونداي-اق, ءۇش ادام ءتۇرلى جاراقات الدى. بۇل تۋرالى تاسس اقپارات اگەنتتىگىنە سىلتەمە جاساعان egemen.kz ءتىلشىسى حابارلادى.
«قازا تاپقانداردىڭ بەسەۋى مەكتەپ وقۋشىلارى. جوعارى وقۋ ورنىنا ءتۇسۋ ءۇشىن پارۋن قالاسىندا ارنايى سىناق تاپسىرىپ كەلە جاتقان. ال نۋريستان پروۆينتسياسىنداعى كوپىرلەردىڭ كوبىسى قاۋىپتى جاعدايدا. قايعىلى وقيعا وسىنداي ورىنداردىڭ بىرىندە بولدى», - دەيدى جەرگىلىكتى باق وكىلدەرى.
زارداپ شەككەندەر جاقىن ماڭايداعى اۋرۋحانالارعا جەتكىزىلدى. ال پوليتسيا قىزمەتكەرلەرى وقيعا ورنىندا تەرگەۋ جۇمىستارىن جۇرگىزۋدە.
ايان ءابدۋالي.
دەرەك: تاسس.
سۋرەت: reporter-tv.net.