اقتاۋدا جەدەل جاردەم كولىگىمەن ادام قاعىپ كەتتى

اقتاۋ. 13 ناۋرىز. اقتاۋدا جەدەل-جاردەمنىڭ جۇرگىزۋشىسى ستۋدەنتتى قاعىپ, وقيعا ورنىنان ءىزىن سۋىتقان. بۇل تۋرالى egemen.kz ءتىلشىسى حابارلادى. وقيعا 5 ناۋرىز كۇنى اقتاۋداعى ەنەرگەتيكالىق كوللەدجدىڭ ماڭىندا ورىنا العان. زارداپ شەككەن 16 جاستاعى ءجاسوپىرىمدى كۋاگەرلەر سول بويدا اۋرۋحاناعا جەتكىزگەن. جەڭىل جاراقاتتانعان بالا العاشقى كومەك كورسەتىلگەن سوڭ, ۇيىنە قايتارىلدى. قازىر وقيعا ورنىنان ءىزىن سۋىتقانىمەن, دەرەۋ قولعا تۇسكەن جاۋاپسىز جۇرگىزۋشى اكىمشىلىك جاۋاپكەرشىلىككە تارتىلىپ, ءىسى اكىمشىلىك سوتقا جولدانعان. جەدەل-جاردەم كولىگىنىڭ جۇرگىزۋشىسى – مۇنايلى اۋدانىنىڭ 27 جاستاعى ازاماتى بولىپ شىقتى. ول ەشقايدا كەتپەۋ تۋرالى قولحات جازىپ, ۇيىندە وتىر. ەندى 1 جىل كولەمىندە جۇرگىزۋشى كۋالىگىنەن ايىرىلىپ,15 ايلىق ەسەپتىك كورسەتكىش مولشەرىندە ايىپپۇل تولەۋى مۇمكىن. گۇلايىم شىنتەمىرقىزى. دەرەك: egemen.kz. سۋرەت: neva.today.