قوستاناي وبلىسى سۋ تاسقىنىنا دايىندىقتى قورىتىندىلادى

قوستاناي. 13 ناۋرىز. قوستاناي وبلىسىنىڭ اكىمى نۇرالى سادۋاقاسوۆ سۋ تاسقىنىنا قورىتىندى دايىندىعىنا قاتىستى. بۇل تۋرالى egemen.kz ءتىلشىسى حابارلادى. قوستاناي قالاسىندا قۇرامىندا  قۇرىلىمدىق كوممۋنالدىق جانە جول كاسىپورىندارى, پوليتسەيلەر مەن قۇتقارۋشىلار, ءورت سوندىرۋشىلەر  بار وبلىستىق جەدەل ارەكەت ەتۋ جاساقتارىنىڭ بايقاۋى ءوتتى. بۇل بيىلعى سۋ تاسقىنىن اۋىزدىقتاۋعا سوڭعى دايىندىق بولىپ سانالادى.   قالالىق جاعاجاي ايماعى الاڭىنا 157 قۇتقارۋشى  ءتىزىلدى, 71 تەحنيكا قويىلدى.  قوستاناي وبلىسى توتەنشە جاعدايلار دەپارتامەنتى باستىعى ورتكە قارسى قىزمەت پولكوۆنيگى تالعات كاكىموۆ وبلىس اكىمىنە سۋ تاسقىنى كەزەڭىندە ورىن الۋى مۇمكىن توتەنشە جاعدايلارعا جاساقتىڭ دايىندىعى تۋرالى باياندادى. بيىلعى جىلى وڭىردە قىستا قار از ءتۇستى, ءبىزدىڭ ءوڭىرىمىز ءۇشىن ورتا تاۋلىكتىك تەمپەراتۋرا دا نورماداعىدان جوعارى, وسىعان وراي بيىلعى جىلى سۋ تاسقىنى نورماسى ءوز قالپىندا بولادى.  بىراق تا, وبلىستىڭ بارلىق اپاتتىق قىزمەتى مەن تجد بولىمشەلەرىمەن بىرلەسە توتەنشە جاعداي تۋىنداعان جاعدايدا جەدەل ارەكەت ەتۋگە تولىق دايىندىق بولۋى ءتيىس. سولتۇستىك واجقج  تەحنيكاسىن بايقاۋ كەزىندە, وبلىس اكىمى نۇرالى سادۋاقاسوۆ بيىلعى جىلى قانشا تەحنيكالار مەن قۇرالدار جاڭارتىلعانى جونىندە سۇرادى.  ءوڭىر باسشىسى قوستاناي قۇتقارۋشىلارىن جۇمىستى ادال اتقارعانى ءۇشىن, تج جويۋ باعىتىندا, قۇتقارۋ وپەراتسيالارىن جۇرگىزۋ كەزىندە كاسىبي جانە بىلىكتى ارەكەتتەرى ءۇشىن العىس ايتتى. ن. سادۋاقاسوۆ جاساقتى قاراۋدى قورىتىندىلاي كەلە – تج تۋىنداعان جاعدايدا جەدەل ارەكەت ەتۋ ءۇشىن سۋ باساتىن مەكەندەردى تۇراقتى باقىلاۋعا الۋ كەرەكتىگىن ەسكەرتتى. ءنازيرا جارىمبەتوۆا. دەرەك: egemen.kz سۋرەت: egemen.kz