ەلىمىز ەگەمەندىك العاننان بەرى مەملەكەتىمىز الەۋمەتتىك-ەكونوميكالىق دامۋ تۇرعىسىنان تمد ەلدەرى ىشىندە كوشباسشى بولىپ كەلەدى. وسى كەزەڭدە قىرۋار شارۋا جاسالعانىن دا كوزىمىز كورىپ وتىر. مۇنى, ارينە, ەلباسى نۇرسۇلتان نازارباەۆتىڭ ءبىرىنشى كەزەكتە وتاندىق ەكونوميكانى ءارتاراپتاندىرۋ, حالىقتىڭ ءال-اۋقاتىن كوتەرۋ ساياساتىمەن بايلانىستىرۋ ورىندى. تاۋەلسىز مەملەكەت اتانعانىمىزعا شيرەك عاسىرعا جۋىق ۋاقىت بولعانىنا قاراماستان, ءبىزدىڭ قازاقستاندى ەكونوميكالىق, ينۆەستيتسيالىق احۋالى تۇراقتى ەل رەتىندە تورتكىل دۇنيە تانىدى. الدىمىزعا تاياۋ جىلداردا الەمدە دامىعان وتىز ەلدىڭ قاتارىنا ەنۋگە ماقسات قويىپ وتىرمىز.
جىل سايىن ۇلتتىق ەكونوميكانىڭ ءار سالاسى قارقىندى دامۋدا. ەلىمىزدە باسەكەگە قابىلەتتى ساپالى ونىمدەر مولىنان وندىرىلۋدە. ەلباسى ن.نازارباەۆ: «قازاقستان جاڭا جاھاندىق ناقتى احۋالدا: ءوسىم, رەفورمالار, دامۋ» اتتى قازاقستان حالقىنا جولداۋىندا بۇگىنگى قالىپتاسىپ وتىرعان قيىندىقتان شىعۋدىڭ جولدارىن انىقتاپ بەردى, داعدارىستى ەڭسەرۋدىڭ مۇمكىندىكتەرىن اتاپ كورسەتتى. مۇنىڭ ءوزى ەل ەرتەڭىنىڭ بۇدان دا تابىستى بولاتىنىنا سەندىرە تۇسەدى.
الەمدىك ەكونوميكادا ءوزگەرىستەر بولىپ تۇراتىنى قاشاننان بەلگىلى. ءبىز وزگە ەلدەرمەن ەكونوميكالىق بايلانىستا بولعاننان سوڭ ونى سەزىنەتىنىمىز دە شىندىق. دەگەنمەن, ءبىز وسىنداي داعدارىستار مەن كۇردەلى كەزەڭدەردى ەڭسەرىپ كەلەمىز. ءبىزدىڭ سەرىكتەستىك اۋىل شارۋاشىلىعى ىدىراپ, تاراپ جاتقاندا دا ەشقانداي ابىگەرشىلىككە بوي الدىرماي, تۋرا باعىتىن انىقتاعان-دى. بۇعان شارۋاشىلىقتىڭ سالانى قايتا قۇرۋدىڭ بارلىق وتكەلەكتەرىنەن ءساتتى ءوتىپ, نارىقتىق قاتىناستارعا توعى تارقاماي ءتۇسۋى دە ىقپال ەتكەنى ءسوزسىز.
جالپى, سەرىكتەستىك ەگىن القابىندا بيدايدىڭ قاتتى سورتتارىن وسىرۋگە باسىمدىق بەرىپ كەلەدى. ول بيدايدىڭ جۇمساق سورتىنا قاراعاندا نارىقتا جوعارى سۇرانىسقا يە. وسىنشاما استىقتى وڭدەۋ قاجەت بولعاندا چەحيانىڭ «پروكوپ» ديىرمەن كەشەنىنە تاڭداۋ ءتۇستى. ديىرمەن كەشەنى تاۋلىگىنە 50 توننا ۇن تارتادى. استىقتى ۇنداي وتكىزۋ ءوز قايتارىمىن بەردى. پايدانىڭ كوزى وڭدەلگەن ونىمدە ەكەنىن تۇسىندىك. شارۋاشىلىقتا ماكارون تسەحىن, بادامشادا تاۋلىكتىك قۋاتى 3 توننا ناۋبايحانانى ىسكە قوستىق. اقتوبە قالاسىندا نان-بولكە شىعاراتىن جوعارى تەحنولوگيالى «اتامەكەن» نان زاۋىتى پايدالانۋعا بەرىلدى. وعان يتاليالىق قوندىرعى ورناتىلعان, ءبارى اۆتوماتتى جۇيەمەن باسقارىلادى. جىلىنا 17 مىڭ توننا ءونىم وندىرەتىن «اتامەكەننىڭ» نان-بولكە بۇيىمدارىنا سۇرانىس جوعارى ءارى وزگەلەرگە قاراعاندا ارزان. ءوز كەزەگىندە اۋدان ورتالىعىنداعى ناۋبايحانا مەن اقتوبە قالاسىنداعى نان زاۋىتى نان باعاسىن تۇراقتاندىرۋعا ەلەۋلى ۇلەس قوسۋدا.
قازاقستان ىنتىماعى مەن بىرلىگىنىڭ ارقاسىندا ۇلكەن بەلەستەردى الىپ كەلەدى, ءدۇنيەجۇزىلىك ساۋدا ۇيىمىنا كىرگەنىمىزدىڭ ءوزى ەكونوميكالىق تۇعىرىمىزدى بەكىتە تۇسەدى. ءبىزدىڭ شارۋاشىلىق رەسەيدىڭ كورشىلەس وڭىرلەرىمەن تىعىز بايلانىستا. ءبىز ەڭبەككەرلەرىمىزگە ەڭبەكاقىسىن ۋاقىتىندا بەرىپ, الەۋمەتتىك قولداۋدى جالعاستىرىپ كەلەمىز. بۇگىنگى قيىنشىلىقتار دا وتپەلى دەپ ويلايمىن. ءبىز وسىنداي قيىندىقتار ارقىلى شىنىعىپ, شيرىعىپ ءوسۋىمىز كەرەك.
اتار تاڭعا ايتار اق تىلەگىم – الدىمەن تاۋەلسىز قازاقستانىمىزدىڭ ابىرويى ارتا ءتۇسسىن, «قوي ۇستىنە بوزتورعاي جۇمىرتقالاعان» دەپ بابالارىمىز ايتقانداي, ەلىمىزدەگى ىنتىماق پەن بىرلىكتىڭ بۋىنى بەكي بەرسىن! حالقىمىزدىڭ بولاشاعى جارقىن بولسىن! العا قويعان اسقارالى ماقساتتارىمىزعا قول جەتكىزەيىك, تاۋەلسىزدىگىمىزدى تۇعىرلى ەتۋ جولىنداعى قادامدارىمىز ءساتتى بولسىن! ەلىمىز امان, جۇرتىمىز تىنىش, اسپانىمىز اشىق, ءىس-قيمىلىمىز شالىمدى, تابىسىمىز تولىمدى, باق-بەرەكەمىز مول بولعاي!
امانعوس تولەۋوۆ,
«ستەپنوە» جشس ديرەكتورى.
اقتوبە وبلىسى,
قارعالى اۋدانى.