«قازاقستان-2050» جالپىۇلتتىق قوزعالىسىنىڭ بارلىق مۇشەلەرى اتىنان پارلامەنت دەپۋتاتتارىنىڭ پارلامەنت ءماجىلىسىنىڭ جانە بارلىق دەڭگەيدەگى ءماسليحاتتاردىڭ سايلاۋلارىن وتكىزۋ تۋرالى باستاماسىنا قولداۋ كورسەتەمىز.
ءبىزدىڭ قوزعالىس بارلىق سالالاردا جەتەكشى ساراپشىلار بولىپ تابىلاتىن بەلسەندى جانە باستاماشىل ازاماتتاردى بىرىكتىرەدى. ءبىزدىڭ مىندەتىمىز – «100 ناقتى قادام» ۇلت جوسپارى جانە مەملەكەت باسشىسىنىڭ «قازاقستان جاڭا جاھاندىق ناقتى احۋالدا: ءوسىم, رەفورمالار, دامۋ» اتتى جولداۋى باستى باعدار بولىپ تابىلاتىن ەلىمىزدىڭ جانە وڭىرلەردىڭ ماڭىزدى الەۋمەتتىك-ەكونوميكالىق مىندەتتەرىن شەشۋگە جۇمىلدىرۋ. ءبىز داعدارىسقا قارسى جاڭا باعدارلاما قابىلدانعالى وتىرعاندا مەرزىمىنەن بۇرىن سايلاۋ وتكىزۋ دۇرىس جانە دەر كەزىندە قابىلدانعان شەشىم بولىپ تابىلادى دەپ ەسەپتەيمىز.
پارلامەنت ءماجىلىسىنىڭ قازىرگى قۇرامى ەلىمىزدى جانە قوعامدى دامىتۋ ءۇشىن كوپ ءىس تىندىردى. ونىڭ جۇمىس قورىتىندىسىندا ۇلت جوسپارىن ءىس جۇزىنە اسىرۋ شەڭبەرىندە 2016 جىلدىڭ باسىنان باستاپ, ءبىز ازاماتتىق قوعامدى جانە بيزنەستى دامىتۋ ءۇشىن ۇلكەن تىڭ مۇمكىندىكتەر اشاتىن جاڭا زاڭدارمەن ءومىر سۇرە باستادىق. سونىمەن بىرگە, مەرزىمىنەن بۇرىن سايلاۋ وتكىزۋ ءبىزدىڭ قوعامىمىزدى توپتاستىرادى جانە ءبىزدىڭ ەكونوميكامىز ءۇشىن جانە بۇكىل ەلىمىز ءۇشىن قورعانىس شارالارى بولىپ تابىلاتىن داعدارىسقا قارسى شارالاردى ءىس-جۇزىنە اسىرۋعا جاڭا جىگەرمەن كىرىسۋگە مۇمكىندىك بەرەدى. ءبىز بارلىق قوعامدىق ۇيىمداردى, ساياسي پارتيالاردى بىزگە قوسىلۋعا جانە دەپۋتاتتاردىڭ باستاماسىن قولداۋعا شاقىرامىز.