كوكشەتاۋدا باسەكەلەسىن بالتالاپ تاستادى

كوكشەتاۋ. 28 تامىز. قايعىلى جاعداي وتكەن جەلتوقسان ايىندا, بىرلىك اۋىلىندا ورىن العان. بۇل تۋرالى egemen.kz ءتىلشىسى حابارلادى.

اقمولا وبلىستىق پروكۋراتۋراسى 10-شى باسقارماسىنىڭ پروكۋرورى مانشۇك ءجۇنىسوۆانىڭ حابارلاۋىنشا, جەرگىلىكتى 59 جاستاعى تۇرعىن ر-نىڭ ازاماتتىق نەكەدەگى ايەلى ۆ. باسقا كىسىنىڭ ەتەگىنەن ۇستاپ كەتكەنى جۇرەگىنە قاتتى باتسا كەرەك. ونىڭ ۇستىنە باسەكەلەسى ح. وسى اۋىلدا تۇراتىنى, ازاماتتىق ايەلىنىڭ كوز الدىندا كولبەڭدەپ جۇرەتىنى زىعىردانىن قايناتقان كورىنەدى. جۇرەككە ءامىر جۇرمەيتىنىن ەسكەرمەگەن ر. «جىگىت سياقتى» سويلەسپەك بولىپ, باسەكەلەسى تۇرىپ جاتقان ۇيدە ءبىرشاما بايبالام شىعارادى. بۇدان ءتيىستى ناتيجە بولماعان سياقتى. ەرتەڭىندە كوزى قاراۋىتقان ر. الگى ۇيگە تاعى دا كەلەدى. قانى باسىنا شاپقان ول قالىڭ ۇيقىداعى ح-نىڭ باسىن بالتامەن سوققان. ول سول جەردە جان تاپسىرادى. شوشىپ ويانعان ۆ. پوليتسياعا تەلەفون شالىپ, بولعان جاعدايدى حابارلاعان. قىلمىستىق ىستەر جونىندەگى مامانداندىرىلعان اۋدانارالىق سوت جۋىردا وسى قاندى وقيعانىڭ نۇكتەسىن قويدى. ەندى ر. قاتاڭ رەجىمدەگى كولونيادا 13 جىل بويى جازا مەرزىمىن وتەيتىن بولادى. اقمولا وبلىستىق سوتىنىڭ اپپەلياتسيالىق كوللەگياسى ۇكىمدى وزگەرىسسىز قالدىردى. باقبەرگەن امالبەك. دەرەك, سۋرەت: egemen.kz