قازاقستان رەسپۋبليكاسى پارلامەنتى سەناتىنىڭ توراعاسى قاسىم-جومارت توقاەۆتىڭ وكىمىمەن سەنات اپپاراتىنىڭ باسشىسى بولىپ سەرىك سلامجان ۇلى سىدىقوۆ تاعايىندالدى, دەپ حابارلادى پارلامەنت سەناتىنىڭ ءباسپاسوز قىزمەتى.
س.سىدىقوۆ 1962 جىلى تۋعان. س.م.كيروۆ اتىنداعى قازاق مەملەكەتتىك ۋنيۆەرسيتەتىنىڭ زاڭ فاكۋلتەتىن بىتىرگەن. قازاقستان رەسپۋبليكاسى پارلامەنتىندە 1995 جىلدان بەرى جۇمىس ىستەپ كەلەدى. سەنات اپپاراتى قۇقىقتىق ساراپتاما ءبولىمىنىڭ كونسۋلتانتى, سەكتور مەڭگەرۋشىسى, ساراپتاما ءبولىمى مەڭگەرۋشىسىنىڭ ورىنباسارى, اكىمشىلىك ءبولىمىنىڭ مەڭگەرۋشىسى, سەنات اپپاراتى باسشىسىنىڭ ورىنباسارى بولىپ جۇمىس ىستەگەن.
«قۇرمەت» وردەنىمەن, «ۇزدىك مەملەكەتتىك قىزمەتشى» توسبەلگىسىمەن ماراپاتتالعان.