استانا. 31 تامىز. مەملەكەت باسشىسى مەن قىتاي حالىق رەسپۋبليكاسىنىڭ توراعاسى سي تسزينپين كەڭەيتىلگەن قۇرامدا كەزدەسۋ وتكىزدى. بۇل تۋرالى akorda.kz حابارلادى.
كەزدەسۋ بارىسىندا ساۋدا-ەكونوميكالىق, ينۆەستيتسيالىق, قارجى-نەسيەلىك جانە مادەني-گۋمانيتارلىق سالالارداعى ەكىجاقتى ىنتىماقتاستىق ماسەلەلەرى تالقىلاندى. سونداي-اق ەكى ەل ليدەرلەرى حالىقارالىق كۇن تارتىبىندەگى نەگىزگى جايتتار بويىنشا ۇستانىمداردى قاراستىردى.
ەلباسى جىلى قابىلداۋى ءۇشىن قحر توراعاسىنا العىس ايتتى جانە ەلدەرىمىزدىڭ اراسىنداعى قارىم-قاتىناس 20 جىلدان استام ۋاقىت بويى ۇدايى ءوسۋ جولىندا دامىپ كەلە جاتقانىن ايتتى.
«بۇعان ءسىزدىڭ بيىلعى مامىردا قازاقستانعا جاساعان رەسمي ساپارىڭىز بارىسىندا قول جەتكەن ۋاعدالاستىقتار سەپتىگىن تيگىزىپ وتىر», – دەدى نۇرسۇلتان نازارباەۆ.
قازاقستان پرەزيدەنتى سونداي-اق قىتاي حالقىن جاپون باسقىنشىلارىنا قارسى سوعىستاعى جەڭىستىڭ 70 جىلدىعىمەن جانە بەيجىڭنىڭ 2020 جىلعى قىسقى وليمپيادانى وتكىزۋ قۇقىعىن جەڭىپ الۋىمەن قۇتتىقتادى.
«بەيجىڭ جازعى جانە قىسقى وليمپيادا ويىندارى وتكەن الەمدەگى بىردەن ءبىر قالا بولادى», – دەدى مەملەكەت باسشىسى.
سي تسزينپين نۇرسۇلتان نازارباەۆقا ءىلتيپات بىلدىرە وتىرىپ, قازاقستان مەن قىتايدىڭ اراسىنداعى ستراتەگيالىق سەرىكتەستىك ۇزدىكسىز نىعايىپ كەلە جاتقانىن اتاپ ءوتتى.
«ءبىز بۇگىن قازاقستان پرەزيدەنتىمەن بىرگە جان-جاقتى ستراتەگيالىق سەرىكتەستىكتىڭ جاڭا كەزەڭى تۋرالى بىرلەسكەن دەكلاراتسياعا قول قويامىز. بۇل قۇجات ءبىزدىڭ كوپجىلدىق جەمىستى ءىس-قيمىلىمىزدىڭ قورىتىندىسى بولادى جانە بولاشاقتاعى ىنتىماقتاستىق باعدارلاماسىنا اينالادى», – دەدى سي تسزينپين.
كەلىسسوزدەر بارىسىندا قىتاي جاعى قازاقستاننىڭ دۇنيەجۇزىلىك ساۋدا ۇيىمىنا كىرۋىن قوش كورەتىندىكتەرىن ايتتى جانە بۇل وقيعانىڭ ەكىجاقتى قاتىناستاردى ارتتىرۋدا ماڭىزدى ەكەنىن اتاپ ءوتتى. تاراپتار سونداي-اق «جاسىل تەحنولوگيالاردى» دامىتۋ سالاسىنداعى ىنتىماقتاستىقتى استاناداعى ەكسپو-2017 كورمەسىنىڭ الەۋەتى اۋقىمىندا دامىتۋعا ۋاعدالاستى.
سونىمەن قاتار, مەملەكەتتەر باسشىلارى قازاقستان اۋماعىندا از بايىتىلعان ۋران بانكىنىڭ قۇرىلۋىنا بايلانىستى اتوم ەنەرگەتيكاسى سالاسىنداعى ءوزارا ءىس-قيمىلدى كۇشەيتۋگە ءازىر ەكەندەرىن ءبىلدىردى.
سوڭىندا الداعى ساۋدا-ەكونوميكالىق ىنتىماقتاستىقتى بۇكىل الەمدەگى ۆاليۋتا نارىقتارىنىڭ قۇبىلمالىلىعى جاعدايىندا دامىتۋ پەرسپەكتيۆالارى تالقىلاندى.
نۇرسۇلتان نازارباەۆتىڭ قىتايعا مەملەكەتتىك ساپارى اياسىندا مىناداي قۇجاتتارعا قول قويىلدى:
– قر مەن قحر مەملەكەتتەرى باسشىلارىنىڭ جان-جاقتى ستراتەگيالىق سەرىكتەستىكتىڭ جاڭا كەزەڭى تۋرالى بىرلەسكەن دەكلاراتسياسى;
– قر مەن قحر اراسىنداعى سوتتالعانداردى بەرۋ تۋرالى 2011 جىلعى 22 اقپانداعى شارت بويىنشا راتيفيكاتسيالىق گراموتالار الماسۋ تۋرالى حاتتاما;
– قر ۇكىمەتى مەن قحر ۇكىمەتى اراسىنداعى يندۋستريالاندىرۋ جانە ينۆەستيتسيا سالاسىنداعى ىنتىماقتاستىقتى نىعايتۋ تۋرالى نەگىزدەمەلىك كەلىسىم;
– «بايتەرەك» ۇبح» اق جانە «سيتيك گرۋپپ» اراسىنداعى قازاقستان ينفراقۇرىلىمدىق قورىنا (Kazakhstan Infrاstruسture Fund) بىرلەسىپ قاتىسۋ تۋرالى كەلىسىم;
– «ماسالى تاۋ-كەن بايىتۋ كومبيناتى» جشس مەن قىتاي ەكسپورت-يمپورت بانكى اراسىنداعى زايم تۋرالى نەگىزدەمەلىك كەلىسىم;
– «ەurasian Resources Group» كورپوراتسياسى جانە قىتاي مەملەكەتتىك دامۋ بانكى اراسىنداعى نەگىزدەمەلىك كەلىسىم;
– «KAZNEX INVEST» ەكسپورت جانە ينۆەستيتسيا جونىندەگى ۇلتتىق اگەنتتىگى» اق مەن «جىبەك جولى» قورى اراسىنداعى يندۋستريالىق-يننوۆاتسيالىق ىنتىماقتاستىق جوبالارى ءۇشىن ارناۋلى ينۆەستيتسيالىق قور قۇرۋ جونىندەگى ءوزارا تۇسىنىستىك جانە ءىس-قيمىل تۋرالى مەموراندۋم;
– «استانا ەكسپو - 2017» ۇك» اق جانە قىتاي حالىقارالىق تۋريزم بيۋروسى اراسىنداعى ءوزارا ىنتىماقتاستىق تۋرالى مەموراندۋم;
– قر ۇكىمەتى مەن قحر ۇكىمەتى اراسىنداعى مادەني-گۋمانيتارلىق ىنتىماقتاستىق تۋرالى كەلىسىم;
– «استانا LRT» اق جانە قىتاي مەملەكەتتىك دامۋ بانكى اراسىنداعى زايم تۋرالى كەلىسىم;
– «Astana LRT» جشس مەن قحر كومپانيالار كونسورتسيۋمى اراسىنداعى ەرس-كەلىسىمشارتى.
ايدار ورىسباەۆ.
دەرەك, سۋرەت: akorda.kz.