كەشە قازاقستان رەسپۋبليكاسىنىڭ مەملەكەتتىك حاتشىسى – سىرتقى ىستەر ءمينيسترى قانات ساۋداباەۆ ناتو باس حاتشىسىنىڭ ورتالىق ازيا جانە كاۆكاز ەلدەرى بويىنشا ارنايى وكىلى روبەرت سيممونستى قابىلدادى, دەپ حابارلادى سىرتقى ىستەر مينيسترلىگىنىڭ ءباسپاسوز قىزمەتى.
تاراپتار قازاقستان مەن ناتو اراسىنداعى ارىپتەستىكتىڭ دەربەس ءىس-قيمىلدار جوسپارى شەڭبەرىندەگى قىزمەتتەستىكتى دامىتۋ ماسەلەلەرىن, “دالا قىرانى-2010” حالىقارالىق بىتىمگەرلىك وقۋ-جاتتىعۋلار ناتيجەلەرىن, اۋعانستان مەن قىرعىزستانداعى جاعدايدى قوسا العانداعى وڭىرلىك قاۋىپسىزدىك ماسەلەلەرىن تالقىلادى.
وسى كۇنى قانات ساۋداباەۆ جاپپاي قىرىپ-جويۋ قارۋىنان باس تارتۋدىڭ بۇكىلدۇنيەجۇزىلىك كۇنىنە ارنالعان حالىقارالىق كونفەرەنتسيا شەڭبەرىندە وسى فورۋمعا قاتىسۋشىلارمەن ءبىرقاتار كەزدەسۋلەر وتكىزدى.
بۇۇ دب-نىڭ شىعىس ەۋروپا, بالتىق جانە تمد ەلدەرى بويىنشا وڭىرلىك ديرەكتورى كوري ۋدوۆيچكيمەن كەزدەسۋدە سەمەي ءوڭىرىن دامىتۋدىڭ بىرلەسكەن جوسپارىن جۇزەگە اسىرۋداعى قازاقستان مەن بۇۇ قىزمەتتەستىگىنە زور ماڭىز بەرىلدى.
بۇۇ-نىڭ ورتالىق ازياداعى پرەۆەنتيۆتى ديپلوماتيا جونىندەگى وڭىرلىك ورتالىعىنىڭ باسشىسى ميروسلاۆ ەنچا قازاقستان جاعىنا فورۋمعا قاتىسۋعا شاقىرعانى ءۇشىن ريزالىعىن ءبىلدىردى. ول بۇۇ باس حاتشىسى پان گي مۋننىڭ جاپپاي قىرىپ-جويۋ قارۋىنان باس تارتۋدىڭ بۇكىلدۇنيەجۇزىلىك كۇنىنە وراي قازاقستان پرەزيدەنتى ن.نازارباەۆ اتىنا جولداعان قۇتتىقتاۋىن جەتكىزدى.
ماگاتە-ءنىڭ باس ديرەكتورىنىڭ ورىنباسارى ۆەرنەر بۋركارتپەن كەزدەسۋ بارىسىندا اگەنتتىكتىڭ ءبىزدىڭ ەلىمىزدە جۇزەگە اسىرىپ جاتقان بىرقاتار بىرلەسكەن جوبالارى تۋرالى ءسوز بولدى.