پالاتا سپيكەرى قابيبوللا جاقىپوۆتىڭ توراعالىعىمەن ءماجىلىس بيۋروسى ءوتىپ, جالپى وتىرىستىڭ كۇن ءتارتىبى ناقتىلاندى, دەپ حابارلادى وسى پالاتانىڭ ءباسپاسوز قىزمەتى.
دەپۋتاتتار نازارىنا 2009 جىلعى 6 قازانداعى قازاقستان مەن فرانتسيا ۇكىمەتتەرى اراسىنداعى جەردى قاشىقتىقتان زوندتاۋدىڭ عارىش جۇيەسىن جانە عارىش اپپاراتتارىنىڭ قۇراستىرۋ-سىناۋ كەشەنىن قۇرۋ مەن پايدالانۋ شارتتارى تۋرالى كەلىسىمگە تۇزەتۋلەردى قاراستىراتىن حاتتامانى راتيفيكاتسيالاۋعا قاتىستى زاڭ جوباسى ۇسىنىلادى.
حالىق قالاۋلىلارى قۇرىلىستاعى باعا بەلگىلەۋ, ساۋلەت-قۇرىلىس باقىلاۋىن, سونداي-اق, وبەكتىلەردى پايدالانۋعا قابىلداۋدى جۇزەگە اسىرۋ ماسەلەلەرى بويىنشا, سونىمەن قاتار, كاسپي تەڭىزىندە توتەنشە جاعدايلاردىڭ الدىن الۋ جانە ولاردى جويۋ سالاسىنداعى ىنتىماقتاستىق تۋرالى كەلىسىمگە جانە 2004 جىلعى 22 جەلتوقسانداعى قازاقستان مەن رەسەي فەدەراتسياسىنىڭ ۇكىمەتى اراسىنداعى «بايقوڭىر» عارىش ايلاعىندا «بايتەرەك» عارىش زىمىران كەشەنىن قۇرۋ تۋرالى كەلىسىمگە تۇزەتۋلەردى كوزدەيتىن حاتتاماعا قاتىستى ەكى راتيفيكاتسيالىق قۇجات بويىنشا قورىتىندى ازىرلەۋ مەرزىمىن تاعايىندايدى.
وسى كۇنى ماجىلىسمەندەر, ساقتاندىرۋ جانە يسلامدىق قارجىلاندىرۋ ماسەلەلەرى بويىنشا زاڭ جوباسىنا پارلامەنت سەناتى ەنگىزگەن وزگەرىستەردى قارايدى.
«ەگەمەن-اقپارات».