ورال. 21 قاڭتار. باتىس قازاقستان وبلىسىنىڭ ورتالىعى – ورال قالاسىندا قاراشىعاناق پەتروليۋم وپەرەيتينگ (كپو) كومپانياسىنىڭ الەۋمەتتىك جوباعا بولىنگەن 2,8 ميلليارد تەڭگەسىنە جاستار سارايى سالىنادى. بۇل تۋرالى egemen.kz ءتىلشىسى حابارلادى.
بۇعان دەيىن اتالعان كومپانيانىڭ الەۋمەتتىك جوبالارى شەڭبەرىندە 2015 جىلى جۇمسالعان قارجى ەسەبىن بايانداعان بولاتىنبىز. ال وسى جولى كپو ب.ۆ. كومپانياسىنىڭ ديرەكتورى رەناتو ءماروليدىڭ 2016 جىلعا ارنالعان الەۋمەتتىك باعدارلاماسىن توقتالىپ وتەيىك.
بارلىعى 2016 جىلى وبلىس بويىنشا 17 الەۋمەتتىك جوبا, وعان قوسا تەك ءبىر عانا ءبورلى اۋدانى بويىنشا 15 جوبا جوسپارلانۋدا. اتاپ ايتقاندا, ورال قالاسى بويىنشا جاستار سارايىنىڭ قۇرىلىسى (تاپسىرۋ مەرزىمى – 2017 جىل); جايىق وزەنىنىڭ وڭ جاعالاۋىن اباتتاندىرۋ (2 كەزەڭگە جالعاسادى); دوستىق داڭعىلى اۆتوجولىن كۇردەلى جوندەۋدەن وتكىزۋ; م.يحسانوۆ كوشەسى اۆتوجولىن قايتا جاڭعىرتۋ; جاستار ستاديونىنداعى دوپتى حوككەيگە ارنالعان الاڭدى جابدىقتاۋ; كىتاپحانا جانە مۇراعات قۇرىلىسى; مۇحيت كوشەسى مەن ەۋرازيا داڭعىلى قيىلىسىنان باستاپ 2-ءشى بازا ايالداماسىنا دەيىنگى اۆتوجولدى كۇردەلى جوندەۋدەن وتكىزۋ; ەۋرازيا داڭعىلىنداعى سۋ قۇبىرلارى كوللەكتورلارىن قايتا جاڭعىرتۋ; كىشىگىرىم جىمپيتى, چكالوۆا كوشەلەرى اۆتوجولدارىنا ورتاشا دەڭگەيدە جوندەۋ جۇرگىزۋ; 7 جانە 9-شاعىن اۋدان ارالارىندا ىشكى جولداردىڭ قۇرىلىسىن جۇرگىزۋ; تسيولكوۆسكي كوشەسىنە ورتاشا جوندەۋ جۇرگىزۋ; شەۆچەنكو مەن يساەۆ كوشەلەرى اۆتوجولدارىنا كۇردەلى جوندەۋ جۇرگىزۋ; №2 ورتا مەكتەبىنە كۇردەلى جوندەۋ جۇرگىزۋ, ورال قالالىق دەمالىس ساياباعىنداعى شاعان وزەنىنىڭ وڭ جاعالاۋىن اباتتاندىرۋ (1 كەزەڭنەن تۇرادى); اقجايىق اۋدانى شابدارجاپ اۋىلىنا 198 ورىندىق مەكتەپ سالۋ; شاكىر جەكسەنباەۆ اتىنداعى ۇيالى اۋىلدىق ورتا مەكتەبىن كۇردەلى جوندەۋدەن وتكىزۋ كوزدەلۋدە.
سونىمەن قاتار, وبلىس اكىمى ءباسپاسوز قىزمەتىنىڭ مالىمەتتەرىنە كوز سالساق, بۇدان باسقا جەر قويناۋىن پايدالانۋشىلاردان جالپى ايماقتىڭ الەۋمەتتىك-ەكونوميكالىق دامۋىنا 2016 جىلى 335 ميلليون تەڭگە ءبولىنۋ جوسپارلانۋدا. سالىستىرمالى تۇردە 2015 جىلى بۇل سوما 335 ميلليون تەڭگەنى قۇرسا ال 2014 جىلى تەك 245 ملن تەڭگە بولىنگەن.
كپو ب.ۆ. كومپانياسى الەۋمەتتىك جوبالارعا ءار جىلعا 20 ميلليون دوللار توڭىرگەندە, ال 2014 جىلدان باستاپ جەر قويناۋى ءوندىرىلىپ جاتقان ءبورلى اۋدانىنا 10 ميلليون دوللاردان بولە باستاعانىن ايتا كەتكەن ءجون.
تەمىر قۇسايىن.
دەرەك, سۋرەت: egemen.kz.