كەشە قازاقستان رەسپۋبليكاسىنىڭ پرەزيدەنتى, ەلباسى نۇرسۇلتان نازارباەۆ ءتورتىنشى سايلانعان قازاقستان رەسپۋبليكاسى پارلامەنتىنىڭ ءىV سەسسياسىن ءسوز سويلەپ اشتى. سەسسيانىڭ اشىلۋى راسىمىنە پالاتا توراعالارىمەن قاتار, پرەمەر-مينيستر, مەملەكەتتىك حاتشى – سىرتقى ىستەر ءمينيسترى, پرەزيدەنت اكىمشىلىگىنىڭ باسشىسى, كونستيتۋتسيالىق كەڭەستىڭ, جوعارعى سوتتىڭ جانە جوعارى سوت كەڭەسىنىڭ توراعالارى, ۇكىمەت مۇشەلەرى, رەسپۋبليكا پرەزيدەنتىنە تىكەلەي باعىناتىن جانە ەسەپ بەرەتىن مەملەكەتتىك ورگاندار باسشىلارى, پرەزيدەنت اكىمشىلىگىنىڭ, پارلامەنت پالاتالارى اپپاراتتارىنىڭ جانە پرەمەر-مينيستر كەڭسەسىنىڭ جاۋاپتى قىزمەتكەرلەرى, بۇقارالىق اقپارات قۇرالدارىنىڭ وكىلدەرى قاتىستى.
ءتورتىنشى سايلانعان قازاقستان رەسپۋبليكاسى پارلامەنتىنىڭ ءىV سەسسياسىنىڭ اشىلۋى جانە پارلامەنت دەپۋتاتتارىنىڭ انت بەرۋى تۋرالى كۇن تارتىبىندەگى قوس ماسەلەگە ماجىلىستەن – 106, ال سەناتتان 45 دەپۋتات داۋىس بەرىپ, بەكىتتى.
جالپى, پارلامەنت دەپۋتاتتارىنىڭ قازاقستان حالقىنا انت بەرەتىنى بەلگىلى. قازاقستان حالقىنا بەرەتىن دەپۋتاتتار انتىن قازاقستان رەسپۋبليكاسىنىڭ پرەزيدەنتى قابىلدايدى. وسىلايشا دەپۋتاتتار م.التىنباەۆ, ن.ءابدىروۆ, ي.ەلەكەەۆ, ءا.جولشىبەكوۆ, ج.نۇرعاليەۆ جانە ق.ىدىرىسوۆ سالتاناتتى تۇردە پرەزيدەنت الدىندا قازاقستان حالقىنا ادال قىزمەت ەتۋگە انت قابىلدادى.