اتىراۋ. 13 ناۋرىز. اتىراۋداعى «الماگۇل» ىقشام اۋدانىندا ورنالاسقان بۋكمەكەرلىك كەڭسەنى توناعان دەگەن كۇدىكپەن ەكى ادام ۇستالدى. بۇل تۋرالى وبلىستىق ىشكى ىستەر دەپارتامەنتىنىڭ ءباسپاسوز قىزمەتى حابارلادى.
«وقيعا 8 ناۋرىزدا بولعان. ەكى بۇزاقى بۋكمەكەرلىك كەڭسەگە كىرىپ, كاسسيردى قورقىتۋ ارقىلى 50 مىڭ تەڭگەنى الىپ كەتكەن. كاسسير پوليتسياعا 10 ناۋرىزدا ارىزداندى» دەپ حابارلادى اتىراۋ وبلىستىق ىشكى ىستەر دەپارتامەنتىنىڭ ءباسپاسوز حاتشىسى گۇلنازيرا مۇحتاروۆا.
ونىڭ ءمالىم ەتۋىنشە, اتىراۋ قالالىق ىشكى ىستەر باسقارماسىنا قاراستى №2 پوليتسيا بولىمشەسىنىڭ قىزمەتكەرلەرى ەكى كۇدىكتىنى انىقتاپ, ۇستادى. ولار 24 جانە 26 جاستاعى اتىراۋ قالاسىنىڭ تۇرعىندارى بولىپ شىقتى. قازىر كۇدىكتىلەر ۋاقىتشا وقشاۋلاعىشقا قامالدى.
جولداسبەك شوپەعۇل.
دەرەك: اتىراۋ وبلىستىق ىشكى ىستەر دەپارتامەنتى.
سۋرەت: rub90.ru.