استانا. 21 قاڭتار. گولليۆۋدتىڭ تانىمال جۇلدىزى قارا ءناسىلدى ۋيلل سميت «وسكار» سىيلىعىنىڭ سالتاناتتى كەشىنە قاتىسپايدى. بۇل تۋرالى تاسس اقپارات اگەنتتىگىنە سىلتەمە جاساعان egemen.kz ءتىلشىسى حابارلادى.
وسىمەن ەكىنشى جىل قاتارىنان ۇمىتكەرلەر قۇرامى تەك اق ناسىلدىلەردەن قۇرالعانىنا بايلانىستى ۋيلل سميت ءوز نارازىلىعىن ءبىلدىردى. سونداي-اق, «وسكار» سىيلىعىنا بويكوت جاريالاعان جۇبايى اكتريسا دجادا پينكەتت ءسميتتىڭ قاتارىنا قوسىلدى.
«ايەلىم ەكەۋىمىز اقىلداسا كەلە, وسىنداي شەشىمگە كەلدىك. ءبىز دە گولليۆۋدتىڭ مۇشەلەرىمىز. الايدا سالتاناتتى كەشكە قاتىسار بولساق, جاساندىلىق تانىتىپ, ءوزىمىزدى ىڭعايسىز سەزىنگەن بولار ەدىك», – دەيدى تانىمال اكتەر.
ايتا كەتەيىك, اتالعان سىيلىقتىڭ ۇمىتكەرلەرى 14 قاڭتار كۇنى بەلگىلى بولدى. «ۇزدىك رەجيسسەرلىك جۇمىس», «ۇزدىك اكتەر», «ۇزدىك اكتريسا», «ەكىنشى جوسپارداعى ۇزدىك اكتەر», «ەكىنشى جوسپارداعى ۇزدىك اكتريسا» اتتى بەس ساناتتان تۇراتىن «وسكار» سىيلىعىن دا ءبىر دە ءبىر قارا ءناسىلدى ۇمىتكەر جوق.
ايان ءابدۋالي.
دەرەك: تاسس.
سۋرەت: moviepilot.com.