استانا. 5 ءساۋىر. تۇركيانىڭ سولتۇستىك-باتىس قاپتالىنداعى اۆتوجولدا بەلگىسىز بىرەۋلەر «فەنەرباحچە» فۋتبول كومانداسىنىڭ ويىنشىلارىن (سۋرەتتە: اقشىل جەيدەلى) الىپ بارا جاتقان اۆتوبۋسقا قارۋلى شابۋىل جاسادى. بۇل تۋرالى جەكسەنبى, 5 ءساۋىر كۇنى تۇرىكتىڭ Sabah باسىلىمىنىڭ دەرەگىنە سۇيەنگەن Lenta.Ru حابارلادى.
ينتسيدەنت سەنبى كۇنى ريزا پروۆينتسياسىندا ورىن العان. ىستامبۇل كلۋبى سول كەزدە ترابزون قالاسىنىڭ اەروپورتىنا بارا جاتقان. مۇنىڭ الدىندا ترابزوندا تۇركيا چەمپيوناتى جوعارى ليگاسىنىڭ شەڭبەرىندە جەرگىلىكتى «ترابزونسپور» كومانداسى «فەنەرباحچەنى» قابىلداپ, 1:5 ەسەبىمەن ويسىراي ۇتىلىپ قالعان. اتىستىڭ سالدارىنان كولىكتىڭ جۇرگىزۋشىسى اۋىر جاراقات الىپ, اۋرۋحاناعا جاتقىزىلدى. الدىن الا مالىمەت بويىنشا, فۋتبولشىلار اراسىندا زارداپ شەككەندەر جوق.
«فەنەرباحچە» كلۋبى – 1899 جىلى قۇرىلعان ەلدەگى ەڭ بايىرعى كوماندالاردىڭ ءبىرى. سوڭعى كەزدەرى كوماندا ساتسىزدىك شىرماۋىنان شىعا الماي كەلەدى. 2012 جىلى كەلىسىپ وتكىزگەن ماتچتارى ايعاقتالىپ قالعاننان كەيىن ول چەمپيوندار ليگاسىنان شىعارىلىپ تاستالدى. ءتىپتى ونى تومەنگى ليگاعا ءتۇسىرىپ تاستاۋ تۋرالى دا باستاما كوتەرىلدى. بىراق ەلدىڭ فۋتبول فەدەراتسياسى بۇعان بارعان جوق.
دامير قوجامقۇل.
مانبە, سۋرەت: Lenta.Ru.