2015 جىلعى 13 اقپان, استانا قالاسى
مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل ورگاندارىندا قىزمەت وتكەرۋدىڭ كەيبىر ماسەلەلەرى
«قۇقىق قورعاۋ قىزمەتى تۋرالى» قازاقستان رەسپۋبليكاسىنىڭ زاڭىن ىسكە اسىرۋ ماقساتىندا, سونداي-اق قازاقستان رەسپۋبليكاسى پرەزيدەنتىنىڭ 2014 جىلعى 29 تامىزداعى №900 جارلىعىمەن بەكىتىلگەن قازاقستان رەسپۋبليكاسىنىڭ مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى تۋرالى ەرەجەنىڭ 20-تارماعىنىڭ 3) تارماقشاسىن باسشىلىققا الا وتىرىپ, بۇيىرامىن:
1. قوسا بەرىلىپ وتىرعان:
1) وسى بۇيرىققا 1-قوسىمشاعا سايكەس مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل ورگاندارىندا سىبايلاس جەمقورلىققا قارسى قىزمەتتىڭ كادر رەزەرۆىن قالىپتاستىرۋ قاعيدالارى;
2) وسى بۇيرىققا 2-قوسىمشاعا سايكەس مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل ورگاندارىنىڭ سىبايلاس جەمقورلىققا قارسى قىزمەتى قىزمەتكەرىنىڭ دەربەس دەرەكتەرى بار جەكە ىستەرىن جۇرگىزۋ قاعيدالارى;
3) وسى بۇيرىققا 3-قوسىمشاعا سايكەس مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل ورگاندارىنىڭ سىبايلاس جەمقورلىققا قارسى قىزمەتىنىڭ قىزمەتكەرلەرىنە كوتەرمەلەۋلەر قولدانۋ قاعيدالارى;
4) وسى بۇيرىققا 4-قوسىمشاعا سايكەس مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل ورگاندارىنىڭ سىبايلاس جەمقورلىققا قارسى قىزمەتىنىڭ قىزمەتكەرلەرىن تارتىپتىك جاۋاپكەرشىلىككە تارتۋ قاعيدالارى مەن شارتتارى;
5) وسى بۇيرىققا 5-قوسىمشاعا سايكەس مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل ورگاندارىنىڭ قاراماعىنداعى سىبايلاس جەمقورلىققا قارسى قىزمەت قىزمەتكەرلەرىنىڭ قىزمەت وتكەرۋ قاعيدالارى;
6) وسى بۇيرىققا 6-قوسىمشاعا سايكەس مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل ورگاندارىنىڭ سىبايلاس جەمقورلىققا قارسى قىزمەتىندەگى كاسىبي, قىزمەتتىك جانە دەنە شىنىقتىرۋ دايارلىقتارىن ۇيىمداستىرۋ قاعيدالارى;
7) وسى بۇيرىققا 7-قوسىمشاعا سايكەس اتتەستاتتاۋدان ءوتۋ كەزىندەگى تەستىلەۋدەن ءوتۋ قاعيدالارى مەن شارتتارى, مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل ورگاندارىنىڭ سىبايلاس جەمقورلىققا قارسى قىزمەتى قىزمەتكەرلەرىنىڭ دەنە شىنىقتىرۋ جانە جاۋىنگەرلىك دايارلىق بويىنشا نورماتيۆتەرى;
8) وسى بۇيرىققا 8-قوسىمشاعا سايكەس سىبايلاس جەمقورلىققا قارسى قىزمەتكە ورتا باسشى قۇرامداعى لاۋازىمدارىنا ءبىرىنشى رەت قابىلداناتىن ادامدار ءۇشىن ارنايى باستاپقى وقۋدان ءوتۋ قاعيدالارى مەن شارتتارى بەكىتىلسىن.
2. قازاقستان رەسپۋبليكاسى مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ (بۇدان ءارى - اگەنتتىك) اكىمشىلىك جۇمىس دەپارتامەنتى وسى بۇيرىقتىڭ قازاقستان رەسپۋبليكاسىنىڭ زاڭناماسىمەن بەلگىلەنگەن تارتىپتە قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلۋىن جانە ونىڭ رەسمي جاريالانۋىن قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ اگەنتتىكتىڭ اپپارات باسشىسى ا.ا.شايىموۆاعا جۇكتەلسىن.
4. وسى بۇيرىق العاش رەسمي جاريالانعان كۇننەن باستاپ قولدانىسقا ەنگىزىلەدى.
قازاقستان رەسپۋبليكاسىنىڭ مەملەكەتتىك قىزمەت ىستەرى
جانە سىبايلاس جەمقورلىققا قارسى ءىس-قيمىل اگەنتتىگىنىڭ توراعاسى ق.قوجامجاروۆ.
قازاقستان رەسپۋبليكاسى مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى توراعاسىنىڭ 2015 جىلعى 2 اقپانداعى №51 بۇيرىعىنا 1- قوسىمشا
سىبايلاس جەمقورلىققا قارسى قىزمەتتىڭ كادر رەزەرۆىن قالىپتاستىرۋ قاعيدالارى
1. جالپى ەرەجەلەر
1. وسى سىبايلاس جەمقورلىققا قارسى قىزمەتتىڭ كادر رەزەرۆىن قالىپتاستىرۋ قاعيدالارى (بۇدان ءارى - قاعيدالار) «قۇقىق قورعاۋ قىزمەتى تۋرالى» قازاقستان رەسپۋبليكاسى زاڭىنىڭ 34-بابىنىڭ 10-تارماعىنا سايكەس ازىرلەندى جانە قازاقستان رەسپۋبليكاسى مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى (بۇدان ءارى – اگەنتتىك) جانە ونىڭ اۋماقتىق بولىمشەلەرى قىزمەتكەرلەرىنىڭ كادر رەزەرۆىن قالىپتاستىرۋ ءتارتىبىن بەلگىلەيدى.
2. كادر رەزەرۆى سىبايلاس جەمقورلىققا قارسى قىزمەتتىڭ جوعارى تۇرعان بوس لاۋازىمدارىنا كەيىننەن ورنالاسۋ ءۇشىن قۇرىلادى.
3. سىبايلاس جەمقورلىققا قارسى قىزمەت قىزمەتكەرلەرىنىڭ (بۇدان ءارى - قىزمەتكەر) كادر رەزەرۆىندە تۇرۋ مەرزىمى ءۇش جىلدان اسپاۋى ءتيىس. كادر رەزەرۆىنە الىنعان, بىراق كادر رەزەرۆىندە تۇرۋ كەزەڭىندە ولار ءۇشىن جوسپارلانعان لاۋازىمدارعا تاعايىندالماعان ادامدار كادر رەزەرۆىنە جالپى نەگىزدەردە جاڭادان الىنۋى مۇمكىن.
4. بوس باسشى لاۋازىمعا سىبايلاس جەمقورلىققا قارسى قىزمەتتىڭ كادر رەزەرۆىندە تۇرعان ادام ورنالاسادى.
كادر رەزەرۆىندە تۇرعان قىزمەتكەر ۇسىنىلعان لاۋازىمنان باس تارتقان جاعدايدا, بوس لاۋازىمعا اتتەستاتتاۋ ناتيجەلەرى نەمەسە كادرلاردى ىرىكتەۋ بويىنشا باسقا قىزمەتكەر ورنالاستىرىلادى.
2. سىبايلاس جەمقورلىققا قارسى قىزمەتتىڭ كادر رەزەرۆىن قالىپتاستىرۋ
5. كادر رەزەرۆى ءاربىر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل ورگانىندا (بۇدان ءارى – ورگان) كادر قۇرامىنىڭ ساپالىق جاعىن, سىبايلاس جەمقورلىققا قارسى قىزمەت لاۋازىمدارىنا ورنالاستىرۋ قاجەتتىلىگىن ەسكەرە وتىرىپ, سونىمەن قاتار ورنالاستىرۋعا جاتاتىن ءاربىر لاۋازىمعا كەمىندە ەكى ۇمىتكەردىڭ ەسەبىنەن قۇرىلادى.
6. كادر رەزەرۆىن قالىپتاستىرۋ كوزدەرى:
1) اگەنتتىكتىڭ قۇرىلىمدىق, اۋماقتىق بولىمشەلەرى باسشىلارىنىڭ ۇسىنىستارى بويىنشا, قىزمەتتىك مىندەتتەرىن اتقارۋ كەزىندە نە ارنايى تاپسىرمالاردى ورىنداۋ كەزىندە ۇيىمداستىرۋشىلىق قابىلەتىن تانىتقان كادر رەزەرۆىنە الۋعا ۇسىنىلعان قىزمەتكەرلەر;
2) اتتەستاتتاۋ ناتيجەسى بويىنشا باسشى لاۋازىمدارعا نەمەسە اۋقىمدى جۇمىستارعا جوعارىلاتۋعا ۇسىنىلعان قىزمەتكەرلەر.
7. كادر رەزەرۆىنە الۋ ءۇشىن ۇمىتكەرلەردى ىرىكتەۋ قىزمەتكەرلەردىڭ جەكە جانە كاسىبي قاسيەتتەرىن, قىزمەتتەرىنىڭ ناتيجەلەرىن زەردەلەۋ جانە باعالاۋ, سونداي-اق اتتەستاتتاۋ كوميسسياسىنىڭ شەشىمى نەگىزىندە جۇزەگە اسىرىلادى.
كادر رەزەرۆىنە الۋ ءۇشىن ۇمىتكەرلەردى ىرىكتەۋ كەزىندە مىنالار ەسكەرىلەدى:
1) ۇسىنىلىپ وتىرعان لاۋازىمعا ورنالاستىرۋعا كوزدەلگەن بىلىكتىلىك تالاپتارى بويىنشا سايكەستىگى;
2) ۇسىنىلىپ وتىرعان قىزمەت ءتۇرى بويىنشا ءتيىستى كاسىپتىك دايارلىعىنىڭ جانە جۇمىس تاجىريبەسىنىڭ بار بولۋى;
3) دەنساۋلىق جاعدايى;
4) كاسىپتىك قايتا دايارلاۋ جانە بىلىكتىلىگىن ارتتىرۋ ناتيجەلەرى;
6) تيىمدىلىك قىزمەتىن باعالاۋ ناتيجەلەرى.
8. كادر رەزەرۆىنە ۇمىتكەرلەردى ساپالى ىرىكتەۋ جانە الۋ مۇمكىندىگى تۋرالى ۇسىنىمدى دايىنداۋ ماقساتىندا كادر رەزەرۆىنە الۋ جونىندەگى كوميسسيا (بۇدان ءارى - كوميسسيا) قۇرىلادى.
9. كوميسسيانىڭ قۇرامى اگەنتتىكتە اگەنتتىك توراعاسىنىڭ, اۋماقتىق بولىشەلەردە اۋماقتىق بولىمشەلەر باسشىلارىنىڭ بۇيرىعىمەن بەكىتىلەدى.
10. كوميسسيا وتىرىسى ءار جىل سايىن قاڭتاردا وتكىزىلەدى.
11. كادر رەزەرۆىنە ۇمىتكەرلەر بويىنشا ماتەريالداردى پەرسونالمەن جۇمىس جاساۋ بولىمشەلەرىنە:
1) اگەنتتىكتىڭ كادر رەزەرۆى بويىنشا - اگەنتتىكتىڭ قۇرىلىمدىق جانە اۋماقتىق بولىمشەلەرىنىڭ باسشىلارى;
2) اگەنتتىكتىڭ اۋماقتىق بولىمشەلەرىنىڭ كادر رەزەرۆى بويىنشا - بۇل ورگانداردىڭ قۇرىلىمدىق بولىمشەلەرىنىڭ باسشىلارى جولدايدى.
12. ۇمىتكەرلەر بويىنشا ماتەريالدار وسى قاعيدالاردىڭ 7-تارماعىندا كوزدەلگەن مالىمەتتەردى, سونداي-اق وسى قاعيدالارعا №1 قوسىمشاعا سايكەس نىسان بويىنشا باعالاۋ پاراقتارىن قامتۋى ءتيىس.
13. پەرسونالمەن جۇمىس جاساۋ بولىمشەسى ۇسىنىلعان ماتەريالداردىڭ تولىقتىعىن, ۇمىتكەردىڭ كادر رەزەرۆىنە قابىلداۋ ءۇشىن ۇسىنىلاتىن لاۋازىمعا ورنالاسۋعا كوزدەلگەن بىلىكتىلىك تالاپتارىنا سايكەس بولۋىن تەكسەرەدى جانە ولاردى وتىرىستى وتكىزگەنگە دەيىن كۇنتىزبەلىك ءۇش كۇننەن كەم ەمەس مەرزىمدە قاراۋ ءۇشىن كوميسسياعا جولدايدى.
14. وتىرىس قورىتىندىسى بويىنشا كوميسسيا سىبايلاس جەمقورلىققا قارسى قىزمەتتىڭ كادر رەزەرۆىنە قابىلداۋ نەمەسە باس تارتۋ تۋرالى شەشىم قابىلدايدى.
كوميسسيا شەشىمى اشىق داۋىس بەرۋ ارقىلى قابىلدانادى جانە وتىرىسقا قاتىسىپ وتىرعان كوميسسيا مۇشەلەرىنىڭ كوپشىلىك داۋىستارى وعان بەرىلگەن جاعدايدا قابىلدانعان بولىپ ەسەپتەلەدى. داۋىستار تەڭ بولعان جاعدايدا, كوميسسيا توراعاسىنىڭ بەرگەن داۋىسى شەشۋشى بولىپ تابىلادى.
كوميسسيانىڭ كادر رەزەرۆىنە قابىلداۋ شەشىمى وتىرىسقا قاتىسقان بارلىق كوميسسيا مۇشەلەرىنىڭ جانە حاتشىنىڭ قولى قويىلعان حاتتامامەن رەسىمدەلەدى.
15. كادر رەزەرۆىنە قابىلدانعان ادامدار تۋرالى مالىمەتتەر وسى قاعيدالارعا №2 قوسىمشاعا سايكەس نىسان بويىنشا كادر رەزەرۆىنە قابىلدانعان ورگان باسشىسىنىڭ بەكىتەتىن سىبايلاس جەمقورلىققا قارسى قىزمەت قىزمەتكەرلەرىنىڭ تىزىمىنە ەنگىزىلەدى.
رەزەرۆكە قابىلدانعان قىزمەتكەرلەردىڭ تىزىمدەرىن قۇرۋ جانە ونى جۇيەلەندىرۋ پەرسونالمەن جۇمىس جاساۋ بولىمشەلەرىنە جۇكتەلەدى.
16. ەگەر لاۋازىمىن جوعارلاتۋ تۇرعىلىقتى ورنىن اۋىستىرۋدى بولجايتىن بولسا, وندا ۇمىتكەردىڭ جانە ونىڭ وتباسى مۇشەلەرىنىڭ دەنساۋلىق جاعدايى ەسەپكە الىنا وتىرىپ, ءتيىستى وڭىردە تۇرۋ مۇمكىندىگى ەسكەرىلەدى.
17. ورگانداردىڭ باسشىلارى رەزەرۆتە تۇرعان ادامدار جايلى تەرەڭ زەرتتەۋ بويىنشا, ولاردىڭ ىسكەرلىك جانە مورالدىق قاسيەتتەرىن, كاسىبي شەبەرلىگىن جانە ۇيىمداستىرۋشىلىق داعدىلارىن جەتىلدىرۋ بويىنشا ءىس-شارالاردى ىسكە اسىردى.
كادر رەزەرۆىندە تۇرعان تۇلعالار:
1) جوعارى وقۋ ورىندارىنان كەيىنگى باعدارلامالار بويىنشا وقۋعا جىبەرىلەدى;
2) جوعارى تۇرعان قۇرامداعى لاۋازىمداردا تاعىلىمدامادان وتەدى;
3) جەدەل جاتتىعۋلارعا, وقۋ-ادىستەمەلىك جيىندارعا, عىلىمي- تاجىريبەلىك كونفەرەنتسيالارعا قاتىسادى;
4) ورگانداردىڭ قىزمەتىن تەكسەرۋ جانە ولارعا جۇمىستى ۇيىمداستىرۋدا كومەك كورسەتۋ ءۇشىن بريگادا باسشىلىعىندا نەمەسە بريگادالار قۇرامىندا قىزمەتتىك ىسساپارعا جىبەرىلەدى;
5) ورگانداردىڭ قىزمەتىنە كەشەندى ينسپەكتورلىق تەكسەرىستەردى جۇرگىزۋ ءۇشىن بريگادالار قۇرامىنا ەنگىزىلەدى;
6) قىلمىستاردى اشۋدى جانە تەرگەۋدى ۇيىمداستىرۋعا, قۇقىق بۇزۋشىلىقتاردىڭ الدىن الۋ جانە قىلمىسقا قارسى كۇرەس جونىندەگى ءىس-شارالاردى وتكىزۋگە تارتىلادى;
7) ورىندالۋى قىزمەتكەردى جوعارىلاتۋ بولجانىپ وتىرعان لاۋازىممەن بايلانىستى تاپسىرمالاردى الادى, سونداي-اق باسشىلاردىڭ ەڭبەك دەمالىسى, ءىسساپارلارى, ناۋقاستانۋى كەزىندە ولاردىڭ مىندەتىن اتقارادى (شتاتتىق ورىنباسارلارى بولماعان جاعدايدا);
8) نورماتيۆتىك اكتىلەردىڭ جوبالارىن, باسقارۋشىلىق شەشىمدەردى ازىرلەۋگە, القا ماجىلىسىندە, جەدەل كەڭەستەردە قارالاتىن ماسەلەلەردى دايىنداۋعا, حاتتاردى, ارىزدار مەن شاعىمداردى شەشۋگە تارتىلادى;
9) بىرجولعى تالاپتاردى (قىلمىسقا قارسى كۇرەستىڭ جاي-كۇيىن تالداۋ جانە قوعامدىق ءتارتىپتى ساقتاۋ, بۇيرىقتاردىڭ, القا ماجىلىستەرى, جەدەل كەڭەستەر شەشىمدەرىنىڭ ورىندالۋىن تەكسەرۋ, جوسپارلاردىڭ جوبالارىن, جوعارى تۇرعان ساتىلارعا اقپارات دايىندايدى) ورىندايدى;
10) بەكىتىلگەن باعدارلاماعا سايكەس پسيحولوگيالىق ارنايى دايارلىقتى وتەدى.
3. كادر رەزەرۆىنەن شىعارۋ ءتارتىبى
18. قىزمەتكەرلەردى كادر رەزەرۆىنەن شىعارۋ:
1) قىزمەتتىك جۇمىس دەڭگەيى مەن ناتيجەلەرى تومەندەگەن;
2) سىبايلاس جەمقورلىق قۇقىق بۇزۋشىلىق جاساعانى ءۇشىن تارتىپتىك جاۋاپكەرشىلىككە تارتىلعان;
3) كادر رەزەرۆىندە تۇرعان تۇلعانى قىزمەتىنە تولىق سايكەس ەمەستىگى تۋرالى ەسكەرتۋ, اتقارىپ وتىرعان لاۋازىمىنان بوساتۋ, بىلىكتىلىك سىنىبىن ءبىر ساتىعا تومەندەتۋ نەمەسە ۆەدومستۆولىق ناگرادالاردان ايىرۋ تۇرىندەگى تارتىپتىك جازا بەرىلگەن;
4) قۇقىق قورعاۋ ورگاندارىندا قىزمەت ەتۋ تۋرالى زاڭناماعا سايكەس ازاماتتاردىڭ قىزمەتتە بولۋىن شەكتەيتىن كادر رەزەرۆىنە ەسەپكە الۋ تۋرالى شەشىم قابىلداۋ كەزىندە بولماعان نەمەسە بەلگىسىز نەگىزدەر تۋىنداعان;
5) ولاردىڭ قاسيەتتەرىنىڭ جوعارى لاۋازىمدارداعى جۇمىسقا قويىلاتىن تالاپتارعا سايكەس ەمەستىگى (سونىڭ ىشىندە دەنساۋلىعىنا بايلانىستى) انىقتالعان;
6) رەزەرۆتەگى ادام جوعارى تۇرعان ساناتتاعى بوس لاۋازىمدى اتقارعان;
7) قىزمەتتەن بوساتۋ.
19. كادر رەزەرۆىنىڭ تىزىمدەرىنەن شىعارۋ كوميسسيا شەشىمىمەن جۇزەگە اسىرىلادى, بۇل تۋرالى بولجانىپ وتىرعان لاۋازىمعا تاعايىنداۋ قۇقىعى بەرiلگەن باسشىسىنا حابارلانادى.
قىزمەتكەردى تىزىمنەن شىعارۋ تۋرالى قابىلدانعان شەشىمىن حاتتامامەن رەسىمدەلەدى. ونىمەن ول ءۇش كۇندىك مەرزىمدە قول قويۋ ارقىلى تانىستىرىلادى.
سىبايلاس جەمقورلىققا قارسى قىزمەتتىڭ كادر رەزەرۆىن قالىپتاستىرۋ قاعيدالارىنا 1 قوسىمشا
نىسان
مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل ورگاندارىنىڭ كادر رەزەرۆىنە قابىلداۋ ءۇشىن ۇمىتكەرلەردى باعالاۋ پاراعى
تەگى, اتى, اكەسىنىڭ اتى (بولعان جاعدايدا) ________________________
لاۋازىمى, جۇمىس ورنى __________________________
تۋعان جىلى_______________________________________________________
ءبىلىمى (جوعارى وقۋ ورىن,ماماندىعى): ___________
جيناقتالعان جۇمىس تاجىريبەسى (كەرەگىنىڭ استىن سىزۋ):
- مونوفۋنكتسيونالدى/ارنايى;
- مۋلتيفۋنكتسيونالدى/جان-جاقتى.
ۇسىنىلاتىن لاۋازىم_______________________________________________
مىنەزدەمە مىنەزدەمەنىڭ اۋىرلىق دەڭگەيى
تومەنگى دەڭگەي ورتاشا دەڭگەي جەتكىلىكتى دەڭگەي جوعارى دەڭگەي
قۇزىرەتتىلىگى
تەحنيكالىق (قىزمەتىنىڭ مازمۇنىنا بايلانىستى ورىندالعان جۇمىس تۇرىنە ءتان تەحنولوگيالىق ءبىلىمى)
باسقارۋشىلىق (جوسپارلاۋ, تالداۋ ادىستەرىن ءبىلۋ)
ەكونوميكالىق (ەكونوميكالىق تالداۋ مەن باعالاۋدىڭ ەرەكشە تاسىلدەرىن ءبىلۋ)
تۇلعالىق مىنەزدەمە
تالداۋ
ماسەلەنىڭ لوگيكالىق جاعىنان تۇجىرىمداۋ نەمەسە باسىمدىسىن بەلگىلەي وتىرىپ بالامالى شەشىمىن تابا ءبىلۋ
سينتەز
ماسەلەنىڭ ەڭ ماڭىزدى ەلەمەنتتەرىن انىقتاۋ قابىلەتى
شىعارماشىلىق
قالىپتى جاعدايدان تىس, ماسەلەنىڭ فۋنكتسيونالدى شەشىمىن ءبولىپ كورسەتۋ جانە دامىتۋ قابىلەتى
قاراپايىم شەشىم
بەلگىلى جاعدايدا تەز ارادا شۇعىل شەشىم قابىلداۋ
قيىن شەشىم
ناقتىلىق جوق جاعدايدا سىرتقى كۇشتەردى پايدالانا وتىرىپ, بارلىق ىقتيمال شەشىمدەردى نازارعا الۋ قابىلەتى
ىسكە اسىرۋ
بەرىلگەن تاپسىرمانىڭ قيىندىعىنا, كەدەرگىلەرگە, قاراماستان ورىنداۋعا دەگەن ۇمتىلىسى
جوسپارلاۋ
تاپسىرمانى ورىنداۋ ءۇشىن ءىس- شارانىڭ جوسپارىن ازىرلەۋ بارىسىندا ونىڭ باسىمدى جاقتارىن, نەگىزگى ماقساتتا مەرزىمىن جانە باقىلاۋ مەحانيزمىن تابا ءبىلۋ
ۇيىمداستىرۋشىلىق
جەدەل شەشىم قابىلداۋ جانە باسقا مىندەتتەرىن ورىنداۋ ءۇشىن رەسۋرستاردى (پەرسونال,ءادىس-تاسىلدەر,قۇرال-جابدىقتار,ۋاقىت,سىزبا اسا ءتيىمدى پايدالانۋ قابىلەتى.
قاداعالاۋ
باعدارلامانىڭ ورىندالۋىنا قاجەتتى وزگەرىستەردى ەنگىزە وتىرىپ,شۇعىل ات سالىسۋ باعا بەرۋ جانە قاداعالاۋ قابىلەتى.
قارىم-قاتىناس
ادامدارمەن قارىم-قاتىناس ورناتۋ ارقىلى قويىلعان ماقساتقا جەتۋ ءۇشىن ۇيىمداستىرۋشىلىعى, سونىمەن قاتار قولايلى شىعارماشىلىق ورتا قالىپتاستىرۋ.
كولدەنەڭ:
قويىلعان ماقساتتىڭ ورىندالۋى بارىسىندا كوپشىلىكپەن ىنتىماقتاستىق قاتىناسقا تۇسە ءبىلۋ (قارىم-قاتىناس ورناتا الۋمەن قاتار وزىندىك بەينەسىن ساقتاي الۋ جانە مەملەكەتتىك ورگاننىڭ كوزقاراسىن بۇزباۋ)
تىگىنەن:
تالاپ قويا ءبىلۋ جانە نەمەسە ءوز قاراماعىنداعىلاردى, سونداي-اق باسشىنى قولداۋ
ەسكەرتۋ: «مىنەزدەمەنىڭ اۋىرلىق دەڭگەيى» باعانىندا قاراستىرىلىپ وتىرعان ۇمىتكەرگە ءتان باعانىنا « + » بەلگىسىن قويۋ قاجەت.
قۇرىلىمدىق (اۋماقتىق) بولىمشەنىڭ باسشىسى ______________ ______________(قولى) ( تەگى, اتى-ءجونى )
تولتىرىلعان كۇنى ____________
سىبايلاس جەمقورلىققا قارسى قىزمەتتىڭ كادر رەزەرۆىن قالىپتاستىرۋ قاعيدالارىنا 2-قوسىمشا
نىسان
بەكىتەمىن
__________________________________
(لاۋازىمى, تەگى, اتى-ءجونى (بولعان جاعدايدا),
ءتىزىمدى بەكىتەتىن تۇلعانىڭ قولى)
كادر رەزەرۆىنە قابىلدانعان سىبايلاس جەمقورلىققا قارسى قىزمەتى قىزمەتكەرلەرىنىڭ ءتىزىمى
№ ر/س ارناۋلى اتاعى, تەگى, اتى, اكەسىنىڭ اتى; اتقارىپ وتىرعان لاۋازىمى; لاۋازىمدا قاي ۋاقىتتان بەرى تۋعان كۇنى, ءبىلىمى (قانداي وقۋ ورنىن جانە قاشان ءبىتىردى), بەلگىلەنگەن بىلىكتىلىك سىنىبى قاي ۋاقىتتان بەرى قانداي ساناتتاعى لاۋازىمعا جوعارلاتۋ ۇسىنىلادى (ساناتى جانە لاۋازىمنىڭ اتاۋى) رەزەرۆكە ەنگىزۋدىڭ نەگىزى, رەزەرۆكە ەنگىزۋ تۋرالى كوميسسيا شەشىمىنىڭ كۇنى لاۋازىمعا تاعايىندالعانى نەمەسە رەزەرۆتەن شىعارىلعانى تۋرالى بەلگى جانە نەگىزى
قولى_____________________________________________________ (لاۋازىمى, تەگى, اتى-ءجونى (بولعان جاعدايدا) جانە ءتىزىمدى قۇراستىرعان تۇلعانىڭ قولى)
قازاقستان رەسپۋبليكاسى مەملەكەتتىك قىزمەت ىستەرى جانە
سىبايلاس جەمقورلىققا قارسى ءىس-قيمىل اگەنتتىگى توراعاسىنىڭ 2015 جىلعى 13
2 اقپانداعى №51 بۇيرىعىنا 2-قوسىمشا
مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل ورگاندارىنىڭ سىبايلاس جەمقورلىققا قارسى قىزمەتى قىزمەتكەرىنىڭ دەربەس دەرەكتەرى بار جەكە ىستەرىن جۇرگىزۋ قاعيدالارى
1. جالپى ەرەجەلەر
1. وسى مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل ورگاندارىنىڭ سىبايلاس جەمقورلىققا قارسى قىزمەتى قىزمەتكەرىنىڭ دەربەس دەرەكتەرى بار جەكە ىستەرىن جۇرگىزۋ قاعيدالارى (بۇدان ءارى - قاعيدالار) «قۇقىق قورعاۋ قىزمەتى تۋرالى» قازاقستان رەسپۋبليكاسى زاڭىنىڭ 42-بابىنىڭ 7-تارماعىنا سايكەس ازىرلەنگەن جانە سىبايلاس جەمقورلىققا قارسى قىزمەتتىڭ قىزمەتكەرلەرىنىڭ جەكە ىستەرىن رەسىمدەۋ جانە جۇرگىزۋ, ولاردى ەسەپكە الۋ, ساقتاۋ جانە بەرۋ ءتارتىبىن انىقتايدى.
2. مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل ورگاندارىنىڭ سىبايلاس جەمقورلىققا قارسى قىزمەتىنە (بۇدان ءارى – سىبايلاس جەمقورلىققا قارسى قىزمەت) تۇسەتىن ۇمىتكەرگە كادر بولىمشەلەرى جەكە ءىس رەسىمدەيدى, وعان بارلىق زەردەلەۋ ماتەريالدارى جانە ودان ءارى قىزمەتتىك ءىس-ارەكەتتەرى مەن قۇقىق قورعاۋ قىزمەتىندەگى ەڭبەك ءوتىلى تۋرالى مالىمەتتەر تىگىلەدى.
3. جەكە ىستە بۇرىنعى ەڭبەك قىزمەتى, قارۋلى كۇشتەردە, اسكەرلەردە, ارنايى مەملەكەتتىك جانە قۇقىق قورعاۋ ورگاندارىندا قىزمەت وتكەرۋى, ومىرباياندىق جانە الەۋمەتتىك سيپاتتاعى دەرەكتەر, زەردەلەۋدىڭ, ارنايى تەكسەرىستەردىڭ ناتيجەلەرى مەن باسقا دا مالىمەتتەر كورسەتىلەدى.
4. قىزمەتكەردىڭ جەكە ىسىندەگى جانە ەسەپكە الۋ قۇجاتتارىنداعى مالىمەتتەر قازاقستان رەسپۋبليكاسىنىڭ «مەملەكەتتىك قۇپيالار تۋرالى» زاڭىنا سايكەس مەملەكەتتىك قۇپيالارعا جاتادى.
5. پەرسونالمەن جۇمىس جاساۋ بولىمشەلەرى سىبايلاس جەمقورلىققا قارسى قىزمەتتىڭ قىزمەتىندە تۇرعان بارلىق ادامدارعا جەكە ىستەردى رەسىمدەيدى جانە جۇرگىزەدى.
6. جەكە ءىس نەگىزگى قۇجات بولىپ تابىلادى, وندا سىبايلاس جەمقورلىققا قارسى قىزمەت قىزمەتكەرىنىڭ قىزمەتتىك, كاسىبي جانە قوعامدىق قىزمەتىن سيپاتتايتىن بارلىق دەربەس دەرەكتەر مەن ماتەريالدار جيناقتالادى.
7. جەكە ءىستىڭ ماتەريالدارى قىزمەتكەردىڭ قىزمەت وتكەرۋى تۋرالى ماسەلەلەردى شەشۋ, كەزەكتى بىلىكتىلىك سىنىپتاردى بەلگىلەۋگە ۇسىنۋ, ماراپاتتاۋ مەن كوتەرمەلەۋ, قىزمەتكەرلەردىڭ ساناتتارىن كوتەرۋ, لاۋازىمدىق جالاقىسىنىڭ مولشەرىن انىقتاۋ ءۇشىن قىزمەت ءوتىلىن, ەڭبەك ءوتىلىن, زەينەتاقىنى بەلگىلەۋ ءۇشىن ەڭبەك سىڭىرگەن جىلدارىن ەسەپتەۋ جانە باسقا دا قاجەتتى كادرلىق راسىمدەردى جۇرگىزۋ ءۇشىن پايدالانىلۋى مۇمكىن.
8. جەكە ءىس قىزمەتكەردىڭ, جۇمىسكەردىڭ اقپاراتتىق مودەلى رەتىندە بولادى جانە ونىڭ قىزمەتتىك جانە ەڭبەك قىزمەتىن, ىسكەرلىك جانە جەكە قاسيەتتەرىنەن تۇراتىن ناقتى جانە تولىق ومىرباياندىق دەرەكتەرى قامتىلعان ەسەپكە الۋ قۇجاتى عانا ەمەس, وسى مالىمەتتەردى زاڭدى تۇردە راستايتىن قۇجاتتاردىڭ (مىنەزدەمەلەر, قىزمەتتىك اتتەستاتتاۋ, انت, ۇسىنىستار جانە باسقا ماتەريالدار) وزىندىك قويماسى رەتىندە پايدالانىلادى.
9. جەكە ءىستىڭ بارلىق ماتەريالدارى قۇجاتتاردىڭ ءتۇسىپ قالۋىنا جول بەرمەيتىن ءتوزىمدى جىپپەن ءتيىستى بولىمدەرگە تىگىلەدى. جەلىمدى, سكوتچتى, ستەپلەردى جانە قۇجاتتاردى بەكىتۋگە ارنالعان باسقا دا قۇرالداردى پايدالانۋعا تىيىم سالىنادى.
2. سىبايلاس جەمقورلىققا قارسى قىزمەت قىزمەتكەرىنىڭ جەكە ىستەرىن رەسىمدەۋ جانە جۇرگىزۋ
10. جەكە ءىس سىبايلاس جەمقورلىققا قارسى قىزمەتتىڭ كادرلارىن دەربەس ەسەپكە الاتىن قۇجات بولىپ تابىلادى جانە ول بەس بولىمنەن تۇرادى.
ءبىرىنشى بولىمدە:
1) قىزمەتتىك ءتىزىم;
2) قىزمەت ءوتىلىن انىقتاۋ جونىندەگى كوميسسيانىڭ قورىتىندىسى;
3) قىزمەتىنىڭ جەكە كەزەڭدەرىن راستاۋ تۋرالى قورىتىندىسى ساقتالادى.
ەكىنشى بولىمدە:
1) اتتەستاتتاۋ پاراقتارى;
2) قىزمەتتىك مىنەزدەمەلەر;
3) بىلىكتىلىك سىنىپتى بەلگىلەۋگە (تومەندەتۋگە, قايتا قالپىنا كەلتىرۋگە) ۇسىنىستار;
4) كەزەكتى بىلىكتىلىك سىنىپتى بەلگىلەۋگە ۇسىنىستى كەشىكتىرىپ بەرۋ تۋرالى شەشىم;
5) قىزمەتى بويىنشا اۋىسۋعا ۇسىنىستار جانە باياناتتار;
6) قىزمەتتەن شىعارۋعا ۇسىنىستار مەن باياناتتار;
7) قىزمەتتەن بوساتۋ تۋرالى حابارلاما;
8) ماراپاتتاۋ پاراقتارى, كوتەرمەلەۋ (ماراپاتتاۋ) تۋرالى ۇسىنىستار;
9) تەستىلەۋدىڭ, دەنە شىنىقتىرۋ دايارلىعى بويىنشا نورماتيۆتەردى تاپسىرۋ ناتيجەلەرى;
10) سەرتيفيكاتتاردىڭ (ارنايى العاشقى وقۋدى, قايتا دايارلاۋ كۋرستارىن, بىلىكتىلىكتى ارتتىرۋ, سونداي-اق مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل ورگاندارىنىڭ بيۋدجەتى ەسەبىنەن تولەنەتىن تىلدىك, ءبىلىم بەرۋ جانە باسقا دا كۋرستاردى بىتىرگەنى تۋرالى) كوشىرمەلەرى ساقتالادى.
ءۇشىنشى بولىمدە:
1) سىبايلاس جەمقورلىققا قارسى قىزمەتكە قابىلداۋ تۋرالى ءوتىنىش;
2) ءومىربايان ء(وز قولىمەن جازىلعان جانە باسىلعان تۇردە, (كادر بولىمشەسى قىزمەتكەرىنىڭ قولىمەن راستالعان);
3) كادرلاردى ەسەپكە الۋ جونىندەگى جەكە پاراقشا (كادر بولىمشەسىنىڭ مورىمەن راستالعان فوتوسۋرەتپەن);
4) سىبايلاس جەمقورلىققا قارسى قىزمەتكە قابىلداۋ تۋرالى قورىتىندى;
5) قىزمەتكە (وقۋعا) تۇسۋگە دەيىنگى ۇسىنىلاتىن مىنەزدەمەلەر (قىزمەتتىك, وقۋ جانە تاعى.ب.);
6) كونكۋرستىق كوميسسيا ماتەريالدارى (قازاقستان رەسپۋبليكاسىنىڭ زاڭناماسىن, مەملەكەتتىك ءتىلدى ءبىلۋىن جانە جەكە قۇزىرەتىن تەستىلەۋ ناتيجەلەرى; دەنە شىنىقتىرۋ دايىندىعى بويىنشا نورماتيۆتەردى تاپسىرۋ ناتيجەلەرى, پوليگرافولوگيالىق زەرتتەۋ ناتيجەلەرى);
7) ورتالىق (وكرۋگتىك) اسكەري-دارىگەرلىك كوميسسياسىنىڭ انىقتاماسى;
8) وسى قاعيدالاردىڭ 1-قوسىمشاسىنا سايكەس جازىلىم;
9) وسى قاعيدالاردىڭ 2-قوسىمشاسىنا سايكەس مىندەتتەمەلەر;
10) وسى قاعيدالاردىڭ 3-قوسىمشاسىنا سايكەس سىبايلاس جەمقورلىققا قارسى شەكتەۋلەرى;
11) ) وسى قاعيدالاردىڭ 4-قوسىمشاسىنا سايكەس قازاقستان رەسپۋبليكاسى مەملەكەتتىك قىزمەتشىلەرىنىڭ ار-نامىس كودەكسىن, قازاقستان رەسپۋبليكاسى مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى جانە ونىڭ اۋماقتىق قۇرىلىمدارى قىزمەتكەرلەرىنىڭ قىزمەتتىك ەتيكا ەرەجەلەرىن ساقتاۋ جونىندەگى مىندەتتەمە;
12) قازاقستان رەسپۋبليكاسى پرەزيدەنتىنىڭ 2014 جىلعى 29 تامىزداعى № 900 جارلىعىنا سايكەس قازاقستان رەسپۋبليكاسى مەملەكەتتىك قىزمەت ىستەرى جانە سىبايلاس جەمقورلىققا قارسى اگەنتتىگى قىزمەتكەرلەرى انتتارىنىڭ ءماتىنى بار قول قويىلعان بلانك.
ءتورتىنشى ءبولىم (جەكە پاپكا) – «مۇراعاتتىق ماتەريالدار»:
1) ەسكىرگەن قىزمەتتىك تىزىمدەر;
2) ەسكىرگەن ءومىرباياندار مەن كادرلاردى ەسەپكە الۋ جونىندەگى جەكە پاراقشالار;
3) قىزمەتكەردىڭ باياناتى;
4) قىزمەتتىك تەكسەرىستەر مەن تەرگەۋلەردىڭ قورىتىندىلارى مەن ماتەريالدارى;
5) جەكە قۇرام جينالىستارى وتىرىستارىنىڭ شەشىمدەرى مەن حاتتامالارى;
6) ورتالىق اسكەري-دارىگەرلىك كوميسسياسىنىڭ ەسكىرگەن انىقتامالارى, دەنساۋلىق جاعدايى تۋرالى, جاراقاتتار مەن كونتۋزيالار تۋرالى انىقتامالار جانە باسقالارى;
7) قىزمەتكەردىڭ قىزمەتى بويىنشا باسقا جەرگە اۋىسۋى جونىندەگى جولدامانىڭ ءۇشىنشى بولىگى;
8) سىبايلاس جەمقورلىققا قارسى قىزمەتتەگى قىزمەت مەرزىمىن ۇزارتۋ تۋرالى قولداۋحات پەن بايانات;
9) قىزمەتى بويىنشا اۋىسۋ كەزىندەگى ۇسىنىمدار;
10) كادر رەزەرۆىنە ەنگىزىلەتىن ۇمىتكەرلەرمەن جۇمىس جونىندەگى ماتەريالدار;
11) وزەكتى ەمەس جاعدايداعى جەكە ءىستىڭ باسقا دا قۇجاتتارى.
بەسىنشى ءبولىم (جەكە پاپكا) – «زەردەلەۋ جانە ارنايى تەكسەرىس ماتەريالدارى» سىبايلاس جەمقورلىققا قارسى قىزمەتىنە قىزمەتكە تۇسەتىن ۇمىتكەرلەردى زەردەلەۋ جانە ارنايى تەكسەرىس ماتەريالدارىنان, قىزمەتكەردىڭ جۇزەگە اسىراتىن قىزمەتى كەزەڭدەرىندەگى قوسىمشا تەكسەرۋ ماتەريالدارىنان قالىپتاستىرىلادى. اتالعان بولىكتە زەردەلەۋ ماتەريالدارى:
1) زەردەلەۋگە جانە تەكسەرۋگە كەلىسكەنى تۋرالى ءوتىنىشى;
2) سىبايلاس جەمقورلىققا قارسى قىزمەتكە ۇمىتكەردىڭ ساۋالناماسى;
3) سىبايلاس جەمقورلىققا قارسى قىزمەتكە ۇمىتكەردىڭ جەكە باسىن زەردەلەۋ ساۋالناماسى;
4) ۇسىنىمدار (سىبايلاس جەمقورلىققا قارسى قىزمەتكە قابىلداۋ (قايتا قالپىنا كەلتىرۋ) كەزىندەگى جەكە كەپىلدىكتەر);
5) ۇمىتكەردىڭ تۇراتىن جەرى بويىنشا تەكسەرىستەردىڭ ناتيجەلەرى جونىندەگى باياناتتار, انىقتامالار, پىكىرلەر;
6) ۇمىتكەردىڭ تۇراتىن جەرى بويىنشا ۋچاسكەلىك پوليتسيا ينسپەكتورىنىڭ انىقتاما-ۇسىنىمدارى.
تەكسەرىس ماتەريالدارى:
1) تەكسەرىس جۇرگىزۋ جوسپارى;
2) سوتتىلىقتىڭ بولۋى نەمەسە بولماۋى تۋرالى تالاپتار;
3) ارنايى تەكسەرىس ناتيجەلەرى;
4) قوسىمشا تەكسەرىستەر بويىنشا ماتەريالدار (سوتتالعان تۋىستارىنا جانە تاعى باسقا انىقتامالار مەن مىنەزدەمەلەر);
5) جەدەل-تىڭشىلىق جۇمىسقا قورىتىندى (رۇقسات قاعازى);
6) مەملەكەتتىك قۇپيالارعا رۇقسات بەرۋ تۋرالى شارت (كەلىسىمشارت).
جەكە ءىستىڭ سىرتقى مۇقاباسى وسى قاعيدالاردىڭ 5-قوسىمشاسىنا كورسەتىلگەن نىسان بويىنشا راسىمدەلەدى.
جەكە ءىس قالىڭ كارتوننان ازىرلەنگەن پاپكا-قاپتاماعا (كولەمى 250ح320 ميلليمەتر) سالىنادى, ونىڭ جوعارعى تۇبىرشەگىندە سالىستىرىپ تەكسەرۋ كىتابىنا سايكەس جەكە ءىستىڭ ءنومىرى كورسەتىلەدى.
سىرتقى مۇقاباسى مەن پاپكا قولمەن جازىلعان ءماتىندى پايدالانۋسىز كەلىسىمدى ءارى بىرتەكتى بولۋى قاجەت.
جەكە ءىستىڭ سىرتقى مۇقاباسىنىڭ ىشكى جاعىندا قىزمەتكەردىڭ بەلگىلەنگەن كۇندەلىكتى كيىم نىسانىنداعى كولەمى 9ح12 (سىرتقى كيىمسىز جانە باس كيىمسىز) ءتۇرلى-ءتۇستى فوتوسۋرەتى (انفاس, بيۋست) بەكىتىلەدى. فوتوسۋرەتتىڭ ەكىنشى جاعىنا قارا سيامەن قىزمەتكەردىڭ تەگى, اتى, اكەسىنىڭ اتى (بار بولعاندا) جازىلادى, ول كادر قىزمەتكەرىنىڭ نەمەسە تىكەلەي باستىقتىڭ قولىمەن راستالادى جانە وعان كادر قۇرىلىمىنىڭ ءمورى باسىلادى. كەزەكتى بىلىكتىلىك سىنىبىن بەرگەن كەزدە فوتوسۋرەت اۋىستىرىلادى, وزەكتى ەمەس فوتوسۋرەتتەر كونۆەرتتە ساقتالادى.
ەكىنشى ىشكى جاعىندا كولەمى 200ح280 ميليمەتر جوعارعى كلاپانى بار كونۆەرت ورنالاستىرىلادى. كونۆەرتتە كەلەسى مىناداي قۇجاتتار: 1) كادر بولىمشەسىنىڭ قىزمەتكەرى كۋالاندىرعان جەكە كۋالىكتىڭ كوشىرمەسى;
2) نوتاريالدى تۇردە راستالعان ءبىلىم تۋرالى قۇجاتتاردىڭ كوشىرمەلەرى ء(بىلىم بەرۋدىڭ وقۋ باعدارلامالارىنىڭ ۇزدىكسىزدىك جانە ساباقتاستىق ءپرينتسيپىن ەسكەرە وتىرىپ: ورتا, ورتا بىلىمنەن كەيىنگى, جوعارى, جوعارى وقۋ ورنىنان كەيىنگى);
3) بىلىكتىلىك سىنىپ, سپورتتىق رازريادتارىنىڭ بار-جوعى تۋرالى قۇجاتتاردىڭ كوشىرمەسى;
4) وتباسى جاعدايى تۋرالى, بالالاردىڭ تۋى تۋرالى كادر بولىمشەسى قىزمەتكەرى كۋالاندىرعان قۇجاتتاردىڭ كوشىرمەلەرى;
5) ەڭبەك كىتاپشاسى;
6) اسكەري ەسەپكە الۋ قۇجاتى (اسكەري مىندەتتى ادامدار ءۇشىن);
7) كىرىستەرى مەن م ۇلىكتەرى تۋرالى, ونىڭ ىشىندە زايىبىنىڭ (جۇبايىنىڭ) (سوڭعى بەس جىلعا) كىرىستەرى مەن م ۇلىكتەرى تۋرالى دەكلاراتسيا تاپسىرۋ تۋرالى سالىق ورگانىنان انىقتامالاردىڭ كوشىرمەلەرى ساقتالادى. كونۆەرتتىڭ سىرتقى جاعىندا كونۆەرتتىڭ ىشىندەگى قۇجاتتاردىڭ تىزىمدەمەسى وسى قاعيدالاردىڭ 6 قوسىمشاسىنا سايكەس تىركەلەدى.
11. وسى قاعيدالاردىڭ 7-قوسىمشاسىنا سايكەس راسىمدەلەتىن جەكە ءىستىڭ قىزمەتتىك ءتىزىمى قۇقىق قورعاۋ قىزمەتى وتكەرۋىن كورسەتەتىن قۇجات بولىپ تابىلادى.
جازۋلار كۇن ساۋلەسىنە ءتوزىمدى كوك سيامەن, بۇدان ءارى بەلگىلەنگەن جاعدايلاردان باسقا, انىق, ۇقىپتى, قىسقارتۋلارسىز جانە تۇزەتۋلەرسىز ءوز قولىمەن جۇرگىزىلەدى.
ەگەر كەيىننەن قىزمەتتىك تىزىمدەگى جازبادا جۇرگىزىلگەن جازۋلاردا دالسىزدىكتەر مەن بۇرمالاۋلار انىقتالعان جاعدايدا تۇزەتۋلەر ەنگىزىلەدى. بارلىق تۇزەتۋلەر «تۇزەتىلگەنگە سەنۋ كەرەك» دەگەن سوزبەن راستالادى, كادر بولىمشەسى قىزمەتكەرىنىڭ قولى مەن كادر قىزمەتىنىڭ ءمورى قويىلادى.
قىزمەتتىك ءتىزىمدى رەسىمدەۋ جانە وعان كەيىننەن جازبالار ەنگىزۋ مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل ورگاندارىنىڭ ءىس جۇرگىزۋ تىلىنە قاراي مەملەكەتتىك نەمەسە ورىس تىلدەرىندە جۇزەگە اسىرىلادى. جەكە ءىستىڭ قىزمەتتىك تىزىمىندەگى, تىزىمدەمەسىندەگى جانە باسقا دا قۇجاتتارداعى ءارتۇرلى جازبالاردى ساندىق رەسىمدەۋ اراب ساندارىن عانا پايدالانا وتىرىپ جۇزەگە اسىرىلادى.
كەيبىر جاعدايلاردا قىزمەتتىك تىزىمگە بەلگىلەنگەن ۇلگىدەگى (ارنايى ەسەپكە قويۋ تۋرالى, ەڭبەك سىڭىرگەن جىلدارىن بەلگىلەۋ تۋرالى جانە تاعى باسقا ءمورتاڭبالار قويىلادى.
ءمورتاڭبا انىق بولىپ قويىلۋى قاجەت. قىزمەتتىك تىزىمگە ونىڭ نىسانىندا كوزدەلمەگەن دەرەكتەردى ەنگىزۋگە تىيىم سالىنادى.
قىزمەتتىك ءتىزىمنىڭ بولىمدەرىن تولتىرۋ كەزىندە, ەگەر وسى ساتتە قانداي دا ءبىر اقپارات جوق بولسا نەمەسە ول تۇراقسىز تۇردە بولسا (جوق, تۇرمىسقا شىقپاعان جانە تاعى باسقا), وندا جازبا قارا قارىنداشپەن «جوق», «بولماعان» ەسكەرتپە تۇرىندە قويىلادى (مىسالى, «عىلىمي دارەجەسى, اتاقتارى تۋرالى مالىمەتتەر» ءبولىمى – جوق).
قىزمەتتىك ءتىزىمدى جاساۋ جانە ونى كەيىننەن جۇرگىزۋ كەزىندە تومەندەگىلەردى باسشىلىققا الۋ كەرەك:
1) قىزمەتتىك ءتىزىمنىڭ تيتۋلدىق بەتىندە تەگى, اتى, اكەسىنىڭ اتى (بار بولعاندا) دەگەن باعاندا سوزدەردى لەكسيكوگرافيالىق رەسىمدەۋدى ەسكەرە وتىرىپ, بۇرمالاۋسىز, جەكە كۋالىگىنە ءدال سايكەستىكتە قىزمەتكەردىڭ تەگى, اتى جانە اكەسىنىڭ اتى (بار بولعاندا) تولىق جانە انىق كورسەتىلەدى. تەگى, اتى نەمەسە اكەسىنىڭ اتى (بار بولعاندا) وزگەرگەن جاعدايدا الدىڭعى دەرەكتەر دوڭگەلەك جاقشاعا ۇقىپتى الىنادى, شيمايلانبايدى. جانىنا وزگەرتىلگەن مالىمەتتەر انىق تۇردە ەنگىزىلەدى. سول جاق تومەنگى بۇرىشىندا ەسەپكە الۋ دەرەكتەرىن وزگەرتكەنى تۋرالى بەلگىلەنگەن ۇلگىدەگى ءمورتاڭبا قويىلادى, وندا بۇرىنعى جانە وزگەرتىلگەن دەرەكتەر, بۇيرىقتىڭ № مەن كۇنى, بۇيرىقتى شىعارعان ساتىلاردىڭ اتاۋى بەلگىلەنەدى.
2) ارناۋلى (اسكەري) اتاقتار كەستەسىندە جاڭادان قابىلدانعان ادامنىڭ اسكەري بيلەتىندە كورسەتىلگەن اتاعى كورسەتىلمەيدى. تەك ءبىرىنشى جانە كەزەكتى ارناۋلى (اسكەري) اتاقتار بەرۋ تۋرالى جەكە قۇرام بويىنشا بۇيرىقتار وسى كەستەنى تولتىرۋعا نەگىز بولىپ تابىلادى.
3) «تۋعان كۇنى تۋرالى مالىمەتتەر» دەگەن 1-بولىمدە جەكە كۋالىككە سايكەس قاتاڭ تۇردە جازبا ەنگىزىلەدى جانە سوزدىك-ساندىق تاسىلمەن ماتىندىك ايماقتا تولىعىمەن جازىلادى.
4) «تۋعان جەرى تۋرالى مالىمەتتەر» دەگەن 2-بولىمدە جازبا جەكە كۋالىگى نەگىزىندە جانە كادرلاردى ەسەپكە الۋ جونىندەگى جەكە پاراقشامەن سالىستىرىلىپ ەنگىزىلەدى.
5) «ۇلتى تۋرالى مالىمەتتەر» دەگەن 3-بولىمدە جازبا جەكە كۋالىكپەن قاتاڭ سايكەستىكتە ەنگىزىلەدى.
6) «ءبىلىمى تۋرالى مالىمەتتەر» دەگەن 4-بولىمدە ءبىلىمى تۋرالى قۇجاتتار نەگىزىندە تولتىرىلادى. نەگىزگى باعاندا قىزمەتتىك ءتىزىمدى تولتىرۋ كەزىندەگى بار ءبىلىمىنىڭ جالپى سيپاتتاماسى بەرىلەدى.
4-ءبولىمنىڭ قۇرىلىمدىق ەلەمەنتتەرىنە ءبىلىم بەرۋ ۇيىمىنىڭ اتاۋى, ديپلومنىڭ سەرياسى مەن ءنومىرى, بىتىرگەن جىلى, بىلىكتىلىگى, ديپلومى بويىنشا باعىتى نەمەسە ماماندىعى, بەرىلگەن اكادەميالىق دارەجەسى كورسەتىلەدى.
7) «تىلدەردى ءبىلۋى» دەگەن 5-بولىمدە قىزمەتكەردىڭ تولتىرعان ساۋالناماسى نەگىزىندە جازبا ەنگىزىلەدى. قىزمەتكەر مەڭگەرگەن تىلدەر قىسقارتۋلارسىز تولىق كورسەتىلەدى. تىلدەردى ءبىلۋ دەڭگەيى ماتىندىك نىساندا مىناداي تۇردە كورسەتىلەدى: «ەركىن مەڭگەرگەن», «وقي الادى جانە تۇسىندىرە الادى», «وقي الادى جانە سوزدىكتى قولدانا وتىرىپ اۋدارادى».
8) «عىلىمي دارەجەلەرى مەن اتاقتارى تۋرالى مالىمەتتەر» دەگەن 6-بولىمدە ءبىلىم جانە عىلىم سالاسىنداعى وكىلەتتى مەملەكەتتىك ورگاندار بەرگەن قۇجاتتار نەگىزىندە جازبالار ەنگىزىلەدى. بۇل بولىمدە عىلىمي دارەجەسى جانە (نەمەسە) عىلىمي اتاعى, عىلىمي دارەجەنى نەمەسە ارنايى اتاقتى بەرۋ كۇنى, قۇجاتتى كىم بەردى, قۇجاتتىڭ ءنومىرى (سەرياسى) كورسەتىلەدى. سونىمەن قاتار, ماماندىقتىڭ ءشيفرى جانە عىلىمي زەرتتەۋدىڭ سالاسى كورسەتىلەدى.
9) «عىلىمي ەڭبەكتەرى مەن ونەرتاپقىشتىعىنىڭ بار-جوعى تۋرالى مالىمەتتەر» دەگەن 7-بولىمدە ديسسەرتاتسيالىق زەرتتەۋلەر تاقىرىپتارىنىڭ (كانديداتتىق, دوكتورلىق, PhD دوكتورلىق/ بەيىن بويىنشا, ماگيسترلىك) اتاۋلارى كورسەتىلەدى, جازبالار قىزمەتكەر بەرگەن بەلگىلەنگەن ۇلگىدەگى عىلىمي ەڭبەكتەرى مەن ونەرتاپقىشتىعى ءتىزىمى نەگىزىندە ەنگىزىلەدى. بۇل بولىمدە عىلىمي ەڭبەكتەرى مەن ونەرتاپقىشتىعى ءتىزىمىنىڭ بارلىعىن كورسەتۋ مۇمكىن بولماعان جاعدايدا قىزمەتكەر بەرگەن ءتىزىم جەكە ءىستىڭ ءۇشىنشى بولىمىنە تىگىلەدى.
10) «وزىندىك ەڭبەك قىزمەتى» دەگەن 8-بولىمدە قازاقستان رەسپۋبليكاسىنىڭ قارۋلى كۇشتەرىندەگى, باسقا دا اسكەرلەر مەن اسكەري قۇرىلىمدارداعى, قارجى پوليتسياسى ورگاندارىنداعى, ارنايى مەملەكەتتىك جانە قۇقىق قورعاۋ ورگاندارىنداعى, وسىعان ۇقساس قۇرىلىمدارداعى جانە تاۋەلسىز مەملەكەتتەر دوستىعى قاتىسۋشى مەملەكەتتەردىڭ قۇقىق قورعاۋ ورگاندارىنداعى قىزمەتتەردى قوسپاعاندا, ەڭبەك قىزمەتىن راستايتىن ءتيىستى قۇجاتتاردىڭ نەگىزىندە ەڭبەك قىزمەتىنىڭ باسىنان باستاپ اتقارىلعان جۇمىستار تۋرالى دەرەكتەر ەنگىزىلەدى. اتالعان بولىمدە ازاماتتىق وقۋ ورىندارىندا كۇندىزگى نىسان بويىنشا وقۋى, قازاقستان رەسپۋبليكاسىنىڭ قارۋلى كۇشتەرىندە, باسقا دا اسكەرلەر مەن اسكەري قۇرىلىمداردا, ارنايى مەملەكەتتىك جانە قۇقىق قورعاۋ ورگاندارىنداعى, وسىعان ۇقساس قۇرىلىمداردا جانە تاۋەلسىز مەملەكەتتەر دوستىعى قاتىسۋشى مەملەكەتتەردىڭ قۇقىق قورعاۋ ورگاندارىندا جۇمىسكەر جانە قىزمەتشى رەتىندەگى جۇمىسى تۋرالى مالىمەتتەر كورسەتىلەدى.
ءبولىمنىڭ سوڭىندا كورسەتىلگەن مالىمەتتەر قىزمەتتىك ءتىزىمدى رەسىمدەگەن ادامنىڭ لاۋازىمى, تەگى مەن اتى-ءجونى كورسەتىلە وتىرىپ, قولىمەن راستالادى, سونداي-اق ەڭبەك قىزمەتىن جانە ونىڭ نەگىزىندە جۇرگىزىلگەن جازبالاردى راستايتىن قۇجاتتىڭ دەرەكتەمەلەرى كورسەتىلەدى. قولى پەرسونالمەن جۇمىس جاساۋ بولىمشەسىنىڭ مورىمەن راستالادى.
11) «قىزمەت وتكەرۋ» دەگەن 9-بولىمدە جازبالار حرونولوگيالىق تارتىپپەن جۇرگىزىلەدى: قارۋلى كۇشتەردەگى مەرزىمدى اسكەري قىزمەتتى وتكەرگەنى تۋرالى مالىمەتتەر – اسكەري بيلەت نەگىزىندە; باستاپقى وقۋدان وتكەنى تۋرالى مالىمەتتەر – بەلگىلەنگەن ۇلگىدەگى سەرتيفيكات (كۋالىك) نەگىزىندە; قۇقىق قورعاۋ ورگاندارىنىڭ ءبىلىم بەرۋ ۇيىمدارىنىڭ كۇندىزگى وقۋ بولىمشەلەرىندەگى وقۋى – ءتيىستى وقۋ ورنىنا وقۋعا قابىلداۋ جانە اياقتاۋ تۋرالى بۇيرىقتار نەگىزىندە; قازاقستان رەسپۋبليكاسىنىڭ قارۋلى كۇشتەرىندە, باسقا دا اسكەرلەر مەن اسكەري قۇرىلىمداردا, ارنايى مەملەكەتتىك جانە قۇقىق قورعاۋ ورگاندارىنداعى, وسىعان ۇقساس قۇرىلىمداردا جانە تاۋەلسىز مەملەكەتتەر دوستىعى قاتىسۋشى مەملەكەتتەردىڭ قۇقىق قورعاۋ ورگاندارىندا قىزمەت وتكەرۋى – ءتيىستى ينستانتسيالاردىڭ جەكە قۇرامى بويىنشا بۇيرىقتارى نەگىزىندە جۇرگىزىلەدى.
بۇل بولىمگە مىناداي:
1) ءتيىستى ينستانتسيالاردىڭ جەكە قۇرامى بويىنشا بۇيرىقتاردىڭ نەگىزىندە ەڭبەك قىزمەتى تۋرالى;
2) قازاقستان رەسپۋبليكاسىنىڭ جەكەلەگەن مەملەكەتتىك ورگاندارىنا اسكەري قىزمەتشىلەردى, قىزمەتكەرلەرىن قىزمەتكە جىبەرۋ تۋرالى;
3) شەتەلدىك وقۋ مەكەمەلەرى نەمەسە ءبىلىم الۋشىلاردىڭ وزدەرى ۇسىنعان وقۋعا قابىلداۋ جانە وقۋدى اياقتاۋ تۋرالى بۇيرىقتارى نەگىزىندە شەت مەملەكەتتەرىنىڭ وقۋ ورىندارىندا مەملەكەتتىك قىزمەت ىستەرى ورگاندارى بيۋدجەتىنىڭ ەسەبىنەن وقىعانى تۋرالى مالىمەتتەر ەنگىزىلەدى.
سونداي-اق, وسى بولىمدە ءتيىستى بۇيرىقتار نەگىزىندە لاۋازىمدىق جالاقى مولشەرىن انىقتاۋ ءۇشىن قىزمەت ءوتىلىن بەلگىلەۋ تۋرالى بەكىتىلگەن ۇلگىدەگى ءمورتاڭبا قويىلادى.
بۇيرىقتىڭ ءنومىرى, كۇنى جانە ونى شىعارعان ينستانتسيانىڭ اتاۋى وسى بۇيرىقپەن راستالعان ءاربىر قىزمەتى كەزەڭىنىڭ جانىندا جازىلادى. باسشى قۇرامداعى ادامداردىڭ جوعارى لاۋازىمنان تومەنگى لاۋازىمعا اۋىستىرىلۋىن جازۋ كەزىندە اۋىستىرۋ سەبەبى كورسەتىلەدى, مىسالى: «تارتىپتىك جازا تۇرىندە تومەندەتىلە وتىرىپ تاعايىندالدى» نەمەسە «شتاتتاردىڭ قىسقارتىلۋىنا بايلانىستى تومەندەتىلە وتىرىپ تاعايىندالدى» نەمەسە «جەكە ءوتىنىشى بويىنشا تومەندەتىلە وتىرىپ تاعايىندالدى». لاۋازىمدا تومەندەتۋ سەبەپتەرى تۋرالى جازبا جەكە قۇرام بويىنشا بۇيرىقتىڭ نەگىزىندە عانا جۇرگىزىلەدى.
قىزمەتكەردى قىزمەتكە جىبەرگەن, قىزمەتتەن بوساتقان جاعدايلاردا نەمەسە ونى جەكە قۇرام تىزىمىنەن الىپ تاستاعان كەزدە 9-بولىمدە جۇرگىزىلگەن جازبالارعا كادر بولىمشەسىنىڭ باسشىسى نەمەسە ونى الماستىرۋشى تۇلعا قول قويادى جانە كادر بولىمشەسىنىڭ نەمەسە مەملەكەتتىك قىزمەت ىستەرى جانە سىبايلاس جەمقورلىققا قارسى ورگانىنىڭ مورىمەن بەكىتىلەدى.
12) «جەڭىلدىك جاعدايلاردا ەڭبەك سىڭىرگەن جىلىن ەسەپتەۋگە جاتاتىن قىزمەت كەزەڭدەرى» دەگەن قىزمەتتىك ءتىزىمنىڭ 10-بولىمىندە زەينەتاقىنى جەڭىلدىك جاعدايلاردا تاعايىنداۋ كەزىندە ەڭبەك سىڭىرگەن جىلىن ەسەپتەۋگە جاتاتىن قىزمەت كەزەڭدەرى جازىلادى.
قىزمەتتىك ءتىزىمنىڭ وسى بولىمىنە مىناداي مازمۇنداعى جازبا ەنگىزىلەدى: «زەينەتاقىنى تاعايىنداۋ ءۇشىن قىزمەت كەزەڭىن ەڭبەك سىڭىرگەن جىلدارىنا _______________________باستاپ_____________________ارالىعىندا جەڭىلدىك جاعدايلاردا ەسەپتەلسىن:_________اي ءۇشىن ءبىر اي.
نەگىزدەمە: __________________________________________________ (بۇيرىقتار, ەڭبەك سىڭىرگەن جىلدارىنا جەڭىلدىكتەردى ەسەپتەۋ قۇجاتتارى )». سوعىستارعا جانە باسقا دا جاۋىنگەرلىك ءىس-قيمىلدارعا قاتىسۋى تۋرالى مالىمەتتەر ول جاۋىنگەرلىك ارەكەتتەرگە قاتىسقان اسكەري بولىمدەردىڭ, قۇرامالاردىڭ, مەكەمەلەردىڭ اتاۋىن كورسەتە وتىرىپ, حرونولوگيالىق تارتىپتە بىرىزدىلىكپەن جازىلادى. جازبالار قارۋلى كۇشتەر تىزىمدەرىنە, بۇيرىقتارعا, مۇراعاتتار انىقتامالارىنا نەمەسە ءنومىرى, كۇنى جانە ونى شىعارعان ورگاننىڭ اتى كورسەتىلە وتىرىپ, باسقا دا رەسمي قۇجاتتارعا سىلتەمە جاساۋمەن راستالادى.
قىزمەتكەردىڭ شالعايداعى جانە بيىك تاۋلى جەرلەردەگى قىزمەتى تۋرالى جازبالار وسى اۋدانداردا قىزمەتتىڭ جەڭىلدىك جاعدايلارىن بەلگىلەيتىن قازاقستان رەسپۋبليكاسىنىڭ ءتيىستى نورماتيۆتىك قۇقىقتىق اكتىلەرىنە سىلتەمە جاساي وتىرىپ جۇرگىزىلەدى.
10-بولىمدە جۇرگىزىلگەن جازبالار كادر بولىمشەسى باسشىسىنىڭ نەمەسە ونى اۋىستىرۋشى تۇلعانىڭ قولىمەن جانە كادر بولىمشەسىنىڭ مورتاڭباسىمەن راستالادى.
13) «دايارلاۋ, بىلىكتىلىگىن ارتتىرۋ جانە قايتا دايارلاۋ» دەگەن 11-بولىمدە راستايتىن قۇجاتتاردىڭ (سەرتيفيكاتتار, ديپلومدار جانە تاعى باسقا) نەگىزىندە ۆەدومستۆولىق ءبىلىم بەرۋ ۇيىمدارىندا قىزمەتكەرلەردىڭ بىلىكتىلىگىن ارتتىرۋ جانە قايتا دايارلاۋ, سونداي-اق باسقا دا مينيسترلىكتەردىڭ, ۆەدومستۆولاردىڭ, ونىڭ ىشىندە شەتەل مەملەكەتتەرىنىڭ ءبىلىم بەرۋ ۇيىمدارىندا قىزمەتكەرلەردى دايارلاۋ, بىلىكتىلىگىن ارتتىرۋ جانە قايتا دايارلاۋ تۋرالى جازبالار ەنگىزىلەدى.
دايارلاۋ, بىلىكتىلىگىن ارتتىرۋ جانە قايتا دايارلاۋ قايدا جانە قاي جەردە جۇرگىزىلگەنى, وقۋدىڭ بەيىنى مەن ءتۇرى, العان ماماندىعى مەن بىلىكتىلىگى, راستايتىن قۇجاتتىڭ دەرەكتەمەلەرى كورسەتىلەدى. مىسالى: بەيسەنوۆ اتىنداعى قر ءىىم قاراعاندى اكادەمياسى, 2014 جىلعى 12-27 قاراشا ارالىعىندا, ارنايى بولىمشەلەرى باسشىلارىنىڭ بىلىكتىلىگىن ارتتىرۋ, 2014 جىلعى 27 قاراشاداعى № ____ سەرتيفيكات.
14) «اتتەستاتسيا تۋرالى مالىمەتتەر» دەگەن 12- بولىمىنە اتتەستاتسيا وتكىزۋ كۇنى, اتتەستاتسيا كوميسسياسىنىڭ قابىلداعان شەشىمى تۋرالى جانە ۇسىنىستارى تۋرالى مالىمەتتەر ەنگىزىلەدى.
توراعامەن جانە اتتەستاتسيا كوميسسياسىنىڭ مۇشەلەرىمەن قول قويىلعان اتتەستاتسيا پاراعى جازبالار ەنگىزۋ ءۇشىن نەگىزى بولىپ تابىلادى.
15) قىزمەتتىك ءتىزىمنىڭ «ناگرادالار مەن كوتەرمەلەۋلەر» دەگەن 13-بولىمىندە قىزمەتكەردىڭ قىزمەت وتكەرگەن كەزەڭىندە العان قازاقستان رەسپۋبليكاسىنىڭ جانە شەتەل مەملەكەتتەرىنىڭ مەملەكەتتىك ناگرادالارى, سونداي-اق كوتەرمەلەۋلەرى تۋرالى مالىمەتتەر ەنگىزىلەدى. قازاقستان رەسپۋبليكاسى پرەزيدەنتىنىڭ ناگرادتاۋ تۋرالى جارلىعى, كوتەرمەلەۋلەر تۋرالى ءتيىستى ينستانتسيالاردىڭ بۇيرىقتارى جازبالار ەنگىزۋ ءۇشىن نەگىز بولىپ تابىلادى. بۇل بولىمدە مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل ورگاندارى مەدالدارىن بەرۋ تۋرالى بەلگىلەنگەن ۇلگىدەگى ءمورتاڭبالار قويىلادى.
16) قىزمەتتىك ءتىزىمنىڭ «تارتىپتىك جازالار» دەگەن 14-بولىمىندە قىزمەت وتكەرۋ كەزەڭىندە قىزمەتكەرلەرگە سالىنعان تارتىپتىك جازالار جازىلادى. قىزمەتكەردى ءتارتىپ