دۇنيەجۇزى قازاقتارى قاۋىمداستىعىنىڭ
پارلامەنت ءماجىلىسى مەن بارلىق دەڭگەيدەگى ءماسليحاتتار دەپۋتاتتارىنىڭ سايلاۋلارىن مەرزىمىنەن بۇرىن وتكىزۋ تۋرالى باستامانى قولداۋ تۋرالى مالىمدەمەسى
دۇنيەجۇزى قازاقتارىنىڭ قاۋىمداستىعى دەپۋتاتتاردىڭ پارلامەنت ءماجىلىسى مەن بارلىق دەڭگەيدەگى ءماسليحاتتاردىڭ سايلاۋىن مەرزىمىنەن بۇرىن وتكىزۋ تۋرالى باستامانى قولداۋدى ءوزىنىڭ ازاماتتىق بورىشى دەپ سانايدى. تاۋەلسىزدىك تاڭى اتار تۇستا, ەڭ العاشقى قوعامدىق ۇيىمداردىڭ ءبىرى بولىپ قۇرىلعان دۇنيەجۇزى قازاقتارىنىڭ قاۋىمداستىعى قازاقستاننىڭ اتامەكەننەن جىراقتا تۇراتىن الەم قازاقتارىمەن ءوزارا بايلانىسىن قامتاماسىز ەتەدى. ازاتتىقتىڭ العاشقى كۇندەرىنەن باستاپ ەلىمىزگە الەمنىڭ ءار قيىرىنان 1 ميلليونعا جۋىق قانداسىمىز كوشىپ كەلدى. بۇگىندە ولار قوعامنىڭ ءتۇرلى سالاcىندا جەمىستى ەڭبەك ەتىپ, قاستەرلى قازاقستانىمىزدىڭ دامۋىنا سۇبەلى ۇلەستەرىن قوسۋدا. سونىمەن بىرگە, شەت مەملەكەتتەردە تۇراتىن باۋىرلارىمىزبەن تىعىز رۋحاني قاتىناس ورنادى. قازىر ۇلى دالا ەلىنەن تىسقارى جەردەگى ءاربىر قازاق تاريحي وتانىنىڭ قامقورلىعىن سەزىنۋدە. ولار اتامەكەنىنىڭ ءوسىپ-وركەندەپ, «ماڭگىلىك ەل» بولۋىنا تىلەكتەس. بۇل بەس ينستيتۋتتىق رەفورمانى جۇزەگە اسىرۋدىڭ ۇلت جوسپارى مەن داعدارىسقا قارسى ستراتەگيانىڭ تابىستى جۇزەگە اسۋىنا تىكەلەي بايلانىستى. ەلىمىز ءۇشىن تاعدىرلى ماڭىزى بار وسى ەكى مىندەتتى مۇلتىكسىز ورىنداۋ ءۇشىن حالىقتىڭ جاڭا سەنىم مانداتىنا يە بولعان پرەزيدەنتتىك رەفورمالار پارلامەنتى قاجەت. وسىنى ەسكەرە وتىرىپ, دۇنيەجۇزى قازاقتارىنىڭ قاۋىمداستىعى ءماجىلىس پەن بارلىق دەڭگەيدەگى ءماسليحاتتار دەپۋتاتتارىنىڭ سايلاۋىن مەرزىمىنەن بۇرىن وتكىزۋ تۋرالى باستامانى تولىعىمەن قولداي وتىرىپ, بارشا وتانداستارىمىزدى ونىڭ جۇزەگە اسۋىنا ۇلەس قوسۋعا شاقىرادى.