استانا. 5 ءساۋىر. تارازدا «انەت-ا» اتتى جەكە بالالار باقشاسىنا ەسەكتىڭ ەتى بەرىلگەنى تۋرالى قاۋەسەت تەكسەرىلىپ جاتىر. بۇل تۋرالى 24KZ تەلەارناسى حابارلادى.
وسىنىڭ الدىندا الەۋمەتتىك جەلىدە ەت جەتكىزۋشىلەردىڭ ارباسىندا بەلگىسىز ءبىر جانۋاردىڭ باسى جاتقانى كورسەتىلەتىن ۆيدەو جاريالانعان ەدى. ونى قارسى تۇرعان ءۇيدىڭ تەرەزەسىنەن قالا تۇرعىندارىنىڭ ءبىرى ۇيالى تەلەفونىمەن ءتۇسىرىپ العان ەكەن. بەينەجازبا جاريالانعان بويدا تاراز قالاسىنىڭ مال دارىگەرلىك ۆەتەرينارياسىنىڭ ينسپەكتورلارى اتالمىش بالالار باقشاسىنا كەلگەن.
«كەشە, 2 ءساۋىر كۇنى ءتۇس قايتا قالالىق پروكۋراتۋرانىڭ تالاپ ەتۋى بويىنشا «انەت-ا» بالالار باقشاسىنا باردىق. ءبىز ازىق-ت ۇلىك بلوگىنداعى ەت ونىمدەرىنە تەكسەرۋ جۇرگىزدىك. ول جەردە 100 كيلوگرامم شاماسىندا ەت ساقتالىپتى. ودان زەرتحانا ءۇشىن كەسىپ الدىق. تەكسەرۋ قورىتىندىسى 7-8 ساۋىردە, ياعني 5 كۇننەن كەيىن بەلگىلى بولادى», - دەدى تاراز قالاسى باس ۆەتەرينار-سانيتار ينسپەكتورى اسقار تۇيتەباەۆ.
ۆەتەرينار ينسپەكتورلارى توڭازىتقىشتاردى پلومبىمەن جاۋىپ, جاعداي انىقتالعانشا ونداعى ونىمدەردى پايدالانۋعا تىيىس سالدى. ازىرگە ەتتىڭ كەلىسىمشارت نەگىزىندە بايزاق اۋدانىنان جەتكىزىلەتىنى انىقتالدى. ەندى ۆەتينسپەكتسيا لابوراتورياسىندا الىنعان ەتتىڭ قانداي جانۋاردىكى ەكەنىن جانە وندا جۇقپالى اۋرۋدىڭ بار-جوعىن تەكسەرەدى. جەكە بالالار باقشاسىنىڭ يەسى بولسا, ونىڭ سيىر ەكەنىن ايتادى.
قۇرىش نۇرىمبەت.
مانبە, سۋرەت: 24KZ.