كەشە م.ح.دۋلاتي اتىنداعى تاراز مەملەكەتتىك ۋنيۆەرسيتەتىندە پرەزيدەنتتىك سايلاۋدى بايقاۋ جونىندەگى رەسپۋبليكالىق قوعامدىق كوميسسيانىڭ جامبىل وبلىسىنداعى فيليالى بريفينگ وتكىزدى.
بۇل ۇيىمنىڭ بايقاۋشىلارى سايلاۋعا قاتىسۋشى ءاربىر كانديداتتىڭ بارلىعىنا بىردەي جاعداي جاسالۋىن قاداعالايدى جانە قانداي دا بولماسىن قۇقىق بۇزۋشىلىقتىڭ ورىن الۋىنا جول بەرمەيدى. ياعني, كوميسسيا مۇشەلەرى سايلاۋدىڭ ءادىل دە شىنايى وتۋىنە اتسالىسپاق. اتاپ ايتقاندا, پرەزيدەنتتىككە كانديداتتاردىڭ سايلاۋالدى شارالارىنىڭ زاڭدىلىعىن, باق ارقىلى ناسيحاتتاۋداعى تەپە-تەڭدىكتى قاداعالاماق. جالپى وبلىس كولەمىندە 461 بايقاۋشى جۇمىس جاسايتىن بولادى. ول ءۇشىن الدىمەن بايقاۋشىلار ءۇشىن سەمينار-ترەنينگتەر وتكىزىلەدى.
«بايقاۋشىلار سايلاۋ كۇنى سايلاۋ ۋچاسكەلەرىندە قوعامدىق ۇيىمنىڭ اتىنان قاتىسادى. ولارعا قويىلاتىن باستى تالاپتاردىڭ ءبىرى – «سايلاۋ تۋرالى» زاڭدى جاقسى ءبىلۋ. سونىمەن قاتار, بايقاۋشىلار ءۇشىن ادىستەمەلىك قۇرالدار, جادناما مەن حاتتاما ۇلگىسىمەن بايقاۋشى بلوكنوتى دايىندالدى. فيليال ءوفيسى جۇمىسى ۇزدىكسىز جۇرگىزىلەدى, ال دەمالىس كۇندەرى ارنايى كەزەكشىلىك ۇيىمداستىرىلعان», دەيدى بۇل جونىندە پرەزيدەنتتىك سايلاۋدى بايقاۋ جونىندەگى رەسپۋبليكالىق قوعامدىق كوميسسيانىڭ جامبىل وبلىسى بويىنشا فيليالىنىڭ ءتورايىمى پاريدا مامەدوۆا.
قوعامدىق كوميسسيا بارلىق قوعامدىق ۇيىمدارمەن جانە ازاماتتارمەن ارىپتەستىك قاتىناس ورناتىپ, جالپى سايلاۋدىڭ ءادىل جانە حالىقارالىق ستاندارتتارعا ساي وتكىزىلۋىن قاداعالايتىنى جايلى اقپاراتتاندىرىپ وتىرادى. سايلاۋ اياقتالعان سوڭ ءوز جۇمىسىنىڭ ناتيجەسىن جاريالايدى.
ورالحان ءداۋىت,
«ەگەمەن قازاقستان».
جامبىل وبلىسى.