الماتىداعى اۋىزاشار ەلباسى نۇرسۇلتان نازارباەۆتىڭ نيەتىمەن بەرىلدى

مەدەۋگە بارار جولدىڭ وڭ جا­عىن­دا, دوستىق داڭعىلى مەن م.وس­پانوۆ كوشەسىنىڭ قيىلىسىندا بوي كوتەرگەن, كوز جاۋىن العان ەڭسەلى عيماراتتى بايقاپ جۇرەتىنبىز. مىنە, ناق وسى “Royal ءTulىp Almaty” قوناق ءۇيىنىڭ اق سامالاعا شومىلىپ جار­قى­راعان زالىندا الدىڭعى كۇنى ال­ماتى قالاسى اكىمدىگىنىڭ مۇرىندىق بولۋىمەن شاھاردىڭ مۇسىلمان-جاماعاتىنا قازاقستان رەسپۋبلي­كا­سىنىڭ پرەزيدەنتى نۇرسۇلتان نا­زارباەۆتىڭ اتىنان داستارقان جا­يى­لىپ, اۋىزاشار اس بەرىلدى. اۋىز­اشارعا كەلگەن ءتورت جۇزدەي مەيمان اراسىنان سۇلتان جيەنباەۆ, ساعىندىق كەنجەباەۆ, جۇماعالي ىسماعۇلوۆ, سالىق زيمانوۆ سياقتى قادىرمەندى اقساقالداردى, زيالى قاۋىم وكىلدەرىن, ونەر-مادەنيەت پەن ادەبيەت قايراتكەرلەرىن, بيزنەس وكىلدەرىن, ەلگە ەڭبەك ءسىڭىرىپ جۇرگەن باسقا دا ءبىرتالاي ماماندىق يەلە­رىن كوزىمىز شالدى. الماتى قالاسىنىڭ اكىمى اح­مەت­جان ەسىموۆ ەلباسىنىڭ سالي­قا­لى ساياساتى ارقاسىندا ەلىمىزدە تى­نىش­تىق پەن تاتۋلىق ورناپ, ءدىنى­مىز­دىڭ ورىستەپ ورلەۋىنە كەڭ ءمۇم­كىن­دىكتەر تۋعىزىلىپ وتىرعانىن اتاپ كورسەتتى. ساليقالى, سىندارلى سايا­سات سابىردان تۋادى. ولاي بولسا, الداعى جەلتوقسان ايىندا استانادا ەقىۇ-عا مۇشە ەلدەر مەملەكەت باسشىلارى ءسامميتىنىڭ وتەتىن بو­لۋى دا جالپىادامزاتتىق ىزگىلىكپەن, مۇ­سىلماندىق يماندىلىقپەن اس­تاس­قان سابىرلىلىق پەن سارابدال­دىق­تىڭ جەمىسى ەكەندىگى باسا اي­تىلدى. ايلاردىڭ سۇلتانى رامازان الما­تى­لىقتاردىڭ دا جان-جۇرەگىنە جاق­سىلىق نۇرى, راحمان شاپاعاتى مو­لىنان سەبەلەسىن دەگەن ىزگى ني­ەت­تىڭ كورىنىسىندەي اۋىزاشار بەرىلۋى دە ابدەن قۇبا-قۇپ, دەي كەلە, اكىم جي­نال­عان قاۋىمنىڭ ورازاسىنا قابىل بول­سىن ايتىپ قۇتتىقتادى, ءار ادام­عا اماندىق, ساۋلىق, باق-بە­رە­كە تىلەدى. اكىم ءوز سوزىندە تاۋەل­سىز­دىك العاننان كەيىن ەلدىڭ ءدىلى مەن ءدىنى, جالپى رۋحاني مادەنيەتى جاڭ­عىرىپ ورلەگەندىگىنە باسا توقتالدى. الماتى قالاسى ورتالىق مە­شى­تىنىڭ باس يمامى قۇلمۇحاممەد ما­حانبەت قۇران وقىپ, ۋاعىز ايتىلدى. اۋىزاشار بارىسىندا ءدىني اندەر ورىندالدى. قورعانبەك امانجول. * * *

ىزگىلىك باستاۋى

“يسلام مادەنيەتى مەن ءبىلىمىن قولداۋ قورى” ء“Rىxos” قوناق ۇيىندە ەلىمىزدەگى يسلام مەملەكەتتەرى ەلشى­لەرىنىڭ جانە مەملەكەت, قوعام قاي­راتكەرلەرىنىڭ قاتىسۋىمەن 80 ادامعا ارنالعان اۋىزاشار وتكىزدى. مۇنداي يگى شارا ارقىلى قور ءوز جۇمىسىن وزگەلەرگە تانىستىرۋدى ماقسات تۇتىپتى. ەلىمىز كەلەسى جىلى يسلام كون­فەرەنتسياسى ۇيىمىن باسقاراتىن­دىقتان, الدا كوپتەگەن ءىس-شارالار ءوت­كىزۋ جوسپارلانىپ قويىلعان. مى­نا اۋىزاشار سونىڭ باسى بولىپ تا­بىلادى. قور قازىرگى تاڭدا كوپتە­­­­گەن يسلام مەملەكەتتەرىندەگى ءدىني ۇي­ىمدارمەن قارىم-قاتىناس ورنا­تۋ­دا ەكەن. وسىلايشا تاجىريبە ال­ماسۋ ارقىلى قور ءوز جۇمىسىن جان­دان­دى­رۋدى كوزدەپ وتىر. ويتكەنى, يسلام ەلدەرىندەگى كوپتەگەن ءىس-شا­رالار, ياعني “دوڭگەلەك ۇستەلدەر” ءوت­كىزۋ, ءدى­ني ادەبيەتتەر شىعارۋ نە­مەسە اقپا­راتتىق توپتار قۇرىپ, سو­لار ارقىلى يسلامنىڭ دۇرىس با­عىت­تارىن ءتۇ­سىن­دىرۋ وسىنداي قور­لاردىڭ ۇيىمداس­تىرۋىمەن جۇزەگە اسىرىلادى. ال يسلام مادەنيەتى مەن ءبىلىمىن قولداۋ قورىنىڭ نەگىزگى مىندەتى ەلى­مىزدەگى ءدىني ساۋاتتىلىقتى ودان ءارى دامىتۋ بولىپ تابىلادى. وسى ماق­ساتتا قور قازاقستان مۇسىلماندارى ءدىني باسقارماسى مەشىتتەرىنە قاجەتتى ادەبيەتتەردى كوپتەپ باسىپ, ءتىپتى ولار­دى تۇرعىندارعا تەگىن تا­راتۋعا نيەت ەتىپ وتىر. قازىرگى تاڭدا ەلىمىزدە 2,5 مىڭنان استام مەشىت بولسا, ونداعى ءدىني ماماندار­دىڭ ساۋاتى ءالى دە بولسا ۇشتاۋدى قاجەت ەتەدى. ەلى­مىزگە ەنگەن كوپتەگەن تەرىس پيعىلدى ءدىني توپتاردىڭ ىقپا­لىن­دا كەتىپ جاتقان جاستاردىڭ با­سىن­داعى جاعداي سونىڭ دالەلى بولسا كەرەك. يسلام مادەنيەتى مەن ءبىلىمىن قولداۋ قورى­نىڭ اتقارۋشى ديرەك­تورى بالعابەك مىرزاەۆ بۇل تۋرالى بىلاي دەيدى: “مىنە, وسىندايلاردىڭ الدىن الۋ ماقساتىندا ءبىز يسلام جوعارى وقۋ ورىندارىنا ستۋدەنتتەردى ءجى­بەرۋ ارقىلى تىعىز بايلانىس ور­ناتۋدى كوزدەپ وتىرمىز. وسىلايشا ءدىني باسقارمانىڭ كادرلىق الەۋە­تىن كۇشەيتۋگە بولادى. جىل سايىن يسلام جوعارى وقۋ ورىندارىنا 40-50 بالانى جىبەرىپ, شاكىرتاقىسىن بەرىپ تۇرۋ ويدا بار”. يسلام مادەنيەتى مەن ءبىلىمىن قول­داۋ قورىن قۇرۋ تۋرالى باستا­مانى 2009 جىلى 1-2 شىلدەدە وتكەن الەمدىك جانە ءداستۇرلى دىندەر كوش­باسشىلارىنىڭ قۇرىلتايىندا سويلەگەن سوزىندە ەلباسى نۇرسۇلتان نازارباەۆ كوتەرگەن-ءدى. ارتىنشا ول ومىرگە كەلىپ, ءوز جۇمىسىن جولعا قويا ءبىلدى. قازىر قوردىڭ نەگىزگى قۇ­رىلتايشىسى قازاقستان مۇسىلمان­دارى ءدىني باسقارماسى مەن ء“شا­كىرت” اتتى يسلام وقۋ ورىندارىن بىتىرگەن ستۋدەنتتەردىڭ قوعامدىق بىرلەستىگى بولىپ تابىلادى. سونداي-اق كوپتەگەن جەكە كاسىپكەرلەردىڭ, شەتەلدىك گرانتتار مەن ۇلتتىق كوم­پانيالاردىڭ قولداۋىنا سۇيەنەرى دە بەلگىلى بولدى. اتقارۋشى ديرەك­تور بالعابەك ابدىقايىم ۇلىنىڭ ايتۋىنشا, يسلام كونفەرەن­تسيا­سىنا ۇيىمىنا توراعالىق ەتۋ قار­سا­ڭىندا “قازاقستانداعى يسلام” جۋر­نالى جارىققا شىعايىن دەپ جاتىر. تىركەۋدەن وتكەن باسىلىم شەت ەلدەردەگى ەلشىلىكتەرىمىز ارقى­لى قازاقستانداعى يسلام دامۋى­نىڭ بارىسى جان-جاقتى كورسەتىل­مەك. تاعى ءبىر ماڭىزدى شارا­لار­دىڭ ءبىرى رەتىندە 2011 جىلدىڭ قىر­كۇيەك ايىندا تمد-عا مۇشە ەلدەر مۇفتيلەرىنىڭ باسىن قوسىپ, تمد ەلدەرىندەگى يسلامنىڭ جاعدايى تا­قىرىبىندا حالىقارالىق كونفە­رەن­تسيا وتكىزۋ جوسپارلانىپ وتىر. اسقار تۇراپباي ۇلى.