قازاقستان رەسپۋبليكاسى پرەزيدەنتىنىڭ جارلىعى

بەسىنشى شاقىرىلعان قازاقستان رەسپۋبليكاسى پارلامەنتىنىڭ ءماجىلىسىن تاراتۋ جانە قازاقستان رەسپۋبليكاسى پارلامەنتى ءماجىلىسى دەپۋتاتتارىنىڭ كەزەكتەن تىس سايلاۋىن تاعايىنداۋ تۋرالى قازاقستان رەسپۋبليكاسى كونستي­تۋ­تسيا­سىنىڭ 44-بابىنىڭ 2) تارماقشاسىنا, 63-بابىنىڭ 1-تارماعىنا, «قازاقستان رەسپۋبليكاسىنداعى سايلاۋ تۋرالى» قازاقستان رەس­پۋبليكاسى كونستيتۋتسيالىق زاڭىنىڭ 85-با­بىنا سايكەس قاۋلى ەتەمىن: بەسىنشى شاقىرىلعان قازاقستان رەس­پۋب­ليكاسى پارلامەنتىنىڭ ءماجىلىسى تاراتىلسىن. پارتيالىق تىزىمدەر بويىنشا سايلاناتىن قازاقستان رەسپۋبليكاسى پارلامەنتى ءماجىلىسى دەپۋتاتتارىنىڭ كەزەكتەن تىس سايلاۋى 2016 جىلعى 20 ناۋرىزعا تاعايىندالسىن. قازاقستان حالقى اسسامبلەياسى سايلايتىن قازاقستان رەسپۋبليكاسى پارلامەنتى ءماجىلىسى دەپۋتاتتارىنىڭ كەزەكتەن تىس سايلاۋى 2016 جىلعى 21 ناۋرىزعا تاعايىندالسىن. قازاقستان رەسپۋبليكاسى ورتالىق سايلاۋ كوميسسياسى قازاقستان رەسپۋبليكاسى پارلامەنتى ءماجىلىسى دەپۋتاتتارىنىڭ كەزەكتەن تىس سايلاۋىن دايىنداۋدى جانە وتكىزۋدى ۇيىمداستىرسىن. قازاقستان رەسپۋبليكاسىنىڭ ۇكىمەتى, اس­تانا جانە الماتى قالالارىنىڭ, وبلىس­تار­دىڭ اكىمدەرى قازاقستان رەسپۋبليكاسى پارلامەنتى ءماجىلىسى دەپۋتاتتارىنىڭ كەزەكتەن تىس سايلاۋىن ۇيىمدىق, ماتەريالدىق-تەح­ني­كالىق جانە قارجىلىق قامتاماسىز ەتۋ ءجو­نىندەگى بارلىق قاجەتتى شارالاردى كىدىرىسسىز قابىلداسىن. وسى جارلىق جاريالانعان كۇنىنەن باس­تاپ قولدانىسقا ەنگىزىلەدى.   قازاقستان رەسپۋبليكاسىنىڭ پرەزيدەنتى ن.نازارباەۆ. استانا, اقوردا, 2016 جىلعى 20 قاڭتار № 181