استانا. 5 ءساۋىر. استانادا 26 ساۋىردە وتەتىن پرەزيدەنت سايلاۋىن قولداعان جاستار ارنايى فلەشموب ۇيىمداستىردى. شارا «مەنىڭ العاشقى سايلاۋىم» اكتسياسى اياسىندا وتكىزىلدى. بۇل تۋرالى «قازاقپارات» حابارلادى.
مادەني شاراعا استاناداعى جوعارى وقۋ ورىندارىنىڭ ستۋدەنتتەرى قاتىستى. «سەنىڭ داۋىسىڭ ماڭىزدى!», «سايلاۋعا كەلىپ داۋىس بەر!» دەپ ۇرانداعان جاستار بارشا قازاقستاندىقتى سايلاۋعا شاقىردى.
استانا قالالىق جاستار ساياساتىن قولداۋ مەملەكەتتىك قورى ۇيىمداستىرۋ ءبولىمىنىڭ باستىعى ادىلەت تولەۋتاەۆتىڭ ايتۋىنشا, اكتسيانىڭ ماقساتى – حالىقتى بەلسەندىلىككە ۇگىتتەپ, داۋىس بەرۋگە قۇقى بار ءار ازاماتتى سايلاۋعا شاقىرۋ. «بۇل شارا استاناداعى ەڭ بەلسەندى ستۋدەنتتەردىڭ قاتىسۋىمەن وتۋدە. ءارتۇرلى حالىقتاردىڭ ءبيى ۇيىمداستىرىلىپ, سوڭىندا جاستار «26» سيمۆولدىق سانىن بەينەلەدى», – دەيدى ءا.تولەۋتاەۆ.
ەلامان قوڭىر.
دەرەك, سۋرەت: «قازاقپارات».