سەناتتىڭ بيۋرو مۇشەلەرى

پالاتانىڭ جاڭا ءماجىلىستىڭ سايلاۋىنا دەيىنگى جۇمىسىن تالقىلادى پارلامەنت سەناتىنىڭ توراعاسى قاسىم-جو­مارت توقاەۆ سەنات بيۋرو­سى­نىڭ مۇشە­لەرى­مەن كەڭەس وتكىزىپ, ءماجىلىس­تىڭ وكىلەت­تىگى مەرزىمىنەن بۇرىن توقتا­تىلۋىنا بايلانىستى پالاتا الدىندا تۇرعان مىندەتتەرگە ارىپتەستەرىنىڭ نازارىن اۋداردى, دەپ حابارلادى سەناتتىڭ ءباسپاسوز قىزمەتى. ەلباسىنىڭ اۋقىمدى رەفورمالارىن ىسكە اسىرۋ كەزەڭىندە ەلىمىزدىڭ ساياسي پارتيالارىنا سايلاۋشىلاردىڭ جاڭا سەنىم مانداتىن الۋ اسا ماڭىزدى, دەپ اتاپ ءوتتى سەنات توراعاسى. قازاقستان رەسپۋبليكاسى كونس­تيتۋتسياسىنىڭ 55-بابىنداعى 5) تار­ماقشاعا سايكەس, وكىلەتتىگى مەرزىمىنەن بۇرىن توقتاتىلۋىنا بايلانىستى ءماجىلىستىڭ ۋاقىتشا بولماعان كەزىندە پارلامەنتتىڭ كونستيتۋتسيالىق زاڭدار مەن زاڭدار­دى قابىلداۋ جونىندەگى مىندەت­تەرىن سەنات اتقاراتىن بولا­دى. وسىعان بايلانىستى ق.تو­قاەۆ سەناتورلارعا زور جاۋاپكەر­شىلىك جۇكتەلەتىنىن اتاپ ءوتىپ, ءارىپ­تەستەرىن جۇمىستى مۇقيات ات­قارۋ­عا شاقىردى. توراعا دەپۋتات­تاردىڭ ساپالى زاڭ شىعارۋ قىز­مەتىن ءتيىستى دارەجەدە قولداۋدى قامتا­ماسىز ەتۋگە سەنات اپپارا­تىنا تاپسىر­ما بەردى, سونداي-اق, سەناتتا زاڭ جو­بالارىن قاراۋ بارىسىندا تالقى­لاۋدىڭ جانە قابىلداۋدىڭ بەلگى­لەنگەن ءتارتىبىن قاتاڭ ساقتاۋعا نازار اۋداردى. سەنات توراعاسى ءماجىلىستىڭ زاڭ شىعارۋ قورجىنىندا 56 زاڭ جو­باسى بولعانىن ايتتى. سەنات رەگ­لا­مەنتىنە سايكەس, ءماجىلىس ۋاقىت­شا بولماعان كەزدە سەناتتىڭ قاراي­تىن جانە قابىلدايتىن زاڭ جوبا­لارىنىڭ تىزبەسىن پالاتا باسشى­لىعى بەلگىلەيدى.