2010 جىلعى 19 تامىز استانا قالاسى
2010 جىلعا اڭ اۋلاۋ مەرزىمىن اۋىستىرۋ تۋرالى
قازاقستان رەسپۋبليكاسى ۇكىمەتىنىڭ 2004 جىلعى 31 جەلتوقسانداعى № 1458 قاۋلىسىمەن بەكىتىلگەن قازاقستان رەسپۋبليكاسىنىڭ اۋماعىنداعى اڭ اۋلاۋ ەرەجەسىنىڭ (بۇدان ءارى – ەرەجە) 25-تارماعىنا سايكەس جانە رەسپۋبليكاداعى ءورت قاۋىپسىزدىگى جاعدايىنىڭ كوبەيۋىنە بايلانىستى بۇيىرامىن:
1. قازاقستان رەسپۋبليكاسىنىڭ اۋماعىندا كۇز كەزەڭىندە اڭ اۋلاۋ مەرزىمىن باستاۋ 2010 جىلعى 1 قىركۇيەكتەن 16 قىركۇيەككە اۋىستىرىلسىن.
2. قازاقستان رەسپۋبليكاسى اۋىل شارۋاشىلىعى مينيسترلىگىنىڭ ورمان جانە اڭشىلىق شارۋاشىلىعى كوميتەتى تۇرعىنداردى ەرەجەنىڭ ساقتالۋى جانە مەرزىمىنىڭ اۋىسقانى تۋرالى حابارلاندىرسىن.
3. وسى بۇيرىقتىڭ ورىندالۋىن باقىلاۋ ورمان جانە اڭشىلىق شارۋاشىلىعى كوميتەتىنە (ە.ن. نىسانباەۆ) جۇكتەلسىن.
4. قازاقستان رەسپۋبليكاسى اۋىل شارۋاشىلىعى مينيسترلىگىنىڭ ورمان جانە اڭشىلىق شارۋاشىلىعى كوميتەتى وسى بۇيرىقتىڭ قازاقستان رەسپۋبليكاسىنىڭ ادىلەت مينيسترلىگىندە, بەلگىلەگەن زاڭنامالىق تارتىپپەن مەملەكەتتىك تىركەلۋىن قامتاماسىز ەتسىن.
5. وسى بۇيرىق ونىڭ العاشقى رەسمي جاريالانعان كۇنىنەن باستاپ قولدانىسقا ەنگىزىلەدى.
مينيستر ا. كۇرىشباەۆ.
كەلىسىلدى:
قازاقستان رەسپۋبليكاسى ءبىلىم جانە عىلىم ءمينيسترىنىڭ م.ا. س. ىرساليەۆ.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2010 جىلعى 25 تامىزدا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №6405 بولىپ ەنگىزىلدى.