اقتوبە. 21 قاڭتار. اقتوبە قالاسىندا وبلىستىق ورتالىق «نۇر عاسىر» مەشىتىنىڭ ماڭىنان شامامەن مىڭ ورىندىق حاتىمحانا سالىنادى دەپ كۇتىلۋدە. بۇل تۋرالى egemen.kz ءتىلشىسى حابارلادى.
قازىر نىساننىڭ جوبالىق-سمەتالىق قۇجاتتارى دايىندالىپ جاتىر. جاڭادان ەڭسە تىكتەيتىن عيماراتتا نەكە قيۋ, سۇندەتتەۋ بولمەلەرى دە بولادى. سونداي-اق, اقتوبەدە «نۇر عاسىر» مەشىتىنىڭ مۇرىندىق بولۋىمەن كوكتەمدە رەسپۋبليكالىق دەڭگەيدە اقىنداردىڭ يماني ايتىسى ۇيىمداستىرىلماق.
وبلىستىق ورتالىق «نۇر عاسىر» مەشىتىنىڭ يمامى نۇرلان قاجى بايجىگىت ۇلىنىڭ ايتۋىنشا, جالپى ءدىن قىزمەتكەرلەرى – ۋاعىز-ناسيحات, تەرىس اعىمدارمەن جۇمىس, قايىرىمدىلىق, ءدىني ساۋات اشۋ سياقتى ءتورت باعىتتا جۇمىس ىستەيدى. ەلدىڭ, ۇلت پەن ۇلىستاردىڭ بىرلىگىن ساقتاپ, تۇراقتىلىقتى قامتاماسىز ەتۋ ماقساتىندا ناسيحات جۇمىستارى جۇيەلى جۇرگىزىلەدى.
ول وبلىس باسشىلىعىنا مەشىت جانىنان حاتىمحانا سالۋ تۋرالى ۇسىنىس جاساپ, ەسكيزدىك جوسپارىن ازىرلەگەن. جاقىندا جوبالىق قۇجاتتارى دايىن بولادى.
ساتىبالدى ءساۋىرباي.
دەرەك: egemen.kz.
سۋرەت: muftyat.kz.