فوتوسۋرەتتەر كورمەسى اشىلدى

ايتەكە بي اۋدانىنىڭ ورتا­لى­عى كومسومول اۋىلىندا “تا­ريح تۇڭ­عيىعىنا ۇڭىلەيىك” اتتى تا­ريحي-مادەني ەسكەرتكىشتەردىڭ فو­توسۋرەت كورمەسى اشىلدى. كور­مەنىڭ وسى اۋداندا اشى­لۋىنىڭ دا وزىندىك سەبەبى بار. اۋدان اۋماعىن­داعى حان مولاسى قورىمىندا  ءحVىىى عاسىرداعى قا­زاق مەملەكە­تى­نىڭ قايراتكەرى ءابىل­قايىر حان جەرلەنگەنى تاريح­تان بەلگىلى. مۇندا ابىلقايىر حاننىڭ ءمايىتىن زەرتتەۋ جۇمىس­تارى جۇرگىزىلۋدە. فوتوسۋرەتتەر كورمەسى اۋداندىق “حالىقتار دوستىعى” مۇراجايىندا “كيەلى مۇ­راعا تاعزىم” رەسپۋبلي­كالىق اكتسياسى اياسىندا وتكىزىلدى. ونى ۇيىمداستىرۋعا “نۇر وتان” حدپ اقتوبە وبلىستىق فيليالى باستاماشى بولدى. كورمەنىڭ اشىلۋ سالتانا­تىندا ءسوز العان “نۇر وتان” حدپ اقتوبە وبلىستىق في­ليالى توراعاسىنىڭ ورىنبا­سارى داريعا بايجانوۆا وسى اۋدان اۋماعىن­داعى حان مولا­سى دەگەن جەردەن تاريح عىلىم­دارى­نىڭ دوكتورى, پروفەسسور سە­رىك اجىعاليەۆ باستاعان ارحەولوگ­تار­دىڭ ابىلقايىر حاننىڭ زي­را­تىن ىزدەستىرىپ جاتقانىن, كورمە ەكسپوناتتارى مەن مۇراجايلىق قۇجاتتاردىڭ وسى جۇمىستار تۋ­رالى حاباردار ەتەتىنىن, سونداي-اق, كورمەدەن جاستاردىڭ ءوڭىر تاريحى­مەن تا­نىساتىندىعىن جەتكىزدى. كور­مە­نىڭ سالتاناتتى اشىلۋىنان كەيىن جينالعاندار “تىڭگەر” مادەنيەت ۇيىندە وبلىس­تىق تاريحي-ولكەتانۋ مۇراجايى­نىڭ عىلىمي قىز­مەتكەرى رىستى دوسوۆانىڭ “ابىلقايىر حان – تاريحي تۇلعا” اتتى لەكتسياسىن تىڭ­دادى. نۇر­وتان­دىقتار اۋدان ورتالىعىنداعى ماعجان جۇ­ماباەۆ اتىنداعى ورتا مەكتەپكە ءار ءتۇرلى تاقىراپتاعى تانىمدىق كىتاپ­تاردى سىيعا تارتتى. ساتىبالدى ءساۋىرباي,   اقتوبە وبلىسى.