كەشە پرەمەر-مينيستر كارىم ءماسىموۆتىڭ توراعالىعىمەن بەينەكونفەرەنتسيالىق بايلانىس رەجىمىندە ۇكىمەت وتىرىسى ءوتتى, دەپ حابارلادى پرەمەر-ءمينيستردىڭ ءباسپاسوز قىزمەتى.
پارلامەنت دەپۋتاتتارى قاتىسقان وتىرىس دەپۋتاتتاردىڭ ساۋالدارى مەن ۇندەۋلەرىندە كوتەرىلەتىن كوكەيكەستى ماسەلەلەردى مەملەكەتتىك ورگانداردىڭ قاراۋى ماسەلەسىنە ارنالدى.
ولاردىڭ قاتارىندا وڭىرلىك جۇمىسپەن قامتۋ جانە كادرلاردى قايتا دايارلاۋ ستراتەگياسى (“جول كارتاسى”), “بيزنەستىڭ جول كارتاسى-2020”, اۋىلدىق جەرلەردە الەۋمەتتىك نىساندار, جولدار, اۋىز سۋمەن جابدىقتاۋ جۇيەلەرىن سالۋ, ۇلەسكەرلەر پروبلەمالارىن شەشۋ, شاعىن جانە ورتا بيزنەستىڭ بورىشتارىن قايتا قۇرىلىمداۋ سياقتى ماسەلەلەر بار.
تالقىلاۋ قورىتىندىسى بويىنشا, ۇكىمەت باسشىسى مەملەكەتتىك ورگاندار باسشىلارى مەن وبلىستاردىڭ, استانا جانە الماتى قالالارىنىڭ اكىمدەرىنە قازاقستان ۇكىمەتى اتىنا جولدانعان دەپۋتاتتىق ساۋالداردا قوزعالعان جەكەلەگەن ماسەلەلەردىڭ شەشىم تابۋىن جۇزەگە اسىرۋ جونىنەن ۇيىمداستىرۋ شارالارىن قابىلداۋ تۋرالى ناقتىلى تاپسىرمالار بەردى.