«اتامەكەن» ۇلتتىق كاسىپكەرلەر پالاتاسىنىڭ قازاقستان رەسپۋبليكاسى پارلامەنتىنىڭ ءماجىلىسى مەن بارلىق دەڭگەيدەگى ءماسليحاتتار دەپۋتاتتارىنىڭ سايلاۋلارىن مەرزىمىنەن بۇرىن وتكىزۋ جونىندەگى باستامانى قولداۋ تۋرالى
مالىمدەمەسى
قازاقستاننىڭ ۇلتتىق كاسىپكەرلەر پالاتاسى قازاقستان رەسپۋبليكاسى پارلامەنتى دەپۋتاتتارىنىڭ ەلدە مەرزىمىنەن بۇرىن پارلامەنتتىك جانە بارلىق دەڭگەيدەگى ءماسليحاتتاردىڭ سايلاۋىن وتكىزۋ تۋرالى ۇندەۋىن تولىعىمەن قولدايدى. ءبىز جاھاندىق ەكونوميكالىق قاتەرلەردىڭ الدىن الۋعا جاۋاپ رەتىندە مەملەكەت باسشىسى ۇسىنعان داعدارىسقا قارسى شارالاردى شۇعىل ءىس جۇزىنە اسىرۋدى بارىنشا قولدايمىز. وتكىزىلەتىن سايلاۋدىڭ ماڭىزدىلىعى الدا تۇرعان رەفورمالاردىڭ اۋقىمىن ايقىندايدى. «100 ناقتى قادام» ۇلت جوسپارى كاسىپكەرلىكتى دامىتۋعا ەرەكشە باسىمدىق بەرەدى, ينۆەستيتسيا تارتۋدىڭ بەلسەندىلىگىن ارتتىرىپ, قولايلى بيزنەس-احۋال قالىپتاستىرۋعا جاعداي جاسايدى. مەملەكەت جانە كاسىپكەرلەردىڭ ارىپتەستىگى مەن ىنتىماقتاستىعىنىڭ جاڭا قاعيدالارى سەنىمدى ەكونوميكالىق ءوسىم ءۇشىن تىڭ مۇمكىندىكتەر اشىپ, بەرىك الەۋمەتتىك كەپىلدىكتەردى قامتاماسىز ەتەدى. ءبىز تەك بىرىككەن كۇش-جىگەرىمىزدىڭ ارقاسىندا عانا زاڭ شىعارۋشى بيلىكتىڭ جاڭا سەنىم مانداتىنا يە مىقتى جانە ۇيىمداسقان ازاماتتىق تۇعىرناما قالىپتاستىراتىندىعىمىزعا سەنىمدىمىز. وسىعان بايلانىستى ەلىمىزدىڭ بارلىق ازاماتتارىن بيزنەس جانە ساياسي پارتيا وكىلدەرىن الداعى سايلاۋدى قولداۋعا جانە ءبىزدىڭ مەملەكەتىمىزدىڭ تۇراقتى تۇردە دامۋىنا جانە تۇراقتىلىعىنىڭ نىعايۋىنا ءوز ۇلەستەرىن قوسۋعا شاقىرامىز