كەشە پارلامەنت سەناتىنىڭ توراعاسى, ەقىۇ پارلامەنتتىك اسسامبلەياسىنىڭ ۆيتسە-پرەزيدەنتى قاسىم-جومارت توقاەۆ فينليانديا پارلامەنتىنىڭ دەپۋتاتى, ەقىۇ پا-نىڭ ورتالىق ازيا جونىندەگى ارناۋلى وكىلى كيممو كيليۋنەنمەن كەزدەستى.
كەزدەسۋدەگى اڭگىمە بارىسىندا قىرعىزستانداعى جاعداي تۋرالى پىكىر الماسىلدى. وسى ەلدەگى الداعى 10 قازانداعى پارلامەنتتىك سايلاۋ دا ەسكەرىلدى.
ك.كيليۋنەن ەقىۇ-عا ءتوراعالىق ەتۋدەگى قازاقستاننىڭ قىزمەتىن جوعارى باعالادى جانە پارلامەنتارالىق ۇنقاتىسۋدى ودان ءارى نىعايتۋدى, ىنتىماقتاستىقتىڭ بارلىق باعىتتارى بويىنشا ءوزارا سىندارلى ءىس-قيمىلدى جاقتايتىنى تۋرالى ايتتى, دەپ حابارلادى قازاقستان رەسپۋبليكاسى پارلامەنتى سەناتىنىڭ ءباسپاسوز قىزمەتى.