ەلوردانىڭ ء“Rىxos” قوناق ۇيىندە “ابىروي” قازاق مادەنيەتى مەن ءتىلىن دامىتۋ كورپوراتيۆتىك قورى ۆەب-سايتىنىڭ جانە “قازاق ءتىلى”, “Kazakh language. Made easy” قازاق ءتىلىن ەۋروستاندارت بويىنشا وقىتۋعا نەگىزدەلگەن وقۋ-ادىستەمەلىك كەشەنىنىڭ تۇساۋكەسەر ءراسىمى بولىپ ءوتتى.
بەس دەڭگەيدەن تۇراتىن وقۋلىق كەشەنىنىڭ قۇرامىندا وقۋلىق, مۇعالىمگە ارنالعان ادىستەمەلىك قۇرال, وقۋشىعا ارنالعان تاپسىرما داپتەرى جانە CD تاباقشاسى بار. “قازاق ءتىلى”, “Kazakh language. Made easy” قازاق ءتىلىن ەۋروستاندارت بويىنشا وقىتۋعا نەگىزدەلگەن وقۋ-ادىستەمەلىك كەشەننىڭ ەرەكشەلىگى سول, ءسىز قازاق ءتىلىن دۇنيە ءجۇزى مويىنداعان ستاندارت نەگىزىندە تەز مەڭگەرە الاسىز. ستاندارت اۆتورلارى ۆان ەك جانە دجيم تريم سىندى بەلگىلى ءتىل ماماندارى بولىپ تابىلادى. الەمگە كەڭ تارالعان اعىلشىن, فرانتسۋز, قىتاي, يتاليان, نەمىس, ورىس تىلدەرى دە اتالمىش ستاندارت بويىنشا وقىتىلادى” دەيدى جوبا ۇيىمداستىرۋشىلارى.
بۇل جوبانىڭ جەتەكشىسى, “ابىروي” قورىنىڭ ديرەكتورى بيبىگۇل جەكسەنبايدىڭ پىكىرىنشە, ءتىل ۇيرەنۋدىڭ ەڭ وڭاي ءتاسىلى – ءتىلدىڭ ءتول تابيعاتىن ءتۇسىنۋ. ەرەسەكتەر مەن بالالارعا ارنالعان بۇل وقۋ كەشەنى مەملەكەتتىك ءتىلدى ورىس جانە اعىلشىن تىلدەرى ارقىلى وقىپ مەڭگەرۋگە تولىق مۇمكىندىك بەرەدى.
العاشقى تارالىمى 1000 دانادان تۇراتىن وقىتۋ كەشەنىنىڭ ەكىنشى بولىمىنەن باستاپ بارلىق تاپسىرمالار مەن ماتىندەر تەك قازاق تىلىندە بەرىلەدى. سەبەبى, ۇيرەنۋشى ول ۋاقىتقا دەيىن, ياعني 15 ساباقتان سوڭ قازاق ءتىلىن ەركىن تۇسىنە الاتىن دەڭگەيگە جەتەدى.
ال ەندى “ابىروي” سايتى تۋرالى ءبىر اۋىز ءسوز. بۇل سايتتىڭ ءبىر ەرەكشەلىگى – قازاق حالقىنىڭ مادەنيەتى مەن سالت-ءداستۇرى تۋرالى تولىق ماعلۇماتتار قازاق, ورىس, اعىلشىن تىلدەرىندە تارالادى. سايتقا كىرە وتىرىپ, قازاق ءتىلىن ۇيرەنۋگە ارنالعان بىرنەشە ادىستەمەلەردىڭ جيىنتىعىمەن دە تانىسۋعا بولادى. سايتتىڭ ەلەكتروندىق مەكەن-جايى www.ءabyroى.kz.
اراي ۇيرەنىشبەكقىزى.