قازىرگى تاڭدا الەمدى الاڭداتىپ وتىرعان وزەكتى ماسەلەلەردىڭ ءبىرى ارتىق سالماق ەكەنى بەلگىلى. ونىڭ ءارتۇرلى سەبەبى بار. سونىڭ ىشىندە ەڭ باستىسى – دۇرىس تاماقتانباۋ. وسىعان بايلانىستى زەرتتەۋ جۇمىستارىن جۇرگىزىپ جاتقان امەريكالىق عالىمدار تاماق ىشەتىن ۇستەلدىڭ دە ادام تابەتىنە اسەرى بارىن انىقتادى.
بۇل جاڭالىقتى كاليفورنيا شتاتىنا قاراستى لۋيس-وبليسپو قالاسىنداعى پوليتەحنيكالىق ۋنيۆەرسيتەتتىڭ عالىمى برەننان دەۆيس پەن ونىڭ ارىپتەستەرى اشتى. ولار اتالعان زەرتتەۋ جۇمىستارى بارىسىندا 200 ەرىكتى ستۋدەنتتىڭ تابەتىنە سىناق ءجۇرگىزگەن. اتاپ ايتقاندا, ءبىر پيتستسانى ەكىگە ءبولىپ, ءبىر ءبولىگىن – شاعىن, ال ەكىنشىسىن ۇلكەن ۇستەلگە قويعان. ءناتيجەسىندە شاعىن ۇستەلگە وتىرعاندارعا قاراعاندا, ۇلكەن داستارقانعا جايعاسقان ستۋدەنتتەر تاماقتى ايتارلىقتاي از جەگەن.
پسيحولوگتار مەن ديەتولوگتار بۇل جاعدايدى ادام ساناسىنىڭ قابىلداۋىمەن ءتۇسىندىرىپ وتىر. «سەبەبى, ۇلكەن ءۇستەلدەگى تاماقتىڭ دا مولشەرى ادامعا كوپ بولىپ كورىنەدى. سوندىقتان, ادام از جەسە دە, ساناسى ونى كوپ دەپ قابىلداپ, قاناعاتتانادى. بۇل – تاجىريبە قوماعاي جاندار ءۇشىن قولايلى ءتاسىل», – دەيدى ب.دەۆيس.
بۇگىندە ارتىق سالماقتان اقشا بەرىپ, ارىلىپ جۇرگەندەر بار. ونىڭ قاسىندا ماماندار بۇل ءادىستىڭ وتە قاراپايىم ءارى قولجەتىمدى ەكەنىن ايتىپ وتىر.
ەرنار مۇحامبەت.