كوكشەتاۋ. 15 قاڭتار. كوكشەتاۋدا مەملەكەتتىك جانە جەكە مەنشىكتىك ارىپتەستىكتى ورىستەتۋ مەن شەت ەل ينۆەستيتسياسىن تارتۋدا نىسانالى جۇمىستار جۇرگىزىلۋدە. بۇل تۋرالى egemen.kz ءتىلشىسى حابارلادى.
سونىڭ ءبىر ايعاعى رەتىندە اقمولا وبلىسىنىڭ اكىمى سەرگەي كۋلاگين مەن قىتايدىڭ «China Sinogy Elektric Engineering Co.Ltd» (CSEEC) كومپانياسىنىڭ وكىلى سۋ ءينپيننىڭ قالادا جىلۋ ەلەكتر ورتالىعىن سالۋ جونىندەگى مەموراندۋمعا قول قويۋىن ايتۋعا بولادى.
استانالىق وبلىس ورتالىعىندا ەلەكتر قۋاتتارىنا سۇرانىستىڭ ارتۋىنا بايلانىستى قۋاتى كەمىندە 180 مۆت جانە 450 گكال/ساعات بولاتىن جاڭا جەو سالۋ قاجەتتىگى تۋىنداعانىن ەسكە سالا كەتكىمىز كەلەدى. بۇل جوبا قالا تۇرعىندارى مەن ونەركاسىپ ورىندارىن ەلەكتر جانە جىلۋ قۋاتتارىمەن تۇراقتى قامتاماسىز ەتۋگە, وبلىس ورتالىعىن جىل بويى ىستىق سۋمەن قامتۋعا مۇمكىندىك بەرەدى. جوبانىڭ اۋقىمدىلىعىنا ساي پولشا, گەرمانيا, رەسەي كاسىپكەرلەرى وعان قىزىعۋشىلىق تانىتتى. وتكەن جەلتوقسان ايىندا وبلىس اكىمىنىڭ يزرايلدىك «All Energy Holding LTD» كومپانياسىنىڭ وكىلدەرىمەن مامىلەلى كەزدەسۋى دە بولعان. ياعني, مۇندا وزىندىك باسەكەلەستىك ورتا ورنىعىپ وتىر.
«China Sinogy Electric Engineering Co.,Ltd» (CSEEC) كومپانياسىنىڭ 20 ادامدىق دەلەگاتسياسىمەن كەزدەسۋدە س.كۋلاگين ءوڭىر ءوزارا ءتيىمدى بايلانىستارعا ءاردايىم اشىق ەكەندىگىن اتاپ كورسەتتى. «قىتاي جاعى ءبىزدىڭ سەنىمدى ارىپتەسىمىز جانە ىنتىماقتاستىق ءورىسىن كەڭىتكەن تاجىريبەمىز بار. ۇسىنىستارىڭىز باسقا كومپانيالاردان اسىپ تۇسسە, بۇعان قۋانامىز ءارى قولداۋ كورسەتەمىز. سونداي-اق, باستى شارت رەتىندە ەلەكتر قۋاتىن وندىرۋدە جەرگىلىكتى كومىر كەنىشىنىڭ ونىمدەرىن پايدالانۋلارىڭىزدى قالايمىز», دەدى سەرگەي كۋلاگين.
ءوز كەزەگىندە قىتايلىق كومپانيا وكىلى سۋ ينپين بۇل جوبا ءۇش اي بويى قاراستىرىلعانىن, ەندى كوكشەتاۋعا كەلگەن ماماندار ونى جان-جاقتى زەرتتەيتىنىن ايتتى. قازىر بىزدە باستاپقى جەلىلىك نۇسقا بار. الەمنىڭ 30 ەلىندە ءىرى جوبالاردى ىسكە اسىرىپ جاتقان كومپانيانىڭ جىلدىق قارجىلىق اينالىمى 1,5 ميلليارد دوللاردى قۇرايدى. بۇگىنگى كۇنى ءبىزدىڭ ەلەكتر ستانسالارىمىز تۇركيادا, مالايزيادا, بەلورۋسسيادا, بوتسۆاندا جانە باسقا مەملەكەتتەردە جۇيەلى جۇمىس ىستەپ تۇر. كوكشەتاۋدا دا ۋاقىت تالابىنداعى قۇرىلىس جۇرگىزىلەتىنىنە سەنەمىن, دەدى ول.
باقبەرگەن امالبەك.
دەرەك, سۋرەت: egemen.kz