استانا. 4 ءساۋىر. قىتايدىڭ IUNI كومپانياسى تەك ايەلدەر قاۋىمىنا ارنالعان جاڭا IUNI i1 سمارتفونىن شىعاراتىن بولدى. ول تاياۋدا بارسەلونادا وتكەن MWC كورمەسىندە حالىق نازارىنا ۇسىنىلعان IUNI U3 mini سمارتفونىنىڭ جەتىلدىرىلگەن نۇسقاسى بولماق. بۇل تۋرالى 1news.az حابارلادى.
جاڭا بايلانىس قۇرالى اق جانە قىزعىلت ءتۇستى بولادى. سونداي-اق, الدىڭعى كامەراسىنىڭ ءوزى 8 مەگاپيكسەلدى بولادى دەپ جوسپارلانۋدا. «مۇنداي سمارتفونمەن جاسالعان «سەلفي» وتە ساپالى شىعادى. قاجەت بولسا, قۇرىلعىعا ورناتىلعان ارنايى باعدارلاما ارقىلى سۋرەتتى وندەۋگە بولادى. ءونىم تەك قىزدارعا ارنالعاندىقتان, وعان ادام تەرىسىن قالاي كۇتۋگە بولاتىنى جانە تاعى باسقا دا تاقىرىپتار بويىنشا كەڭەستەر بەرىپ تۇراتىن باعدارلامالار ورناتىلادى», – دەيدى كومپانيا وكىلى.
سمارتفوننىڭ تەحنيكالىق مۇمكىندىگىندە كومپانيانىڭ وسى ساناتتاعى وزگە ونىمدەرىنەن ايتارلىقتاي ايىرماشىلىق بولمايدى. IUNI i1-ءدىڭ جۇمىس ىستەۋ جۇيەسى Qualcomm Snapdragon 801 پروتسەسسورىنا نەگىزدەلگەن. جەدەل جادىسى 2, ال جالپى جادىسى 32 گيگابايت. 5,2 ءديۋيمدى ەكراننىڭ مۇمكىندىگى 1920ح1080 پيكسەل. باعاسى 320 اقش دوللارى شاماسىندا بولماق.
ەلامان قوڭىر.
دەرەك, 1news.az.
سۋرەت: china-review.com.ua.