قازاقستان رەسپۋبليكاسى پارلامەنتى سەناتىنىڭ توراعاسى قاسىم-جومارت توقاەۆ قازاقستان رەسپۋبليكاسى پرەزيدەنتىنىڭ جارلىعىمەن وكىلەتتىگى توقتاتىلعان جوعارعى پالاتانىڭ بۇرىنعى دەپۋتاتتارى ەرلان نىعماتۋلينگە جانە سەرىك نوگەربەكوۆكە قۇرمەت گراموتاسىن تابىس ەتتى, دەپ حابارلادى پارلامەنت سەناتىنىڭ ءباسپاسوز قىزمەتى.
ولار مەملەكەت باسشىسىنىڭ ستراتەگياسى مەن رەفورمالارىن زاڭنامالىق تۇرعىدا قامتاماسىز ەتۋگە زور ۇلەس قوسقانى ءۇشىن ماراپاتتالدى. ق.توقاەۆ ءوز سوزىندە ە.نىعماتۋلين مەن س.نوگەربەكوۆتىڭ كاسىبي بىلىكتىلىگى مەن پرينتسيپتىلىگىن اتاپ ءوتىپ, سەناتتاعى زاڭ جوبالارى بويىنشا بەلسەندى جانە ناتيجەلى جۇمىستارىنا العىسىن ءبىلدىردى. تەك وتكەن پارلامەنتتىك سەسسيادا عانا سەنات 113 زاڭ قابىلداعان بولاتىن.