استانا. 21 قاڭتار. رەسەي استاناسى ماسكەۋ قالاسىندا 2015 جىلى 5500-دەن استام ادام ءىز-ءتۇزسىز جوعالىپ كەتكەن. بۇل تۋرالى تاسس اقپارات اگەنتتىگىنە سىلتەمە جاساعان egemen.kz ءتىلشىسى حابارلادى.
«وتكەن جىلى ماسكەۋدە 5500-دەن استام رەسەي ازاماتى حابار-وشارسىز كەتتى. سونداي-اق, وتكەن جىلداردى قوسا ەسەپتەگەندە جوعالىپ كەتكەن 5934 ادام تابىلدى. ءىز-ءتۇزسىز كەتكەندەر تۋرالى جىلىنا 10 مىڭعا جۋىق حات كەلىپ تۇسەدى. الايدا ولاردىڭ باسىم بولىگى سول كۇنى تابىلىپ, تىزىمگە ىلىندەي قالادى. ال ىزدەۋ جۇمىستارى بىرنەشە ساعاتتان جىلدارعا دەيىن سوزىلۋى مۇمكىن», – دەپ مالىمدەدى قالالىق ىشكى ىستەر دەپارتامەنتىنىڭ قىزمەتكەرى دميتري پيچۋگين.
مالىمدەمەدە جوعالعان ادامنىڭ ءبىرازى كامەلەت جاسىنا تولماعاندار. ولاردى ىزدەۋ جۇمىستارىنا وتكەن جىلى ارنايى جاساق پەن ەرىكتى قالا تۇرعىندارى كومەكتەسكەن. «ليزا الەرت» سىندى قوعامدىق ۇيىمداردىڭ سەپتىگىمەن ءىز-ءتۇزسىز كەتكەن 110 ادام تابىلدى.
ايان ءابدۋالي.
دەرەك: تاسس.
سۋرەت: arrive.ru.