استانا. 13 ناۋرىز. بوكستان ەلىمىزدىڭ ۇلتتىق قۇراماسى استاناداعى س.سەيفۋللين اتىنداعى قازاق اگروتەحنيكالىق ۋنيۆەرسيتەتىنىڭ ستۋدەنتتەرىمەن كەزدەسۋ وتكىزدى. بۇل تۋرالى egemen.kz حابارلادى.
كەزدەسۋگە باس جاتتىقتىرۋشى مىرزاعالي ايتجانوۆ, 2013 جىلعى الەم چەمپيوندارى دانيار ەلەۋسىنوۆ (69 كيلو) پەن جانىبەك ءالىمحان ۇلى (75 كيلو) جانە 2012 جىلعى لوندون وليمپياداسىنىڭ قولا جۇلدەگەرى يۆان دىچكو (+91 كيلو) قاتىستى.
شارا بارىسىندا ستۋدەنتتەر وزدەرىن قىزىقتىرعان سۇراقتارىنا جاۋاپ الىپ, بوكسشىلار تۋرالى قىزىقتى مالىمەتتەرگە قانىقتى. سونداي-اق, ستۋدەنتتەر جانىبەك ءالىمحان ۇلىنان ءان شىرقاپ بەرۋىن سۇراپ, قولقا سالدى. زامانداستارىنىڭ ءوتىنىشىن جەرگە تاستاماعان جانىبەك بىردەن «انا تۋرالى جىردى» ورىنداپ بەردى.
ەلامان قوڭىر.
دەرەك: egemen.kz.
سۋرەت: kazatu.kz.