ۇكىمەت دەڭگەيىندەگى ماڭىزدى باسقوسۋلار

كەشە تاۋلىكتىڭ العاشقى جارتى­سىندا قازاقستان رەسپۋبليكاسىنىڭ پرەمەر-ءمينيسترى كارىم ءماسىموۆ قۇقىق قورعاۋ ورگاندارىن رەفور­ما­لاۋ ماسەلەلەرىنە ارنالعان كەڭەس وتكىزدى, دەپ حابارلادى پرەمەر-ءمينيستردىڭ ءباسپاسوز قىزمەتى. وندا ۇستىمىزدەگى جىلدىڭ 17 تامى­زىن­دا ەل پرەزيدەنتى تاپسىرعان قازاقستان رەسپۋبليكاسىنىڭ قۇقىق قورعاۋ قىزمەتى مەن سوت جۇيەسىنىڭ ءتيىم­دىلىگىن ارتتىرۋ تۋرالى تاپسىر­ما­سىنىڭ ورىندالۋ بارىسى قارالدى. پرەمەر-مينيستر ك.ءماسىموۆ سونداي-اق قازاقستان رەسپۋبليكاسى ۇكىمەتىنىڭ جانىنداعى ەكونومي­كا­نى جاڭعىرتۋ جونىندەگى مەملەكەتتىك كوميسسيانىڭ ءماجىلىسىن وتكىزدى. وندا قازاقستان رەسپۋبليكاسىنىڭ 2010-2014 جىلدارعا ارنالعان جەدەل يندۋستريالىق-يننوۆا­تسيا­لىق دامۋ مەملەكەتتىك باعدارلا­ما­سى اياسىندا جاسالعان قازاقستان­دا­عى تۋريزم يندۋسترياسىن دامىتۋ, سونداي-اق اۋىل شارۋاشىلىعىن دا­مى­تۋ جونىندەگى  سالالىق باعدار­لامالاردىڭ جوباسى قارالدى.