استانا. 1 قاڭتار. داعىستاننىڭ حالىق اقىنى فازۋ اليەۆا جاڭا جىلدىڭ ءبىرىنشى كۇنى 83 جاسىندا قايتىس بولدى. بۇل تۋرالى رەسپۋبليكا باسشىسى اكىمشىلىگى مەن ۇكىمەتتىڭ وكىلى مالىمەتىنە سىلتەمە جاساعان تاسس اقپارى بويىنشا egemen.kz ءتىلشىسى حابارلادى.
«فازۋ گامزاتوۆنا اليەۆا 1 قاڭتارعا قاراعان ءتۇنى قايتىس بولدى. وتكەن جىلعى 5 جەلتوقسان كۇنى ول 83-كە تولدى», - دەدى مالىمەت بەرۋشى اگەنتتىككە.
رەسپۋبليكا باسشىسى رامازان ابدۋلاتيپوۆ اقىننىڭ قايتىس بولۋىنا بايلانىستى ونىڭ تۋعان-تۋىستارى مەن جاقىندارىنا, سونداي-اق بارشا داعىستان حالقىنا كوڭىل ايتتى.
«كوپتەگەن ادامدار ونىڭ تۆورچەستۆوسى ارقىلى ءبىزدىڭ مادەنيەتىمىزبەن تانىستى... فازۋ اليەۆا – الەمنىڭ 68 تىلىنە اۋدارىلعان 80 كىتاپتىڭ اۆتورى. ول بىتىمگەرشىلىك, پاتريوتتىق جانە ۇلتتىق تاربيە, انا پروبلەماسى ماسەلەلەرىمەن اينالاسىپ, قوعامدىق ومىرگە بەلسەنە ارالاستى... داعىستان بۇگىن ونى ازا تۇتادى», - دەپ جازدى ابدۋلاتيپوۆ ءوزىنىڭ Instagram-داعى پاراقشاسىندا.
فازۋ اليەۆا داعىستاننىڭ حۋنزاح اۋدانىنداعى گينيچۋتل اۋىلىندا تۋعان. ول ولەڭدەرىن ءوزىنىڭ انا ءتىلى – اۆار تىلىمەن قاتار, ورىس تىلىندە دە جازدى.
داستان كەنجالين.
دەرەك, فوتو: تاسس.