كاسپي-ارال ايماعىنىڭ تاريحي مۇرالارى

اقتاۋدا وتكەن ءىى  حالىقارالىق عى­لىمي-تاجىريبەلىك كونفەرەنتسيانىڭ باستى تاقىرىبى بولىپ, ايماقتاعى تا­ريحي-مادەني مۇرالاردى ساقتاپ قالۋ جانە پايدالانۋ ماسەلەلەرى كەڭىنەن تالقىلاندى. اقتاۋ قالاسىندا اراعا ءۇش جىل سالىپ ەكىنشى رەت وتكەن بۇل القالى باس­قوسۋعا اقش-تىڭ, رەسەي, ءازىر­بايجان, يران, وزبەكستان, تۇركى­مەن­ستان ەل­دەرى­نىڭ كورنەكتى عالىمدارى, تاريحشىلار, ەتنولوگيا, مادەنيەتتانۋ, ارحەولوگيا جانە سوتسيولوگيا سالا­سى­نىڭ زەرتتەۋشى­لە­رى, تاريحي-مادەني مۇ­رالاردى قورعاۋ جانە پايدالانۋ سا­لا­سىنىڭ بەلگىلى ما­ماندارى, عىلىمي-زەرت­تەۋ ورتالىقتارى­نىڭ قىزمەت­كەر­لە­رى قاتىستى. ماڭعىستاۋ وبلىسىنىڭ اكى­مى ق.كوشەرباەۆ “بۇل كونفەرەن­تسيا­نىڭ ەلىمىزدەگى تاريحي-مادەني ەس­كەرت­كىشتەردىڭ ۇشتەن ەكىسىن ەنشىلەيتىن, اسپان استىنداعى مۇراجاي اتانعان ايماقتا ءوتۋى ءبىز ءۇشىن وتە ماڭىزدى”, دەپ وسىناۋ يگىلىكتى ىسكە  ىرگەلى مەم­لەكەتتەردىڭ عالىمدارىنىڭ, وسى سالا ماماندارىنىڭ اتسالىسىپ, بىرلەسە جۇمىس جاساۋى قۇپتارلىق جاعداي ەكەندىگىنە توقتالدى. ودان كەيىن ش.ءۋا­ليحانوۆ اتىنداعى تاريح جانە ەتنولوگيا ينستيتۋتى ديرەكتورىنىڭ ورىنباسارى ق.ەرىمبەتوۆا, رەسەي عىلىم اكادەميا­سىنىڭ تاريح ينستي­تۋ­تىنىڭ ءبولىم باستىعى, پروفەسسور ۆ.ترەپاۆلوۆ, اقش ينديانا ۋنيۆەر­سي­تەتىنىڭ پروفەسسورى دي ۋيس دەۆين, وزبەكستان عىلىم اكا­دە­مياسى قا­را­قال­پاق ءبولىمىنىڭ تاريح, ارحەولوگيا جانە ەتنوگرافيا ينستيتۋ­تىنىڭ دي­رەكتورى ۆ.ياگودين, تاريح عىلىم­دارى­نىڭ دوكتورى ءو.وزعامباەۆ, تاعى دا باسقا ونداعان عالىمدار تارتىمدى باياندامالار جاساپ, وي-پىكىر ءبولىستى. كونفەرەنتسياعا قاتىسۋشىلار كەلەسى كۇنى كوشپەلى سەمينار وتكىزدى. جولامان بولاشاق, ماڭعىستاۋ وبلىسى.