قوستاناي. سوكولوۆ-سارىباي كەن ءوندىرۋ بىرلەستىگىنىڭ ۇجىمى رەسپۋبليكادا العاشقىلاردىڭ ءبىرى بولىپ, جەتەكشى پارتيانىڭ ءحۇى سەزىنىڭ قازاقستان رەسپۋبليكاسى پرەزيدەنتتىگىنە كانديدات ۇسىنعان شەشىمىن قولداپ, جينالىس وتكىزدى. وعان پارتيانىڭ باستاۋىش ۇيىمىنىڭ 500 مۇشەسى قاتىستى. بۇل تۋرالى egemen.kz ءتىلشىسى حابارلادى.
جينالىس «نۇر وتان» پارتياسىنىڭ استانادا وتكەن ءحۇى سەزىنىڭ جالعاسى ىسپەتتى اسەر قالدىردى. سەزگە قاتىسقان وبلىس دەلەگاتسياسىنىڭ قۇرامىندا «نۇر وتان» پارتياسى «سسكوب» اۋداندىق فيليالى توراعاسىنىڭ ورىنباسارى الەكساندر ماكارەنكو دا بولاتىن. ول جينالىستا وسى ساپاردان العان اسەرىمەن ءبولىستى, سەزد شەشىمىنىڭ دۇرىستىعىن ايتتى. ونىڭ پىكىرىن «سسكوب» اكتسيونەرلىك قوعامىنىڭ پرەزيدەنتى بەرەكە مۇحامەتقاليەۆ جالعاستىردى. بەرەكە مۇحامەتقاليەۆ: «ەلباسىنىڭ «نۇر وتان» پارتياسى اتىنان قازاقستان رەسپۋبليكاسىنىڭ پرەزيدەنت سايلاۋىنا قاتىسۋ تۋرالى شەشىمى – ەلىمىزدىڭ جارقىن بولاشاققا دەگەن سەنىمدى قادامى. 1993 جىلى مەنىڭ ەلباسىمەن العاش رەت كەزدەسۋىمنىڭ ءساتى ءتۇستى. سول كەزدەسۋ باسقالار سەكىلدى مەنىڭ سانامدا دا جارقىن ءىز قالدىردى. نۇرسۇلتان نازارباەۆ – كورەگەن جانە كەمەڭگەر ساياساتكەر. ونىڭ بويىندا كوشباسشىعا ءتان قاسيەتتىڭ بارلىعى تابىلادى. قازاقستاندى الەمدەگى مويىنى وزىق 30 ەلدىڭ قاتارىنا قوسۋعا باعىتتاۋ ونىڭ كورەگەندىگى» دەدى. كەن الىبىنىڭ جەتەكشىسى 26 ساۋىردە بولاتىن سايلاۋعا قاتىسۋدا ءوندىرىس ۇجىمىنىڭ جوعارى بەلسەندىلىك تانىتاتىنىنا سەنىم ءبىلدىردى.
جينالىستا «نۇر وتان» پارتياسى ءحۇى سەزىنىڭ دەلەگاتى, جوندەۋ-مەحانيكالىق زاۋىتىنداعى جاستارمەن جۇمىس جونىندەگى نۇسقاۋشى رۋسلان كارتاشەۆ, كەن بايىتۋ فابريكاسى ۇساتۋ ۋچاسكەسىنىڭ اۋىسىم شەبەرى سوۆەت تۇرىنبەتوۆ, كەن تەمىر جول كولىگى باسقارماسىنىڭ تەپلوۆوز ءماشينيسى ۆلاديسلاۆ دەنيسوۆ, قوسالقى ءوندىرىس جانە قويما شارۋاشىلىعى تسەحىنىڭ شەبەرى اندرەي موروزوۆ, جول شارۋاشىلىعى جانە قۇرىلىس باسقارماسىنىڭ اۋىسىم باستىعى تالعات ساعيمولدين سويلەپ, سەزد شەشىمىن قولدايتىندىعىن جانە الداعى سايلاۋعا قاتىسۋعا دايىن ەكەندىگىن ايتتى.
«سسكوب» اكتسيونەرلىك قوعامى كاسىپوداق كوميتەتىنىڭ ءتورايىمى, وبلىستىق ءماسليحاتتىڭ دەپۋتاتى تاتيانا شەرستوبيتوۆا جينالىستى قورىتىندىلادى. تاتيانا نيكولاەۆنا: «ءبىزدىڭ جينالىسىمىز پارتيا سەزىنىڭ جالعاسى دەسەم ارتىق ەمەس. ويتكەنى ءبىزدىڭ ويىمىز ءبىر جەردەن شىعادى, ءبىر جەڭنەن قول, ءبىر جاعادان باس شىعارعانداي, بارلىعىمىز دا ءبىزدىڭ كاسىپورىننىڭ ىرعاقتى جۇمىس ىستەۋىنە كوپ قامقورلىق جاساعان ەلباسىنىڭ ساياساتىن قولدايمىز. جاقىندا وتەتىن سايلاۋعا ءبىر كىسىدەي قاتىسۋ – ءبىزدىڭ پارىزىمىز» دەدى.
جينالىس قابىلداعان قارارىندا: «سوكولوۆ-كەن ءوندىرۋ بىرلەستىگى –قازاقستانداعى ءىرى كاسىپورىننىڭ بىرەگەيى, وندا 19 مىڭ ادام جۇمىس ىستەيدى. بۇل ەلىمىزدەگى يندۋستريالىق-يننوۆتسيالىق دامۋ مەملەكەتتىك باعدارلاماسىنىڭ ارقاسىندا مۇمكىن بولدى. قوعامدا كوپتەگەن جاعىمدى وزگەرىستەردىڭ بولىپ جاتقانى بىلىنەدى. قازاقستان ورتا ازياداعى ەكونوميكاسى جاقسى دامىپ وتىرعان بىردەن ءبىر مەملەكەت. «سسكوب» اكتسيونەرلىك قوعامىنىڭ ەڭبەك ۇجىمى «نۇر وتان» پارتياسىنىڭ توراعاسى نۇرسۇلتان نازارباەۆتىڭ كانديداتۋراسىن قازاقستان رەسپۋبليكاسى پرەزيدەنتتىگىنە ۇسىنۋ تۋرالى شەشىمدى تولىق قولدايدى» دەپ جازدى.
ءنازيرا جارىمبەتوۆا.
دەرەك: egemen.kz
سۋرەت: egemen.kz