مەملەكەت باسشىسى نۇرسۇلتان نازارباەۆ جامبىل وبلىسىنىڭ اكىمى قانات بوزىمباەۆتى قابىلدادى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى.
ق.بوزىمباەۆ پرەزيدەنتتى اعىمداعى جىلدىڭ 7 ايىنداعى وبلىستىڭ الەۋمەتتىك-ەكونوميكالىق دامۋ قورىتىندىلارى تۋرالى حاباردار ەتتى.
ەسەپتى كەزەڭ ىشىندە ونەركاسىپ ءوندىرىسىنىڭ ءوسىمى 9 پايىزدان استامدى, سونىڭ ىشىندە تاۋ-كەن سالاسىندا – 29 پايىزدى قۇرادى. اۋىلشارۋاشىلىق ءوندىرىسى ءوسىپ كەلەدى. وبلىستا ءىس جۇزىندە استىق جيناۋ ناۋقانى اياقتالدى – 230 مىڭ توننادان استام ءدان قىزىلداندى, استىقتىڭ ورتاشا ونىمدىلىگى گەكتارىنا 15,5 تسەنتنەرگە جۋىق. وبلىستا جۇمىسسىزدىق ازايدى, جامبىل وبلىسىنىڭ 4,5 مىڭنان استام تۇرعىنى “باتىس ەۋروپا – باتىس قىتاي” اۆتوموبيل جولى قۇرىلىسىندا جۇمىسقا ورنالاستى.
كەزدەسۋ كەزىندە سونداي-اق حالىق قاھارمانى, كەڭەس وداعىنىڭ باتىرى باۋىرجان مومىش ۇلىنىڭ 100 جىلدىعىن مەرەكەلەۋگە ازىرلىك بارىسى تۋرالى اڭگىمە بولدى.