ءماجىلىستىڭ حالىقارالىق ىستەر, قورعانىس جانە قاۋىپسىزدىك كوميتەتىنىڭ مۇشەلەرى گەرمانيانىڭ كيوربەر اتىنداعى قوردىڭ دەلەگاتسياسىمەن كەزدەستى, دەپ حابارلادى وسى پالاتانىڭ ءباسپاسوز قىزمەتى.
كەزدەسۋدى اشقان كوميتەت حاتشىسى ۆيكتور روگولەۆ قازاقستان رەسپۋبليكاسى مەن ونىڭ كونستيتۋتسياسىنىڭ 15 جىلدىق تاريحىنا توقتالىپ, مەيمانداردى قازاقستاننىڭ قوس پالاتالى پارلامەنتىنىڭ قۇرامىمەن تانىستىردى.
قوردىڭ حالىقارالىق ساياسات بويىنشا جەتەكشىسى, دوكتور توماس پاۋلزەن ءسوز الىپ, ساپارلارىنىڭ ءمان-ماقساتى تۋرالى ايتتى. “اتالعان قور مۇشەلەرى – مينيسترلىكتەر مەن بۋندەستاگتىڭ وكىلدەرى. ولار جىلىنا ءبىر رەت گەرمانيا ءۇشىن ايرىقشا ستراتەگيالىق ماڭىزى بار ەلگە ساپار جاساپ, ءار ءتۇرلى پىكىرتالاس وتكىزىپ قايتادى. بيىل قازاقستان ەقىۇ-عا توراعا بولىپ, گەرمانيانىڭ قازاقستانداعى جىلى ءوتىپ جاتقاندىقتان, جاستاردىڭ وسىندا ىقىلاسى اۋدى”, – دەدى ول.
مەيماندارمەن كەزدەسۋگە ءماجىلىستىڭ حالىقارالىق ىستەر, قورعانىس جانە قاۋىپسىزدىك كوميتەتىنىڭ مۇشەلەرى ناتاليا گەللەرت پەن كامال بۇرحانوۆ قاتىستى.